Read Imbabura Highland Quichua Psalms 97 Bible Online

Psalms 97 - Imbabura Highland Quichua bible

Psalms 97

¹Mandaj Diosmi mandajun. Cai pachapi causajcuna, ninanda cushijuichi. Mama cucha manñacunapi tiaj ashtaca llactacuna, cushijuichi.

²Paipaj muyundipica fuyupash, yana tutapashmi tian. Pai mandangapaj tiarinaca, imatapash cashcatapacha rurashpa, aliguta ricushpa mandanami, callari rumishna shinllipacha tiajun.

³Ninami, paita ñaupashpa ringa. Chai ninami, paita fiñajcunataca, muyundi tucuchinga.

⁴Pai punchapambata shitamushpami, cai pachataca punchayachirca. Chaita ricushpami cai pachaca, manllashpa chujchurca.

⁵Urcucunapash virashnami, Mandaj Diospaj ñaupajpica yacuyarca. Tucui cai pachata mandajuj Jatun Diospaj ñaupajpimi, chashna tucurca.

⁶Paica, imatapash cashcatapacha ruraj cajtami jahua pachaca villajurca. Pai punchapamba cajtapash, tucui gentecunami ricunajurca.

⁷Labrashpa rurashca imamambash rijchaj dioscunata tucui servijcuna, yanga dioscunahuan cushijujcuna, pingai tucuichiyari. Tucuilla dioscuna, paita cungurichiyari.

⁸Sionbi causajcunaca, chaita uyashpami cushijurca. Mandaj Dioslla, Judá llacta pueblocunapi causajcunapash, can chashna llaquichijujpimi ninanda cushijunajurca.

⁹Can Mandaj Diosmi, tucui cai pachapica, tucuita yali mandaj cangui. Tucui dioscunata yali jatumbi churai tucushcami capangui.

¹⁰Mandaj Diosta juyajcunaca, nalita ruranataca millanayachinami canguichi. Paimi, paipajlla causajcunapaj almataca cuidajun. Paita na manllajcunapaj maquimandapashmi cacharichin.

¹¹Imatapash cashcatapacha rurajcunapaca, punchapamba michami tarpushcashna tiajun. Shungupi alitalla yarijcunapaca, cushijuimi tiajun.

¹²Imatapash cashcatapacha rurajcunaca, Mandaj Dioshuan cushijuichiyari. Paitaca, jucha illaj cajta yarishpa alicachinajuichi.