Read Imbabura Highland Quichua Psalms 136 Bible Online

Psalms 136 - Imbabura Highland Quichua bible

Psalms 136

¹Mandaj Diosta alicachinguichi, paica aligumari. Pai llaquinaca, causaita causaicamanmi.

²Dioscunapaj Taita Diosta alicachinguichi. Pai llaquinaca, causaita causaicamanmi.

³Mandajcunata Jatun Mandajta alicachinguichi. Pai llaquinaca, causaita causaicamanmi.

⁴Jatun manllarinacunata, pailla rurajujtaca alicachinguichi. Pai llaquinaca, causaita causaicamanmi.

⁵Alipacha yachaihuan jahua pachata ruraj Diostaca alicachinguichi. Pai llaquinaca, causaita causaicamanmi.

⁶Cai pacha alpata, telata chutanshna yacu jahuacunapi churaj Diostaca alicachinguichi. Pai llaquinaca, causaita causaicamanmi.

⁷Jatun punchayachijcunata ruraj Diostaca alicachinguichi. Pai llaquinaca, causaita causaicamanmi.

⁸Inditaca, punllata mandachunmi churarca. Pai llaquinaca, causaita causaicamanmi.

⁹Lunata, luzerocunataca, tutata mandachunmi churarca. Pai llaquinaca, causaita causaicamanmi.

¹⁰Egiptopi causajcunapaj punda churicunata chugrichishpa huañuchij Diostaca alicachinguichi. Pai llaquinaca, causaita causaicamanmi.

¹¹Paicunapaj chaupimanda, israelcunata llujchimuj Diostaca alicachinguichi. Pai llaquinaca, causaita causaicamanmi.

¹²Ninan ushaita charij rigrata chutashpami, paipaj maquihuan llujchimurca. Pai llaquinaca, causaita causaicamanmi.

¹³Puca Cuchata ishcaipi chaupij Diostaca alicachinguichi. Pai llaquinaca, causaita causaicamanmi.

¹⁴Paimi israelcunataca, chai cucha chaupita yalichirca. Pai llaquinaca, causaita causaicamanmi.

¹⁵Faraondaca, paipaj soldadocunandimi, Puca Cuchapi shitarca. Pai llaquinaca, causaita causaicamanmi.

¹⁶Pai agllashcacunata, jichushca pambata michishpa pushamuj Diostaca alicachinguichi. Pai llaquinaca, causaita causaicamanmi.

¹⁷Alicachi tucushca jatun mandajcunata chugrichishpa huañuchij Diostaca alicachinguichi. Pai llaquinaca, causaita causaicamanmi.

¹⁸Ninan ushaita charij, jatun mandajcunatapashmi huañuchirca. Pai llaquinaca, causaita causaicamanmi.

¹⁹Amorreocunata jatun mandaj Sehón shuti runatapashmi huañuchirca. Pai llaquinaca, causaita causaicamanmi.

²⁰Basán shuti llactata jatun mandaj Og shuti runatapashmi huañuchirca. Pai llaquinaca, causaita causaicamanmi.

²¹Paicunapaj llactacunatapash chaupishpami cararca. Pai llaquinaca, causaita causaicamanmi.

²²Paita servij israelcunamanmi, chai llactataca paicunapaj cachun cararca. Pai llaquinaca, causaita causaicamanmi.

²³Ñucanchi urai cumurishpa llaquilla cajpica, paimi ñucanchita yarirca. Pai llaquinaca, causaita causaicamanmi.

²⁴Ñucanchitaca, fiñaj runacunapaj maquimandapashmi cacharichirca. Pai llaquinaca, causaita causaicamanmi.

²⁵Paimi, causaita charijcunamambash, tucuillaman micunata caran. Pai llaquinaca, causaita causaicamanmi.

²⁶Jahua pachapi causajuj Taita Diostami alicachina canguichi. Pai llaquinaca, causaita causaicamanmi.