Read Imbabura Highland Quichua Psalms 84 Bible Online

Psalms 84 - Imbabura Highland Quichua bible

Psalms 84

¹Gitit nishca tonopi, candajcunata mandaj candachijuchun, Coré shuti runapaj miraicunaman rurashca Salmomi. ¡Tucuita Mandaj Dioslla, can causajuj huasicunaca, causanayai juyaillagumari!

²Ñuca almapica, Mandaj Diospaj huasi patiocunapi puringapajmi, ninandapacha munajuni. Tucui shunguhuan, tucui ushaihuanmi, causaj Taita Diostaca candajuni.

³Gorrión nishca alasyu animalpashmari, chai huasipi causan. Golondrinapash, cambaj altar ladocunapimi tazinda rurashpa, huahuacunata churan. Tucuita Mandaj Dioslla, canga ñucata Jatun Mandaj, ñuca Taita Diosmi cangui.

⁴Cambaj huasipi causajcunaca, ninandami cushijun. Causaita causaimanmi, canda alicachinajunga. Selah

⁵Canhuan cashpa ushaita charij runaca, ninandami cushijun. Paipaj shungupipash, cambaj ñangunapi purinatami yarinajun.

⁶Huacana pugru pambata chimbashpami, ashtaca yacu llujshijuj pugyutaca ruran. Tamiashpa jatun utujucunapi jundajpimi, chashna ruran.

⁷Ashtahuan ashtahuanmi, ushaita japishpa rinajunga. Taita Diostaca, Sion urcupimi ricunajunga.

⁸Tucuita Mandaj Taita Dioslla, ñuca mañajujtaca uyahuayari. Jacobopaj Taita Dioslla, uyahuayari. Selah

⁹Ñucanchi jarcarina escudoshna Taita Dioslla, ricuhuayari. Aceiteta talishpa javishca cambaj jatun mandajtapash ricupairi.

¹⁰Huaranga punllacunata, canllapi canapaj randica, shuj punllatallapash, cambaj huasi patiocunapi purijunami ashtahuan ali. Nalicuna causanajuj huasicunapi causangapaj randica, ñuca Taita Diospaj huasi pungupi canatami agllaiman.

¹¹Mandaj Taita Diosca, indishnapash, jarcarina escudoshnapashmi. Mandaj Diosca ninanda juyanata, juyailla canatami cunga. Ima nalitapash na rurajcunataca, ima alitapash na quichungachu.

¹²Tucuita Mandaj Dioslla, canda yariashpa causaj runaca ninandami cushijun.