Read Imbabura Highland Quichua NÚMEROS 30 Bible Online

NÚMEROS 30 - Imbabura Highland Quichua bible

NÚMEROS 30

¹Moisesca, Israel aillucunata mandajcunamanmi, cashna nishpa villajurca: “Mandaj Diosca, cashnami mandarca:

²‘Maijan cashpapash Mandaj Diospajta rurangapaj nishpa, na cashpaca tucui almahuan imagutapash rurashapachami nishpa paipaj shimihuan juramentushcataca, na yangapi churangachu. Paipaj shimihuan tucui imatalla nishcashnallatami pactachinga.

³Ashtahuangarin maijan huarmi cashpapash, cuitsara cashpa paipaj taitapaj huasipi causajushpa, Mandaj Diospajta rurangapajmi, tucui munaihuan pactachingapaj ari nijunga.

⁴Chai cuitsa tucui almahuan Diospajta rurashapacha nijujta, paipaj taita uyashpapash, imatapash na nishpa saquijpica, pai imata rurashapacha nijushcataca chaitapachami pactachinga. Tucui almahuan Diospajta rurashapachami nijushcataca, chaitapachami pactachinga.

⁵Ashtahuangarin Diospajta rurashapachami nijujta cuitsapaj taita uyashca chai punllallata jarcajpica, chai cuitsa tucui almahuan Diospajta rurashapacha nijushcataca saquichunlla. Pai shina nijushcataca, paipaj taita jarcajpi na pactachishcamandami, Mandaj Diospash cunganga.

⁶Ashtahuangarin cazarashca huarmi cashpapash, tucui almahuan Diospajta rurangapajmi, paipaj shimihuambacha pactachishami nijujta,

⁷paipaj cusa uyashpapash na jarcajpica chai huarmica, paipaj tucui almahuan Diospajta rurashapachami nijushcataca, chaitapachami pactachinga. Tucui almahuan Diospajta rurashapachami nijushcataca, chaitapachami pactachinga.

⁸Ashtahuangarin chai huarmi, shina nijushcata paipaj cusa yachashpa jarcajpica, Diospajta rurashapacha nijushcapash, paipaj shimihuambacha, tucui almahuan Diospajta rurashapacha nijushcapash yangami canga. Pai shina nijushcataca, Mandaj Diospash cungangami.

⁹Ashtahuangarin sapalla huarmi cashpa, na cashpaca cusa jichushca cashpapash, paipaj tucui almahuan Diospajta rurashapacha nijushcataca, chaitapachami pactachinga.

¹⁰Cusayu huarmipash, cusapaj huasipi causajushpa, paipaj tucui almahuan Diospajta rurashapacha nishpami juramentunga.

¹¹Chai huarmi shina nijujta paipaj cusa uyashpapash imatapash na nishpa saquijpica, Diospajta rurashapacha nijushcataca, chaitapachami pactachinga. Tucui almahuan Diospajta rurasha nijushcataca, chaitapachami pactachinga.

¹²Ashtahuangarin shina nijujta paipaj cusa uyashpa chai punllallata yangapi churajpica, paipaj shimihuan Diospajta rurashapacha nijushcapash yangami canga. Shina nijushcata paipaj cusa jarcashcamandami, pai shina nijushcataca Mandaj Diospash cunganga.

¹³Diospajta rurashapacha nijushcata, tucui almahuan llaquirishpa juramentushcataca, cusami rurachun saquinga, na cashpaca cusallatami yangapi churanga.

¹⁴Diospajta rurashapachami nijujta paipaj cusa uyashpapash, punllandi na imatapash nishpa saquishpaca, chai huarmi rurashapacha nijushcatapash, Diospajta ruranatapacha charishcatapash rurachunlla nishpami saquishca. Pai rurashapacha nijujta uyashca punllapash, cusa upalla saquishcamandami rurachunlla nishpa saquishca.

¹⁵Ashtahuangarin shina nijujta uyashpa saquishca jipara yangapi churajpica, huarmipaj juchaca cusapaj jahuami canga’ nishpami mandarca” nijurcami.

¹⁶Cusayu huarmi cajpi, Diospajta rurachun cusa saquijpi na saquijpi, cuitsara cashpa paipaj taitapaj huasipi causajujpi, Diospajta rurachun paipaj taita saquijpi na saquijpipash, imashnalla ruranamanda Mandaj Dios, Moisesta mandashcacunami.