Read Imbabura Highland Quichua Psalms 138 Bible Online

Psalms 138 - Imbabura Highland Quichua bible

Psalms 138

¹David rurashca Salmomi. Ñuca tucui shunguhuanmi, candaca alicachisha. Shuj dioscunapaj ñaupajpimi, candaca Salmocunahuan candasha.

²Cambajlla huasi ladomanmi cungurisha. Can llaquij cashpa imatapash pactachijlla cajpimi, cambaj shutitaca alicachisha. Canmi, cambaj shutitapash, cambaj Shimitapash tucuita yali jatunyachishcangui.

³Caparishpa ñuca mañajui punllapica tigrachircanguimi. Ñuca almaman ushaita cushpami shinllichihuarcangui.

⁴Mandaj Dioslla, candaca cai pachapi tucui jatun mandajcunami alicachinajunga. Cambaj shimihuan nishcacunata uyashcamandami alicachinajunga.

⁵Mandaj Dios imatalla rurashcatami candanajunga. Mandaj Diospaj punchapambaguca jatumbachami.

⁶Mandaj Diosca, tucuita yali jatunyachi tucushca cashpapash, na jariyashpa mañajujtami uyan. Ashtahuangarin jariyajtaca, carumandallami ricujun.

⁷Ninan llaqui chaupicunapi ñuca purijujpipash, canmi causaita cuhuangui. Ñucata fiñajcuna fiñarijpipash, cambaj maquita chutashpami, ali lado maquihuan quishpichihuangui.

⁸Mandaj Diosca, ñucaman imata rurangapaj munashcataca pactachingami. Mandaj Dioslla, can llaquinaca causaita causaicamanmi. Cambaj maquihuan rurashcataca, ama jichushpa saquipaichu.