Read Imbabura Highland Quichua Psalms 47 Bible Online

Psalms 47 - Imbabura Highland Quichua bible

Psalms 47

¹Candajcunata mandaj candachijuchun, Coré shuti runapaj miraicuna rurashca Salmomi. Tucui gentecuna, maquita huactashpa Taita Diostaca, ninan cushijuihuan caparishpa candaichi.

²Jahua pachapi causajuj Mandaj Diosca, ninanda manllana Diosmi. Tucui cai pachata mandajuj Jatun Mandajmi.

³Paimi gentecunataca, ñucanchi mandachun churan. Shuj llactacunapi causajcunataca, ñucanchi chaqui ucupimi churan.

⁴Paimi, ñucanchi japinataca agllashpa cunga. Pai juyashca Jacobopaj juyailla llactagutami cunga. Selah

⁵Taita Diosca, ninanda cushijushpa caparinajujpimi vichai rirca. Mandaj Diosca, trompetata huacachijpimi rirca.

⁶Taita Diostaca candaichi, candaichi. Ñucanchi Jatun Mandajtaca candaichi, candaichi.

⁷Taita Diosmi, tucui cai pachata Jatun Mandaj. Paitaca, ali yuyaihuan candaichi.

⁸Shuj llactacunapi causajcunataca, Taita Diosmi mandajurca. Taita Diosca, pai mandangapaj tiarinapimi tiarirca.

⁹Gentecunata mandajcunami, Abrahambaj Taita Dios agllashca gentecunashna tandanajurca.

¹⁰Cai pachapi escudota charijcunaca, Taita Diospajmi. Paica, ninandami jatunyachi tucujun.