Read Imbabura Highland Quichua Psalms 3 Bible Online

Psalms 3 - Imbabura Highland Quichua bible

Psalms 3

¹Davidca, paipaj churi Absalonda pacajushpa rishpami, cai Salmota rurashca. ¡Mandaj Dioslla, ñucata fiñajcunaca ninandamari mirashca! Ñucata llaquichingapaj jatarijcunaca, ashtacapachami.

²Ashtacacunami ñucataca: “Paitaca, Taita Diosca na quishpichingachu” ninajun.

³Ashtahuangarin can Mandaj Diosca, ñucapaj muyundipi jarcajuj escudoshnami cangui. Ñucata punchayachij, ñuca umata alsachinshna shinllichijmi cangui.

⁴Ñuca shimihuanmi, Mandaj Diostaca caparishpa mañarcani. Paipash, paipajlla urcumandapachami tigrachihuarca.

⁵Ñucaca, Mandaj Dios cuidajujpimi, siririshpa puñushpaca rijcharircani.

⁶Huaranga huaranga gentecuna tandanajushpa, ñucata fiñashpa chaupipi churajpipash, na manllashachu.

⁷Mandaj Dioslla, ñuca Taita Dioslla, can shayarishpa quishpichihuayari. Ñucata tucui fiñajcunataca, canmi ñavi ladopi huactashpa chugrichircangui. Jatun nalicunapaj quirucunataca faquircanguimi.

⁸Quishpirinaca, Mandaj Diosmandami shamun. Can agllashcacunapaj jahuapi bendiciapangui.