Read Imbabura Highland Quichua NÚMEROS 1 Bible Online

NÚMEROS 1 - Imbabura Highland Quichua bible

NÚMEROS 1

¹Mandaj Diosca, Sinaí shuti jichushca pambapi paihuan tuparina jatun carpapimi, israelcuna Egipto llactamanda llujshimushcapash, ña ishcai huata, ishcai quilla callari punllapi, Moisesman cashna nishpa villajurca:

²“Tandanajushca tucuilla israelcuna mashna tiajta yachangapaca, paicunapaj familiacuna, paicunapaj ñaupa taitacunapaj huasi ucu puracuna imashna tandanajushcapi cuentaichi. Tucuilla jaricunata cuentashpa, shuticunata japinguichi.

³Israel puramanda jatun macanajuiman ri ushana tucuilla soldadocunata, ishcai chunga huatata charijmanda vichaiman, paicunapaj soldadocuna imashna tandanajushcapi cambash, Aaronbash cuentaichi.

⁴Cada ailluta shuj mandajmi, cangunataca ayudanga. Chai mandajcunaca, paicunapaj punda taitacunapaj mirai familiacunata mandajcunami canga.

⁵Chai mandajcunapaj shuticunaca, caicunami canga: Rubén aillumandaca, Sedeur runapaj churi Elisur shuti runami canga.

⁶Simeón shuti aillumandaca, Zurisadai shuti runapaj churi Selumiel shuti runami canga.

⁷Judá aillumandaca, Aminadab shuti runapaj churi Naasón shuti runami canga.

⁸Isacar shuti aillumandaca, Zuar shuti runapaj churi Natanaelmi canga.

⁹Zabulón shuti aillumandaca, Helón shuti runapaj churi Eliab shuti runami canga.

¹⁰Josepaj ishcai churicunapaj aillucunamandaca, caicunami canga: Efraín aillumandaca, Amiud shuti runapaj churi Elisama shuti runami canga. Josepaj churi Manasés aillumandaca, Pedasur shuti runapaj churi Gamalielmi canga.

¹¹Shinallata Benjamín aillumandaca, Gedeoni shuti runapaj churi Abidán shuti runami canga.

¹²Dan shuti aillumandaca, Amisadai shuti runapaj churi Ahiezer shuti runami canga.

¹³Aser shuti aillumandaca, Ocrán shuti runapaj churi Pagiel shuti runami canga.

¹⁴Gad shuti aillumandaca, Deuel shuti runapaj churi Eliasaf shuti runami canga.

¹⁵Neftalí shuti aillumandaca, Enán shuti runapaj churi Ahira shuti runami canga” nijurcami.

¹⁶Chai runacunami, tandanajushca Israel puramandaca, paicunapaj punda taitacunapaj mirai aillucunapaj mandajcuna carca. Paicunami, chai tucui huaranga huaranga Israel soldadocunata mandajcuna carca.

¹⁷Chai mandajcunapaj shuticunata escribishpa churai tucushca runacunatami, Moiseshuan, Aaronhuan japinajurca.

¹⁸Ishcai quillapaj punda punllapica, tandanajushca tucuilla israelcunatapashmi tandachinajurca. Paicunapaj familiacuna, paicunapaj punda taitacunapaj huasi ucu puracuna imashna tandanajushcapi, paicunapaj shuticunata japishpa, imashna shuj shuj cuentashcashnallatami, ishcai chunga huatata charijmanda vichaiman tandachinajurca.

¹⁹Mandaj Dios imashna Moisesta mandashcashnallatami, Sinaí shuti jichushca pambapi paicunataca cuentarca.

²⁰Taita Israelpaj punda churi Rubenbaj miraicunataca, paicunapaj miraicuna, paicunapaj familiacuna, paicunapaj ñaupa taitacunapaj huasi ucu puracuna imashna tandanajushcapi, paicunapaj shuticunata japishpa, imashna shuj shuj cuentashcashnallatami cuentarca. Paicunataca, ishcai chunga huatata charijmanda callarishpami, jatun macanajuiman ri ushanacunataca, tucuilla jaricunata cuentarca.

²¹Rubén aillu puracuna cuentai tucushcacunaca, 46.500 runacunami carca.

²²Simeonbaj miraicunataca, paicunapaj miraicuna, paicunapaj familiacuna, paicunapaj ñaupa taitacunapaj huasi ucu puracuna imashna tandanajushcapi, paicunapaj shuticunata japishpa, imashna shuj shuj cuentashcashnallatami cuentarca. Paicunataca, ishcai chunga huatata charijmanda callarishpami, jatun macanajuiman ri ushanacunataca, tucuilla jaricunata cuentarca.

²³Simeón aillu puracuna cuentai tucushcacunaca, 59.300 runacunami carca.

²⁴Gad shuti runapaj miraicunataca, paicunapaj miraicuna, paicunapaj familiacuna, paicunapaj ñaupa taitacunapaj huasi ucu puracuna imashna tandanajushcapi, paicunapaj shuticunata japishpa, imashna shuj shuj cuentashcashnallatami cuentarca. Paicunataca, ishcai chunga huatata charijmanda callarishpami, jatun macanajuiman ri ushanacunataca, tucuilla jaricunata cuentarca.

²⁵Gad shuti aillu puracuna cuentai tucushcacunaca, 45.650 runacunami carca.

²⁶Judá shuti runapaj churicunapaj miraicunataca, paicunapaj miraicuna, paicunapaj familiacuna, paicunapaj ñaupa taitacunapaj huasi ucu puracuna imashna tandanajushcapi, paicunapaj shuticunata japishpa, imashna shuj shuj cuentashcashnallatami cuentarca. Paicunataca, ishcai chunga huatata charijmanda callarishpami, jatun macanajuiman ri ushanacunataca, tucuilla jaricunata cuentarca.

²⁷Judá aillu puracuna cuentai tucushcacunaca, 74.600 runacunami carca.

²⁸Isacar shuti runapaj miraicunataca, paicunapaj miraicuna, paicunapaj familiacuna, paicunapaj ñaupa taitacunapaj huasi ucu puracuna imashna tandanajushcapi, paicunapaj shuticunata japishpa, imashna shuj shuj cuentashcashnallatami cuentarca. Paicunataca, ishcai chunga huatata charijmanda callarishpami, jatun macanajuiman ri ushanacunataca, tucuilla jaricunata cuentarca.

²⁹Isacar aillu puracuna cuentai tucushcacunaca, 54.400 runacunami carca.

³⁰Zabulón shuti runapaj miraicunataca, paicunapaj miraicuna, paicunapaj familiacuna, paicunapaj ñaupa taitacunapaj huasi ucu puracuna imashna tandanajushcapi, paicunapaj shuticunata japishpa, imashna shuj shuj cuentashcashnallatami cuentarca. Paicunataca, ishcai chunga huatata charijmanda callarishpami, jatun macanajuiman ri ushanacunataca, tucuillata cuentarca.

³¹Zabulón aillu puracuna cuentai tucushcacunaca, 57.400 runacunami carca.

³²Josepaj churi puramanda, Efrainbaj miraicunataca, paicunapaj miraicuna, paicunapaj familiacuna, paicunapaj ñaupa taitacunapaj huasi ucu puracuna imashna tandanajushcapi, paicunapaj shuticunata japishpa, imashna shuj shuj cuentashcashnallatami cuentarca. Paicunataca, ishcai chunga huatata charijmanda callarishpami, jatun macanajuiman ri ushanacunataca, tucuillata cuentarca.

³³Efraín aillu puracuna cuentai tucushcacunaca, 40.500 runacunami carca.

³⁴Manasespaj miraicunataca, paicunapaj miraicuna, paicunapaj familiacuna, paicunapaj ñaupa taitacunapaj huasi ucu puracuna imashna tandanajushcapi, paicunapaj shuticunata japishpa, imashna shuj shuj cuentashcashnallatami cuentarca. Paicunataca, ishcai chunga huatata charijmanda callarishpami, jatun macanajuiman ri ushanacunataca, tucuilla jaricunata cuentarca.

³⁵Manasés aillu puracuna cuentai tucushcacunaca, 32.200 runacunami carca.

³⁶Benjaminbaj miraicunataca, paicunapaj miraicuna, paicunapaj familiacuna, paicunapaj ñaupa taitacunapaj huasi ucu puracuna imashna tandanajushcapi, paicunapaj shuticunata japishpa, imashna shuj shuj cuentashcashnallatami cuentarca. Paicunataca, ishcai chunga huatata charijmanda callarishpami, macanajuiman ri ushanacunataca, tucuilla jaricunata cuentarca.

³⁷Benjamín aillu puracuna cuentai tucushcacunaca, 35.400 runacunami carca.

³⁸Dan shuti runapaj churicunapaj miraicunataca, paicunapaj miraicuna, paicunapaj familiacuna, paicunapaj ñaupa taitacunapaj huasi ucu puracuna imashna tandanajushcapi, paicunapaj shuticunata japishpa, imashna shuj shuj cuentashcashnallatami cuentarca. Paicunataca, ishcai chunga huatata charijmanda callarishpami, jatun macanajuiman ri ushanacunataca, tucuilla jaricunata cuentarca.

³⁹Dan shuti aillu puracuna cuentai tucushcacunaca, 62.700 runacunami carca.

⁴⁰Aser shuti runapaj miraicunataca, paicunapaj miraicuna, paicunapaj familiacuna, paicunapaj ñaupa taitacunapaj huasi ucu puracuna imashna tandanajushcapi, paicunapaj shuticunata japishpa, imashna shuj shuj cuentashcashnallatami cuentarca. Paicunataca, ishcai chunga huatata charijmanda callarishpami, jatun macanajuiman ri ushanacunataca, tucuilla jaricunata cuentarca.

⁴¹Aser shuti aillu puracuna cuentai tucushcacunaca, 41.500 runacunami carca.

⁴²Neftalí shuti runapaj churicunapaj miraicunataca, paicunapaj miraicuna, paicunapaj familiacuna, paicunapaj ñaupa taitacunapaj huasi ucu puracuna imashna tandanajushcapi, paicunapaj shuticunata japishpa, imashna shuj shuj cuentashcashnallatami cuentarca. Paicunataca, ishcai chunga huatata charijmanda callarishpami, jatun macanajuiman ri ushanacunataca, tucuilla jaricunata cuentarca.

⁴³Neftalí aillu puracuna cuentai tucushcacunaca, 53.400 runacunami carca.

⁴⁴Chai tucui runacunami cuentai tucurca. Paicunataca Moiseshuan, Aaronhuan israelcunata mandaj chunga ishcai runacunahuanmi cuentanajurca. Chai chunga ishcai runacunaca, paicunapaj ñaupa taitacunapaj cada huasi ucu puramandami, shuj shuj agllai tucurca.

⁴⁵Jatun macanajuiman ri ushana israelcunataca, ishcai chunga huatata charijmanda callarishpami, paicunapaj ñaupa taitacunapaj huasi ucu puracuna imashna tandanajushcapi cuentanajurca.

⁴⁶Tucuilla cuentai tucushcacunaca, 603.550 runacunami carca.

⁴⁷Levitacunaca, paicunapaj punda taitacunapaj aillucuna imashna tandanajushcapi, Israel puracunapica na cuentai tucunajurcachu.

⁴⁸Mandaj Diosca, Moisesmanmi cashna nishpa villajurca:

⁴⁹“Leví runapaj aillutallami, na cuentana cangui. Israelcunata cuentanajushpapash, paicunataca na cuentanachu cangui.

⁵⁰Ashtahuangarin levitacunataca, ñuca escribichishca shimicunata alichina arca tiajuj ñucapaj jatun carpata, shinallata chai carpa ucupi tucui imalla tiajcunatapash ricunajuchun churangui. Paicunami, ñuca jatun carpataca, chaipi tucui ima tiajcunandi apanajunga. Chai carpapi imata ruranacunatapash, paicunami ruranajunga. Paicunaca, chai carpa muyundipimi causanajunga.

⁵¹Ñucapaj jatun carpata shujman apana cajpipash, levitacunami pascashpa apanajunga. Chai carpata maipi shayachina cajpipash, levitacunami shayachinajunga. Na rijsishca runa chai carpaman chayashpaca, huañungami.

⁵²Israelcunaca, tucuicunami paicunapaj soldadocuna imashna tandanajushcapi paicunapaj bandera ladopi carpacunapi tianajunga.

⁵³Ashtahuangarin levitacunaca, ñuca escribichishca shimicunata alichina arca tiajuj ñuca jatun carpata cuidashpami, muyundipi causanajunga. Chashna cuidanajujpimi, tandanajushca israelcunataca na fiñasha. Chaimandami levitacunaca, ñuca escribichishca shimicunata alichina arca tiajuj ñucapaj jatun carpata cuidanajunga” nijurcami.

⁵⁴Mandaj Dios imashna Moisesta mandashcashnallatami israelcunaca, tucui imatapash chashnatapacha ruranajurca.