Read Imbabura Highland Quichua Psalms 16 Bible Online

Psalms 16 - Imbabura Highland Quichua bible

Psalms 16

¹David rurashca juyailla candanami. Taita Dioslla, huacaichihuayari, candallami yariajupani.

²Ñuca almalla, Mandaj Diostaca cashnami nircangui: “Canmi, ñucata Mandaj cangui. Ñucapaca, canmanda ashtahuan shujca pipash na tianllu” nircanguimi.

³Llactapi cambajlla causanajuj ima nalitapash na rurajcunamandami, ninanda cushijuni.

⁴Shuj diosta tucui shunguhuan servijcunapajmi, nanaicunaca miranga. Ñucaca, chai dioscunamanga animalpaj yahuartaca na carashpaca talishachu. Chaicunapaj shuticunatallapash, ñuca shimihuanga na rimashachu.

⁵Mandaj Diosca, ñucaman carashca alpashnapash, ñuca copashnapashmi. Ñuca causaitaca, canmi charipangui.

⁶Ñucaman alpata medijpica, alipacha pushtupimi urmarca. Ñucaman cushca alpa pushtuca, juyaillagupachami.

⁷Mandaj Diostami alicachisha. Paimi, ñucataca alita yarichihuan. Tutacunapashmi, ñuca yuyaipica alita yachachihuan.

⁸Ñuca tucui causaipica, Mandaj Diostami, ñuca yuyaipi charircani. Pai ñuca ali ladopi cajpimi, na cuyuchi tucusha.

⁹Chaimandami ñuca shunguca cushijurca. Ñuca almapashmi cushijurca. Ñuca cuerpopash, imatapash na manllashpami samajunga.

¹⁰Ñuca almataca, na Seolpi saquihuanguichu. Cambajlla cashcamandaca, ñuca cuerpo ismuchumbash na saquihuanguichu.

¹¹Causaipaj ñandami ricuchihuangui. Cambaj ñaupajpimi, ninan jatun cushijuica tiapan. Cambaj ali ladopimi, causaita causaicaman juyailla cushijuica tiapan.