Read Imbabura Highland Quichua Psalms 6 Bible Online

Psalms 6 - Imbabura Highland Quichua bible

Psalms 6

¹Cuerdacunahuan tocanacunata tocashpa, Seminit nishca tonopi, candajcunata mandaj candachijuchun, David rurashca Salmomi. Mandaj Dioslla, can fiñarishca cashpaca ama rimahuaichu. Ama ninanda fiñarishpa llaquichihuaichu.

²Mandaj Dioslla, ñucataca llaquihuayari. Ñucaca huañujunimari. Mandaj Dioslla, alichihuayari. Ñuca tullucunaca, nanaihuan chaupirijunmari.

³Ñuca almapash, ninandami musparishpa pandarijun. Can Mandaj Diosca, ¿ima horata ricugrihuangui?

⁴Mandaj Dioslla, tigrarishpa ñuca almata cacharichipairi. Can llaquij cashcamandaca quishpichihuayari.

⁵Ashtahuangarin huañushpaca, canda yarinaca ña na tianllu. Seolpicarin, ¿pita candaca alicachingayari?

⁶Aij nishpa ninanda huacajushpallatami, ña tucurijuni. Tucui tutacunami, ñuca sirijushca pushtuta llaquicunahuan quilpanshna huacajuni. Ñuca camataca, ñuca viquita jichashpami mutiyachijuni.

⁷Huacajushpallatami, ñavipash amsayan. Ñucata tucui llaquichijcunapaj jahuami, ñuca ñavica ñausayashpa, na ricui ushajun.

⁸Nalita tucui rurajcuna, ñucamanda anchurichi. Mandaj Diosca, ñuca huacajujta uyashcami.

⁹Mandaj Diosca, ñuca ninanda mañajujta uyashcami. Mandaj Diosca, ñuca mañajujta chasquipashcami.

¹⁰Ñucata fiñajcunaca, tucuicunami ninanda pingai tucushpa musparinajunga. Cungashcapi pingaichijpimi tigranajunga.