Read Imbabura Highland Quichua Psalms 91 Bible Online

Psalms 91 - Imbabura Highland Quichua bible

Psalms 91

¹Jahua pachapi causajuj Dios cuidajpi causajca, Tucuita Rurai Ushaj Dios llandunshna cuidajpimi causajunga.

²Ñucaca, Mandaj Diostaca cashnami nijusha: “Ñuca shuyanami cangui, ñuca shinlli jatun huasishnami cangui. Ñuca Taita Dioslla, candallami yariajusha” nijushami.

³Paimi, candaca lazuhuan japingapaj pacalla chapaj runamandapash cacharichinga. Huañuchishpa tucuchij ung:uimandapashmi cacharichinga.

⁴Paipaj plumahuanmi candaca quilpanga. Paipaj alas ucupimi, imatapash na manllashpa aliguta causangui. Paipaj na llullaj Shimica, jarcarina escudoshna, jirru churajunashnami.

⁵Tutapi ninan manllai japinatapash, punllapi flechacuna jahuata yalijujta ricushpapash, na manllanguichu.

⁶Yana tutapi jatun ung:ui shamujtapash, chaupi punlla huañuchishpa tucuchijtapash, na manllanguichu.

⁷Cambaj ladopica, huarangacunami huañushpa urmanajunga. Ali ladopica, chunga huarangacunami huañushpa urmanajunga. Ashtahuangarin cambica, na chayangachu.

⁸Canga, Diosta na manllajcuna imata rurashcamanda, llaquita apajtaca cambaj ñavihuambachami ricungui.

⁹Ñuca shuyana Mandaj Diostami, can pacajunata rurashcangui. Jahua pachapi causajuj Diostami, cambaj huasita rurashcangui.

¹⁰Candaca, ima llaquipash na japingachu. Ima ung:uillapash, can causana huasitaca, na tacaringachu.

¹¹Can maijan ñanda rijpipash, canda cuidachunga, paipaj angelcunatami cachamunga.

¹²Rumipi cambaj chaqui ama nitijachunga, paicunapaj maquipimi candaca apanajunga.

¹³Leonbipash, millai culebrapipash sarunguillami. Maltun leondapash, dragón nishca animaltapash sarunguillami.

¹⁴“Ñucata juyashcamandami, ñucapash paitaca cacharichisha. Paitaca, ñuca shutita rijsishcamandami, alicachi tucunapi churasha.

¹⁵Paica ñucatami mañanga. Ñucapash tigrachishallami. Ninan llaquipi cajpipash, ñucami paihuan casha. Paitaca, cacharichishpami alicachisha.

¹⁶Pai causachumbash, unai huatacunata carashpami, ñuca quishpichishcata ricuchisha”.