Read Imbabura Highland Quichua Psalms 142 Bible Online

Psalms 142 - Imbabura Highland Quichua bible

Psalms 142

¹Yachachingapaj David rurashca Salmomi. Jatun utujupi cashpa, Diosta mañashca shimicunami. Mandaj Diostaca, caparishpami mañajusha. Ñucata llaquichunmi, Mandaj Diostaca caparishpa mañasha.

²Ñuca llaquitaca, paipaj ñaupajpimi ricuchisha. Ñuca ninan llaquitaca, paipaj ñaupajpimi villasha.

³Ñuca espíritu ñucapillata ninanda llaquirijujpica, canmi ñuca causaitaca ricuhuarcangui. Ñuca maita purijuj ñambimi, lazuta pacalla churanajurca.

⁴Ricuhuayari, ñuca ali ladopica ñucata rijsingapaj munajca, pipash na tianga. Ñucata pacajtapash, na charinichu. Ñuca causaita cuidajllapash, pipash na tianllu.

⁵Mandaj Dioslla, candaca cashna nishpami caparircani: “Canmari ñuca shuyana Dios cangui. Causaita charijcunapaj cai pachapi, ñucaman imatalla carajpashmari capangui” nircanimi.

⁶Ñuca caparijujtaca uyahuayari. Ninan llaquihuanmari cani. Ñucata llaquichijcunamanda cacharichihuayari. Paicunaca, ñucata yali shinllicunamari.

⁷Cambaj shutita alicachingapaj, cai prezumanda ñuca almataca llujchihuayari. Can ñucaman alita rurajpimi, imatapash cashcatapacha rurajcunaca, ñuca muyundipi tiarinajunga.