Read Imbabura Highland Quichua Psalms 111 Bible Online

Psalms 111 - Imbabura Highland Quichua bible

Psalms 111

¹Mandaj Diosta alicachinguichi. Mandaj Diostaca, tucui shunguhuanmi alicachisha. Alitalla rurajcuna tandanajushcapipash, jatun tandanajuipipashmi alicachisha.

²Mandaj Dios rurashcacunaca, jatumbachami. Chai runacunaca, maijan munajcunahuanga ninanda mascai tucushcami.

³Pai rurashcacunaca, punchapamba juyaillagupachami. Imatapash cashcatapacha pai rurashcapash, causaita causaicamanmi tiajun.

⁴Mandaj Diosca llaquij, juyaj cashpami, yarinalla jatun alicunata rurashca.

⁵Micunatapash, paita manllajcunamanmi cararca. Paihuan ari nishcatapash, causaita causaicamanmi yarijunga.

⁶Llactacunata paicunapaj cachun cushpami, ninan ushaihuan pai rurashcacunataca, pai agllashcacunaman ricuchirca.

⁷Paipaj maquihuan rurashcacunaca, na llullaj, aligupachami. Tucui pai mandashcacunaca pactambachami.

⁸Chai mandashcacunataca, causaita causaicamambash, tucui causaicamambash shinllipacha cachunmi churashca. Na llullaj canahuan, aligutalla ruraj canahuanmi churashca.

⁹Quishpirinatami, pai agllashcacunaman cachamushca. Paihuan ari nishcatapash, causaita causaicaman cachunmi mandarca. Paipaj shutica jucha illaj, manllana shutimi.

¹⁰Alipacha yachajushpa callaringapaca, Mandaj Diostami manllashpa causana. Pai mandashcacunata rurashpa causajcunaca, tucuicunami ali yuyaicunata charin. Paita alicachinaca, causaita causaicamanmi.