Read Imbabura Highland Quichua Psalms 108 Bible Online

Psalms 108 - Imbabura Highland Quichua bible

Psalms 108

¹David rurashca candana Salmomi. Taita Dioslla, ñuca shunguca canda candangapaj shuyajunmi. Salmocunatami tonochishpa candasha. Chaimi, ñuca juyailla cushijuna.

²Salteriopash, arpapash, rijcharichiyari. Tutamandatami rijcharisha.

³Mandaj Dioslla, candaca gentecunapaj chaupipimi alicachijusha. Llactacunapi causajcunapaj chaupipimi, candaca Salmocunahuan candajusha.

⁴Can llaquinaca, jahua pachatapash yali jatumbachami. Can na llullaj canapash, jahua pachacamanmi.

⁵Taita Dioslla, jahua pachapipash jatunyachi tucushca capailla. Cambaj punchapambatapash, tucui cai pachapi jatunyachinajuchun.

⁶Can juyashcacuna cacharichi tucuchunga, cambaj ali lado maquihuan quishpichipairi. Ñuca mañajujta uyashpa tigrachihuayari.

⁷Taita Diosca, paipajlla huasipica cashnami nijurca: “Ñucaca ninandami cushijusha. Siquem shuti pueblotaca chaupishami. Sucot shuti pugru pambatapash medishami.

⁸Galaad llactaca ñucapajmi, Manasés llactapash ñucapajmi. Efraín llactaca, ñuca umapi churajuna jirrumi. Judá llactaca, ñuca churashca mandajmi.

⁹Moab llactaca, yacuta japishpa ñuca maillarinami. Ñuca chaquipi churajunataca, Edom llactapimi shitasha. Filistea llactata mishashpaca cushijushami” nijurcami.

¹⁰Muyundi jatun pircahuan pueblomambash, ¿pita pushahuangayari? Edom llactacamambash, ¿pita pushahuangayari?

¹¹Taita Dioslla, ¿nachu ñucanchita jichushpa saquij Diosllata pushana cangui? Taita Dioslla, ¿nachu ñucanchi soldadocunahuan llujshin carcangui?

¹²Ñucanchita fiñajcunata mishangapaj ayudahuayari. Runacunalla ayudashcapash, yanga yangami.

¹³Taita Dioshuanga, jatun manllarinacunatami rurashun. Paimi, ñucanchita fiñajcunataca sarunga.