Read Imbabura Highland Quichua Psalms 8 Bible Online

Psalms 8 - Imbabura Highland Quichua bible

Psalms 8

¹Gitit nishca tonopi, candajcunata mandaj candachijuchun, David rurashca Salmomi. ¡Mandaj Dioslla, ñucanchi Jatun Dioslla, cambaj shutica tucui cai pachapi, ninanda alicachi tucushcami! Can punchapamba cajtaca, jahua pachapimi churashcangui.

²Canda fiñajcunamandami, uchilla huahuacuna, chuchujuj huahuacuna alicachishcahuan, shinlli torreta shayachinshna callarircangui. Canda fiñashpa llaquichijta upallayachingapajmi, chashna rurarcangui.

³Jahua pachata ricushpaca, cambaj maqui rurashcatami ricujuni. Lunatapash, luzerocunatapash, canmi rurapashcangui.

⁴Chaimandami cashna yarijuni: Runaca, ¿ima cajpita paitaca yariangui? Huañuna aichayu runaca, ¿ima cajpita ricungapaj shamungui? yajunimi.

⁵Runataca, ashamandallami na angelcunatashna rurashcangui. Jatun canatapash, alicachi tucunatapash, coronata churachinshnami cushcangui.

⁶Runataca, cambaj maquihuan rurashcacunata mandaj cachunmi churarcangui. Tucuitami, paipaj chaqui ucupi churashcangui.

⁷Tucui llamacunata, huagracunata, shinallata sachapi causaj animalcunata,

⁸jahuata rij alasyu animalcunata, yacupi causaj pijicunata, mama cuchapi tiaj tucuilla animalcunatapashmi, mandachun churarcangui.

⁹¡Mandaj Dioslla, ñucanchi Jatun Dioslla, cambaj shutiguca, tucui cai pachapica jatumbachamari!