Read Imbabura Highland Quichua NÚMEROS 29 Bible Online

NÚMEROS 29 - Imbabura Highland Quichua bible

NÚMEROS 29

¹Canchis quillapaj callari punllapica, Diospajlla tandanajuitami rurana canguichi. Chai punllapica, servijcuna imata ruranatapash na ruranachu canguichi. Cangunapaca, trompetata huacachina punllami canga.

²Mandaj Diosman cushpa tucuillata rupachijujpi mishquillagu ashnajuchunga, huarmi huagracunamanda shuj shicuta cunguichi. Shinallata shuj jari llamatapash, shuj huatata charij, imapash na tucushca, canchis maltun llamatapash cunguichi.

³Chai animalcunahuan caranataca, tucui shicucunahuan sucta kilo chaupi yalita pezaj ashtahuan ali jacuta, aceitehuan masashpa cunguichi. Tucui jari llamacunahuanga, chuscu kilo chaupita pezaj jacuta, aceitehuan masashpa cunguichi.

⁴Canchis maltun llamahuambash, tucui llamacunahuan ishcai kilo yalita pezaj jacuta, aceitehuan masashpa cunguichi.

⁵Shinallata Dioshuan ali tucungapaca, shuj jari chivotami, juchamanda cuna canguichi.

⁶Chaicunataca quillapi quillapi, Diosman animalta cushpa tucuillata rupachinatapash, chai animalhuan cunatapash, shinallata punllandi Diosman cushpa tucuillata rupachinatapash, chai animalhuan cunatapash, mandashcapi nijunshnallata talina vinotapash cushca jahuami, chashna cuna canguichi. Chashna cushpa rupachijujpimi, Mandaj Diospaca mishquillagu ashnajunga.

⁷Chai canchis quillapillata, chunga punllapica, Diospajlla tandanajuita rurangapaj cayashpa, cangunapash tucui almahuan llaquiringuichi. Chai punllapica, ima ruranatapash na ruranachu canguichi.

⁸Mandaj Diosman cushpa tucuillata rupachijujpi mishquillagu ashnajuchunga, huarmi huagracunamanda shuj shicuta cunguichi. Shinallata shuj jari llamatapash, shuj huatata charij, imapash na tucushca, canchis maltun llamatapash cunguichi.

⁹Chai animalcunahuan caranacunataca, tucui shicucunahuan sucta kilo chaupi yalita pezaj ashtahuan ali jacuta, aceitehuan masashpa cunguichi. Tucui jari llamacunahuanga, chuscu kilo chaupita pezaj jacuta, aceitehuan masashpa cunguichi.

¹⁰Canchis maltun llamahuambash, tucui llamacunahuan ishcai kilo yalita pezaj jacuta, aceitehuan masashpa cunguichi.

¹¹Shinallata juchamandaca, shuj jari chivota cunguichi. Juchamanda Diosman cushca jahuapash, punllandi Diosman animalta cushpa tucuillata rupachishca jahuapash, chai animalcunahuan rupachinacunata cushca jahuapash, talina vinota cushca jahuapashmi, chashna cuna canguichi.

¹²Canchis quillapaj chunga picha punllapipash, Diospajlla tandanajuita rurangapaj cayanguichi. Chai punllapica, servijcuna imatalla ruranatapash na ruranachu canguichi. Chai canchis punllapica, Mandaj Diospajlla jatun fiestatami rurana canguichi.

¹³Mandaj Diosman cushpa tucuillata rupachijujpi mishquillagu ashnajuchunga, huarmi huagracunamanda chunga quimsa shicuta cunguichi. Shinallata ishcai jari llamatapash, shuj huatata charij, imapash na tucushca, chunga chuscu maltun llamatapash cunguichi.

¹⁴Chai animalcunahuan caranacunataca, chai chunga quimsa shicuhuambash, tucui shicucunahuan sucta kilo chaupi yalita pezaj ashtahuan ali jacuta, aceitehuan masashpa cunguichi. Chai ishcai jari llamahuambash, chuscu kilo chaupita pezaj jacuta, aceitehuan masashpa cunguichi.

¹⁵Shinallata chai chunga chuscu maltun llamahuambash, tucui llamacunahuan ishcai kilo yalita pezaj ashtahuan ali jacuta, aceitehuan masashpa cunguichi.

¹⁶Shinallata juchamandaca, shuj jari chivotami cuna canguichi. Punllandi Diosman animalta cushpa tucuillata rupachishca jahuapash, chai animalhuan rupachingapaj cushca jahuapash, talina vinota cushca jahuapashmi, chashna cuna canguichi.

¹⁷Ishcai punllapica, huarmi huagracunamanda chunga ishcai shicuta cunguichi. Shinallata ishcai jari llamatapash, shuj huatata charij, imapash na tucushca, chunga chuscu maltun llamatapash cunguichi.

¹⁸Chai animalcunahuan rupachinacunata, talina vinocunataca, shicucunahuan, jari llamacunahuan, maltun llamacunahuan cunguichi. Chai animalcuna mashna cashcashnallata mandashcapi nijunshnallata cunguichi.

¹⁹Shinallata juchamandaca, shuj jari chivotami cuna canguichi. Punllandi Diosman animalta cushpa tucuillata rupachishca jahuapash, chai animalhuan rupachingapaj cushca jahuapash, talina vinota cushca jahuapashmi, chashna cuna canguichi.

²⁰Quimsa punllapica, chunga shuj shicuta, ishcai jari llamata, shuj huatata charij, imapash na tucushca, chunga chuscu maltun llamata cunguichi.

²¹Chai animalcunahuan rupachinacunata, talina vinocunataca, shicucunahuan, jari llamacunahuan, maltun llamacunahuan cunguichi. Chai animalcuna mashna cashcashnallata, mandashcapi nijunshnallata cunguichi.

²²Shinallata juchamandaca, shuj jari chivotami cuna canguichi. Punllandi Diosman animalta cushpa tucuillata rupachishca jahuapash, chai animalhuan rupachingapaj cushca jahuapash, talina vinota cushca jahuapashmi, chashna cuna canguichi.

²³Chuscu punllapica, chunga shicuta, ishcai jari llamata, shuj huatata charij, imapash na tucushca, chunga chuscu maltun llamata cunguichi.

²⁴Imatalla caranacunata, talina vinotaca, shicucunahuan, jari llamacunahuan maltun llamacunahuan cunguichi. Chai animalcuna mashna cashcashnallata, mandashcapi nijunshnallata cunguichi.

²⁵Shinallata juchamandaca, shuj jari chivotami cuna canguichi. Punllandi Diosman animalta cushpa tucuillata rupachishca jahuapash, chai animalhuan rupachingapaj cushca jahuapash, talina vinota cushca jahuapashmi, chashna cuna canguichi.

²⁶Picha punllapica, iscun shicuta, ishcai jari llamata, shuj huatata charij, imapash na tucushca, chunga chuscu maltun llamata cunguichi.

²⁷Chai animalcunahuan rupachinacunata, talina vinocunataca, shicucunahuan, jari llamacunahuan, maltun llamacunahuan cunguichi. Chai animalcuna mashna cashcashnallata, mandashcapi nijunshnallata cunguichi.

²⁸Shinallata juchamandaca, shuj jari chivotami cuna canguichi. Punllandi Diosman animalta cushpa tucuillata rupachishca jahuapash, chai animalhuan rupachingapaj cushca jahuapash, talina vinota cushca jahuapashmi, chashna cuna canguichi.

²⁹Sucta punllapica, pusaj shicuta, ishcai jari llamata, shuj huatata charij, imapash na tucushca, chunga chuscu maltun llamata cunguichi.

³⁰Chai animalcunahuan rupachinacunata, talina vinocunataca, shicucunahuan, jari llamacunahuan, maltun llamacunahuan cunguichi. Chai animalcuna mashna cashcashnallata, mandashcapi nijunshnallata cunguichi.

³¹Shinallata juchamandaca, shuj jari chivotami cuna canguichi. Punllandi Diosman animalta cushpa tucuillata rupachishca jahuapash, chai animalhuan rupachingapaj cushca jahuapash, talina vinota cushca jahuapashmi, chashna cuna canguichi.

³²Canchis punllapica, canchis shicuta, ishcai jari llamata, shuj huatata charij, imapash na tucushca, chunga chuscu maltun llamata cunguichi.

³³Chai animalcunahuan rupachinacunata, talina vinocunataca, shicucunahuan, jari llamacunahuan, maltun llamacunahuan cunguichi. Chai animalcuna mashna cashcashnallata, mandashcapi nijunshnallata cunguichi.

³⁴Shinallata juchamandaca, shuj jari chivotami cuna canguichi. Punllandi Diosman animalta cushpa tucuillata rupachishca jahuapash, chai animalhuan rupachingapaj cushca jahuapash, talina vinota cushca jahuapashmi, chashna cuna canguichi.

³⁵Pusaj punllapica, Diospajlla tandanajuitami charina canguichi. Chai punllapica, servijcuna imata ruranatapash na ruranachu canguichi.

³⁶Mandaj Diosman cushpa tucuillata rupachijujpi, mishquillagu ashnajuchunga, shuj shicuta, shuj jari llamata, shuj huatata charij, imapash na tucushca, canchis maltun llamata cunguichi.

³⁷Chai animalcunahuan rupachinacunata, talina vinocunataca, shicucunahuan, jari llamacunahuan, maltun llamacunahuan cunguichi. Chai animalcuna mashna cashcashnallata, mandashcapi nijunshnallata cunguichi.

³⁸Shinallata juchamandaca, shuj jari chivotami cuna canguichi. Punllandi Diosman animalta cushpa tucuillata rupachishca jahuapash, chai animalhuan rupachingapaj cushca jahuapash, talina vinota cushca jahuapashmi, chashna cuna canguichi.

³⁹Jatun fiesta punllacunapica, tucui chaicunatami, Mandaj Diosman cuna canguichi. Canguna imatalla carashapacha nishcatapash, cangunapaj munai imaguta carasha nishcatapash, tucuillata rupachina animaltapash cushca jahuami, chashna cuna canguichi. Ashtahuan imatapash cushca jahua, talina vinocunatapash cushca jahua, Dioshuan ali cangapaj cushca jahuami, chashna cuna canguichi’ ningui” nijurcami.

⁴⁰Moisesca, Mandaj Dios tucui imashna mandashcashnallatami, israelcunaman tucuita villajurca.