Read Imbabura Highland Quichua Psalms 112 Bible Online

Psalms 112 - Imbabura Highland Quichua bible

Psalms 112

¹Mandaj Diosta alicachinguichi. Mandaj Diosta manllaj runaca, ninandami cushijun. Dios mandashcacunahuanmi, ninandapacha cushijun.

²Cai pachapica, paipaj miraicunami ninan ushaita charinga. Alita rurashpa causajcunapaj miraicunami, bendiciai tucushpa causanga.

³Paipaj huasipica, juyailla ashtaca charishcacunami tian. Imatapash cashcatapacha pai rurashcapash, causaita causaicamanmi.

⁴Aligutalla rurajcunatami, yana yana tutapipash micha punchayachirca. Paica juyaj, llaquij, imatapash cashcatapacha rurajmi.

⁵Ali shungu runaca, llaquishpa imatapash mañachinllami. Paipaj ima ruranacunatapash, aliguta yarishpami mandajun.

⁶Shinamandami paica, ima horapash na lluchanga. Imatapash cashcatapacha ruraj runatami, causaita causaicaman yarinajunga.

⁷Ima llaquicunata villajpipash, na manllangachu. Paipaj shunguhuanga, Mandaj Diostami ninandapacha yariajun.

⁸Paipaj shungupica, imatapash napacha manllangachu. Paita fiñajcunata, pai munashcashna tucungacamanmi, chashna causanga.

⁹Imagutapash na charijcunamanmi, chaupishpa caran. Imatapash cashcatapacha pai rurashcacunapash, causaita causaicamanmi. Paipaj ushaica, juyaillagutami jatumbi churai tucushca canga.

¹⁰Diosta na manllaj runa chashnata ricushpaca, ninandami fiñaringa. Quiruta canirishpami, huañungashna tucunga. Diosta na manllajcuna imata munashcacunaca, na pactangachu.