Read Imbabura Highland Quichua NÚMEROS 7 Bible Online

NÚMEROS 7 - Imbabura Highland Quichua bible

NÚMEROS 7

¹Moisesca, Diospaj jatun carpata shayachishpa tucuchishpaca, carpatapash, chaipi tucui ima charishcacunatapash aceitehuan javishpami, Diospajlla cachun shicanyachirca. Shinallata altartapash, chaipi ima charishcacunatapashmi, aceitehuan javishpa Diospajlla cachun shicanyachirca. Chai jipami, cashna tucurca:

²Israelcunata mandajcuna paicunapaj taitacunapaj familiacunata mandajcunami, Diosman carangapaj apamunajurca. Paicunaca, paicunapaj taitacunapaj cuentai tucushca aillucunata mandajcunami carca.

³Chai mandajcunaca, Mandaj Diospaj ñaupajpi cungapajmi, quilpashca sucta carretata, chunga ishcai huagrata apamunajurca. Cada ishcai mandajmandaca shuj carretata, cada mandajmandaca shuj huagratami, Diospaj jatun carpa ñaupajpi cungapaj apamunajurca.

⁴Chaipimi Mandaj Diosca, Moisesman cashna nishpa villarca:

⁵“Paicuna carashcacunataca japilla. Chaicunaca, ñucahuan tuparina jatun carpapi servichingapajmi canga. Chaicunataca, imashna Diospajta rurana cashcata ricushpa, tucui levitacunaman cunguilla” nircami.

⁶Shina nijpimi Moisesca, carretacunatapash, huagracunatapash japishpa, levitacunaman curca.

⁷Gersón runapaj miraicunamambash, imatalla Diospajta rurana cashcata ricushpami, ishcai carretata, chuscu huagrata curca.

⁸Merari shuti runapaj miraicunamambash, imatalla Diospajta rurana cashcata ricushpami, chuscu carretata, pusaj huagrata curca. Paicunataca, Aarón curapaj churi Itamar shuti runami mandajurca.

⁹Ashtahuangarin Coat shuti runapaj miraicunaca, Diospajlla huasipi Diosta servingapaj tiashcacunataca, paicunapaj rigrapi huandushpami apana carca. Chaimandami paicunamanga, imatapash na curca.

¹⁰Altarta aceitehuan javishpa shicanyachijui punllapimi, Israel aillucunata mandajcunaca, altarta Diosman mingangapaj Diosman imatalla caranacunata apamunajurca. Chai caranacunataca, altar ñaupajpimi churanajurca.

¹¹Chaimandami Mandaj Diosca, Moisestaca cashna nirca: “Altarta ñucaman mingangapaca, shuj punllapica shuj mandaj, caishuj punllapaca caishuj mandaj ñucaman caranacunata apamushpa caranajuchun mandangui” nircami.

¹²Punda punllapica, Judá ailluta mandaj Naasón shuti runami, Diosman carangapaj shamurca. Paica, Aminadab shuti runapaj churimi carca.

¹³Naasón shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.

¹⁴Shinallata patsaj chunga chuscu gramota pezaj oro cucharatapashmi, inciensota jundachishpa apamurca.

¹⁵Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.

¹⁶Juchamanda Diosman cungapaca, shuj jari chivotami apamurca.

¹⁷Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Aminadab shuti runapaj churi Naasón runaca, Diosman cararca.

¹⁸Chaipaj cati punllapica, Isacar ailluta mandaj Natanaelmi, Diosman carangapaj shamurca. Paica, Zuar shuti runapaj churimi carca.

¹⁹Natanaelca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.

²⁰Shinallata patsaj chunga chuscu gramota pezaj oro cucharatapashmi, inciensota jundachishpa apamurca.

²¹Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.

²²Juchamanda Diosman cungapaca, shuj jari chivotami apamurca.

²³Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Zuar shuti runapaj churi Natanaelca, Diosman cararca.

²⁴Quimsa punllapica, Zabulón ailluta mandaj Eliab shuti runami, Diosman carangapaj shamurca. Paica, Helón shuti runapaj churimi carca.

²⁵Eliab runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.

²⁶Shinallata patsaj chunga chuscu gramota pezaj oro cucharatapashmi, inciensota jundachishpa apamurca.

²⁷Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.

²⁸Juchamanda Diosman cungapaca, shuj jari chivotami apamurca.

²⁹Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Helón shuti runapaj churi Eliab runaca, Diosman cararca.

³⁰Chuscu punllapica, Rubén ailluta mandaj Elisur shuti runami, Diosman carangapaj shamurca. Paica, Sedeur shuti runapaj churimi carca.

³¹Elisur runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.

³²Shinallata patsaj chunga chuscu gramota pezaj oro cucharatapashmi, inciensota jundachishpa apamurca.

³³Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.

³⁴Juchamanda Diosman cungapaca, shuj jari chivotami apamurca.

³⁵Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Sedeur shuti runapaj churi Elisur shuti runaca, Diosman cararca.

³⁶Picha punllapica, Simeón ailluta mandaj Selumiel shuti runami, Diosman carangapaj shamurca. Paica, Zurisadai shuti runapaj churimi carca.

³⁷Selumiel runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.

³⁸Shinallata patsaj chunga chuscu gramota pezaj oro cucharatapashmi, inciensota jundachishpa apamurca.

³⁹Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.

⁴⁰Juchamanda Diosman cungapaca, shuj jari chivotami apamurca.

⁴¹Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Zurisadai shuti runapaj churi Selumiel runaca, Diosman cararca.

⁴²Sucta punllapica, Gad ailluta mandaj Eliasaf shuti runami, Diosman carangapaj shamurca. Paica, Deuel shuti runapaj churimi carca.

⁴³Eliasaf runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.

⁴⁴Shinallata patsaj chunga chuscu gramota pezaj oro cucharatapashmi, inciensota jundachishpa apamurca.

⁴⁵Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.

⁴⁶Juchamanda Diosman cungapaca, shuj jari chivotami apamurca.

⁴⁷Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Deuel runapaj churi Eliasaf runaca, Diosman cararca.

⁴⁸Canchis punllapica, Efraín ailluta mandaj Elisama shuti runami, Diosman carangapaj shamurca. Paica, Amiud shuti runapaj churimi carca.

⁴⁹Elisama runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.

⁵⁰Shinallata patsaj chunga chuscu gramota pezaj oro cucharatapashmi, inciensota jundachishpa apamurca.

⁵¹Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.

⁵²Juchamanda Diosman cungapaca, shuj jari chivotami apamurca.

⁵³Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Amiud runapaj churi Elisama runaca, Diosman cararca.

⁵⁴Pusaj punllapica, Manasés ailluta mandaj Gamaliel shuti runami, Diosman carangapaj shamurca. Paica, Pedasur shuti runapaj churimi carca.

⁵⁵Gamaliel runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.

⁵⁶Shinallata patsaj chunga chuscu gramota pezaj oro cucharatapashmi, inciensota jundachishpa apamurca.

⁵⁷Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.

⁵⁸Juchamanda Diosman cungapaca, shuj jari chivotami apamurca.

⁵⁹Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Pedasur shuti runapaj churi Gamaliel runaca, Diosman cararca.

⁶⁰Iscun punllapica, Benjamín ailluta mandaj Abidán runami, Diosman carangapaj shamurca. Paica, Gedeoni shuti runapaj churimi carca.

⁶¹Abidán runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.

⁶²Shinallata patsaj chunga chuscu gramota pezaj, shuj oro cucharatapashmi, inciensota jundachishpa apamurca.

⁶³Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.

⁶⁴Juchamanda Diosman cungapaca, shuj jari chivotami apamurca.

⁶⁵Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Gedeoni runapaj churi Abidán runaca, Diosman cararca.

⁶⁶Chunga punllapica, Dan ailluta mandaj Ahiezer shuti runami, Diosman carangapaj shamurca. Paica, Amisadai shuti runapaj churimi carca.

⁶⁷Ahiezer runaca, shuj kilo chaupita pezaj culqui platota, pusaj patsaj gramota pezaj, culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.

⁶⁸Shinallata patsaj chunga chuscu gramota pezaj oro cucharatapashmi, inciensota jundachishpa apamurca.

⁶⁹Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.

⁷⁰Juchamanda Diosman cungapaca, shuj jari chivotami apamurca.

⁷¹Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Amisadai shuti runapaj churi Ahiezer shuti runaca, Diosman cararca.

⁷²Chunga shuj punllapica, Aser shuti ailluta mandaj Pagiel shuti runami, Diosman carangapaj shamurca. Paica, Ocrán shuti runapaj churimi carca.

⁷³Pagiel shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.

⁷⁴Shinallata patsaj chunga chuscu gramota pezaj oro cucharatapashmi, inciensota jundachishpa apamurca.

⁷⁵Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.

⁷⁶Juchamanda Diosman cungapaca, shuj jari chivotami apamurca.

⁷⁷Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Ocrán shuti runapaj churi Pagiel shuti runaca, Diosman cararca.

⁷⁸Chunga ishcai punllapica, Neftalí ailluta mandaj Ahira shuti runami, Diosman carangapaj shamurca. Paica, Enán shuti runapaj churimi carca.

⁷⁹Ahira shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa cararca.

⁸⁰Shinallata patsaj chunga chuscu gramota pezaj oro cucharatapashmi, inciensota jundachishpa apamurca.

⁸¹Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.

⁸²Juchamanda Diosman cungapaca, shuj jari chivotami apamurca.

⁸³Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Enán shuti runapaj churi Ahira shuti runaca, Diosman cararca.

⁸⁴Aceiteta talishpa, altarta Diospajlla cachun shicanyachijui punllapimi, israelcunata mandajcunaca culquita rurashca chunga ishcai platocunata, culquita rurashca chunga ishcai jarrocunata, orota rurashca chunga ishcai cucharacunata Diosman caranajurca.

⁸⁵Chai platocunaca, cada platomi shuj kilo chaupita pezarca. Jarrocunapash, shuj jarrolla chaupi kilo yalitami pezarca. Culqui platocunata, culqui jarrocunata tucuillata pezajpica, ishcai chunga canchis chaupi kilotashnami pezarca. Chai platocunaca, Diospajlla huasipi pezashcashnallatami carca.

⁸⁶Orota rurashca chai chunga ishcai cucharacunapash, inciensohuan jundami carca. Chai cucharacunaca, shuj cucharallami patsaj chunga chuscu gramota pezarca. Tucuilla oro cucharacunata pezajpica, quimsa patsaj canchis chunga gramotami pezarca. Chaicunaca, Diospajlla huasipi pezashcashnallatami carca.

⁸⁷Diosman cushpa tucuillata rupachina huagracunaca, chunga ishcai shicucunami carca. Chunga ishcai jari llamacuna, shuj huatata charij chunga ishcai maltun llamacunami carca. Chaicunataca, Diosman imatalla carashcacunahuanmi caranajurca. Juchamanda cushcacunaca, chunga ishcai jari chivocunami carca.

⁸⁸Dioshuan ali cangapaj carashpa rupachina animalcunata tucuillata tandachijpica, ishcai chunga chuscu maltun shicucuna, sucta chunga jari llamacuna, sucta chunga jari chivocuna, shuj huatata charij sucta chunga maltun llamacunami carca. Chai caranacunatami, altarta Diosman mingangapaca, aceitehuan javishpa, Diospajlla shicanyachishca jipa apamunajurca.

⁸⁹Moisesca, Taita Dioshuan parlangapajmi, Dioshuan tuparina jatun carpaman yaicun carca. Chaipimi, imashna causanata yachachishca shimicunata alichishca arcapaj tapa jahuapi, ishcai querubín nishcacunapaj chaupimanda, Dios rimajujta uyan carca. Chaipimi Diosca, Moiseshuan parlan carca.