Read Imbabura Highland Quichua JOSUÉ 15 Bible Online

JOSUÉ 15 - Imbabura Highland Quichua bible

JOSUÉ 15

¹Suerteta rurajpi Judá aillupaj mirai familiacuna imashna cashcashnallata, paicunapaj urmashca llactacunaca, Edom llacta linderocamanmi carca. Ura pundamambash, Zin nishca jichushca pambacamanmi paicunapaj tucurca.

²Urai lado linderoca, Cachi tiaj Cucha chupayashca manña ura ladomanda,

³uraiman rishpaca, Acrabim shuti vichaicaman rishpami, Zin nishca jichushca pambaman yalijurca. Urai ladomanllata linderoca, Cades-barnea shuti pueblota vichai rishpaca, Hezrón shuti pueblocamanmi yalijurca. Shinallata Adar shuti pueblota vichai rishpami, Carca shuti puebloman muyujurca.

⁴Chaimandaca, Asmón shuti puebloman yalishpami, Egipto ladota rijuj jatun larca yacuman llujshishpa, mama cuchapi tucurigrirca. Urai ladoman linderoca, chaimi cangunapaj canga.

⁵Indi llujshimuj lado linderoca, Cachi tiaj Cucha chaquimanda Jordán yacu yaicujuj ladocamanmi canga. Jahua lado linderoca, Jordán yacu yaicujuj cucha chupayashca ladomandami callarijun.

⁶Chai linderoca, Bet-hogla shuti pueblota vichai rishpami, Bet-arabá shuti pueblo jahua ladoman yalijun. Chaimandaca, Rubenbaj churi Bohán shuti runapaj jatun rumicamanmi vichai rijun.

⁷Chaimandaca, Acor shuti pugru pambamanda Debir shuti pueblocamanmi vichai yalijun. Jahua ladotaca, Gilgal shuti pueblo chimba puratami yalijun. Chai puebloca, jatun larca yacu ura ladoman tiaj Adumín shuti vichai rina ñanda vichai rina chimba purapimi. Chaimandaca, En-semes shuti yacuta yalishpami, Rogel shuti pugyucaman rijun.

⁸Chai linderoca, Hinom shuti runapaj churipaj pugru pambata vichai rishpami, jebuseocuna causanajuj Jerusalén pueblo ura ladota yalijun. Chaimandaca, Hinom shuti runapaj churipaj pugru pamba chimba purapi tiaj urcu pundatami vichai rijun. Chai urcuca, indi huashajuj ladoman tiaj Refaim shuti pugru pamba jahua lado manñamanmi.

⁹Chai linderoca, urcu pundamandaca, Neftoa shuti pugyucamanmi muyujun. Chaimandaca, Efrón shuti urcu ladollapi tiajuj pueblocunata yalishpami, Baala nishca Quiriat-jearim shuti pueblota muyujun.

¹⁰Chai jipami chai linderoca, Baala shuti pueblomandaca, indi huashajuj ladoman tiajuj Seir shuti urcu ladoman muyujun. Jearim shuti urcu jahua ladota yalishpami, Quesalón shuti puebloman chayajun. Chaimandaca, Bet-semes shuti puebloman urai rishpami, Timna shuti puebloman yalijun.

¹¹Chaimandaca, Ecrón shuti pueblo ladota jahuaman rishpa, Sicrón shuti pueblota muyushpami, Baala shuti urcuta yalijun. Chaimandaca, Jabneel shuti pueblota yalishpami, mama cuchaman chayajun.

¹²Indi huashajuj lado linderoca, Mama Cuchami. Judá aillupaj linderocunaca, paicunapaj familiacuna imashna cashcashnallatami, cai tucui muyundicuna paicunapaj carca.

¹³Jefone shuti runapaj churi Caleb shuti runamanga, Mandaj Dios imashna Josueta mandashcashnallatami, Judá shuti runapaj miraicuna japinajushca llactapillata alpacunata curca. Anac shuti runapaj taita shayachishca Quiriat-arba shuti pueblotami curca. Chai puebloca, Hebrón shutimi.

¹⁴Caleb shuti runami, Anac shuti runapaj Sesai, Ahimán, Talmai shuti quimsa churicunataca, chai llactamanda llujchishpa cacharca.

¹⁵Chai llactamandaca, Debir shuti pueblopi causajcunahuan macanajungapajmi, vichai rirca. Chai Debir shuti puebloca, pundaca Quiriat-sefer shutimi carca.

¹⁶Chaipimi Caleb shuti runaca, cashna nirca: “Maijambash Quiriat-sefer shuti pueblopi causajcunata macanajushpa mishashpa, chai pueblota japijpica, Acsa shuti ñuca ushitami, paipaj huarmi cachun cusha” nircami.

¹⁷Chai llactataca, Caleb shuti runapaj huauqui Cenez shuti runapaj churi Otoniel shuti runami japirca. Chaimandami Caleb shuti runaca, Acsa shuti paipaj ushitaca, Otoniel runapaj huarmi cachun curca.

¹⁸Paipaj huarmita ña pushajujpimi, cashna tucurca: Otoniel runaca, paipaj huarmitami, tarpuna alpacunata cambaj taitata mañai nishpa, ari nichirca. Chaimandami chai huarmica, burropi tiajushcamanda uriajurca. Chashna uriajujpimi, paipaj taitaca: —¿Imatata ningui?— nishpa tapurca.

¹⁹Shina tapujpimi, paica cashna nishpa tigrachirca: —Ñuca mañashcata carahuayari. Neguev pambapica, ñami alpacunata carahuarcangui. Shinallata pugyu yacucuna tiaj alpacunatapash carahuayari— nircami. Shina nijpimi Caleb shuti runaca, pugyucuna tiaj alpacunata janajmambash, uramambash cararca.

²⁰Judá aillupaj miraicunaca, cai llactacunatami, paicunapaj familiacuna imashna cashcashnallata, paicunapaj cachun japinajurca.

²¹Judá aillupaj miraicunaca, urai lado manñaman tiajuj Edom shuti llactahuan linderopica, cai pueblocunatami japirca: Cabseel, Edar, Jagur,

²²Cina, Dimona, Adada,

²³Cedes, Hazor, Itnán,

²⁴Zif, Telem, Bealot,

²⁵Hazor-hadata, Queriot, Hazor nishca Hezrón,

²⁶Amam, Sema, Molada,

²⁷Hazar-gada, Hesmón, Bet-pelet,

²⁸Hazar-sual, Beerseba, Bizotia,

²⁹Baala, Iim, Esem,

³⁰Eltolad, Quesil, Horma,

³¹Siclag, Madmana, Sansana,

³²Lebaot, Silhim, Aín, Rimón shuti pueblocunatami japinajurca. Tucuimandaca, ishcai chunga iscun pueblocunatami, muyundi uchilla llactacunandi japinajurca.

³³Jatun pambacunapica: Estaol, Zora, Asena,

³⁴Zanoa, En-ganim, Tapúa, Enam,

³⁵Jarmut, Adulam, Soco, Azeca,

³⁶Saaraim, Aditaim, Gedera, Gederotaim shuti pueblocunatami japinajurca. Chunga chuscu chai pueblocunataca, muyundi uchilla llactacunandimi japinajurca.

³⁷Shinallata Zenán, Hadasa, Migdal-gad,

³⁸Dileán, Mizpa, Jocteel,

³⁹Laquis, Boscat, Eglón,

⁴⁰Cabón, Lahmam, Quitlis,

⁴¹Gederot, Bet-dagón, Naama, Maceda shuti pueblocunatapashmi japinajurca. Chunga sucta chai pueblocunataca, muyundi uchilla llactacunandimi japinajurca.

⁴²Shinallata Libna, Eter, Asán,

⁴³Jifta, Asena, Nezib,

⁴⁴Keila, Aczib, Maresa shuti pueblocunatapashmi japinajurca. Chai iscun pueblocunataca, muyundi uchilla llactacunandimi japinajurca.

⁴⁵Ecrón shuti pueblotaca, muyundipi tiaj huasicunandi, muyundi uchilla llactacunandimi japinajurca.

⁴⁶Ecrón shuti pueblomandaca, mama cuchacamanmi, Asdod shuti pueblo myundipi tiaj huasicunandi, muyundi uchilla llactacunandi japinajurca.

⁴⁷Asdod shuti pueblotaca, myundipi tiaj huasicunandi, muyundi uchilla llactacunandimi japinajurca. Gaza shuti pueblotapash, muyundipi tiaj huasicunandi, muyundi uchilla llactacunandimi japinajurca. Chai pueblocunataca, Egipto llacta jatun yacucamanmi, Jatun Cucha manñacunandi japinajurca.

⁴⁸Urcucunapica: Samir, Jatir, Soco,

⁴⁹Dana, Debir nishca Quiriat-sana,

⁵⁰Anab, Estemoa, Anim,

⁵¹Gosén, Holón, Gilo shuti pueblocunatami japinajurca. Chunga shuj chai pueblocunataca, muyundi uchilla llactacunandimi japinajurca.

⁵²Shinallata Arab, Duma, Esán,

⁵³Janum, Bet-tapúa, Afeca,

⁵⁴Humta shuti, Hebrón nishca Quiriat-arba shuti pueblotapash, Sior shuti pueblotapashmi japirca. Chai iscun pueblocunataca, muyundi uchilla llactacunandimi japinajurca.

⁵⁵Shinallata Maón, Carmel, Zif, Juta,

⁵⁶Jezreel, Jocdeam, Zanoa,

⁵⁷Caín, Gabaa, Timna shuti pueblocunatapashmi japinajurca. Chai chunga pueblocunataca, muyundi uchilla llactacunandimi japinajurca.

⁵⁸Shinallata Halhul, Bet-sur, Gedor,

⁵⁹Maarat, Bet-anot, Eltecón shuti pueblocunatami japinajurca. Chai sucta pueblocunatapash, muyundi uchilla llactacunandimi japinajurca.

⁶⁰Shinallata Quiriat-jearim nishca Quiriat-baal shuti, Rabá shuti chai ishcai pueblotapash, muyundi uchilla llactacunandimi japinajurca.

⁶¹Jichushca pambapica: Bet-arabá, Midín, Secaca,

⁶²Nibsán shuti pueblocunata, Cachi tiaj Pueblota, En-gadi shuti pueblotapashmi japinajurca. Chai sucta pueblotaca, muyundi uchilla llactacunandimi japinajurca.

⁶³Ashtahuangarin Judá shuti runapaj miraicunaca, Jerusalenbi causanajuj jebuseocunata llujchishpa cachaitaca na ushanajurcachu. Chaimandami jebuseocunaca, cunangaman Judapaj miraicunahuan Jerusalenbillata causanajun.