Read Imbabura Highland Quichua JOSUÉ 21 Bible Online

JOSUÉ 21 - Imbabura Highland Quichua bible

JOSUÉ 21

¹Levita familiacunapaj taitacunata mandajcunaca, Eleazar shuti curapajman, Nun shuti runapaj churi Josuepajman, Israel aillucunapaj taitacunata mandajcunapajmanmi shamunajurca.

²Paicunaca, Canaán llactapi Silo shuti pueblopimi cashna ninajurca: “Mandaj Diosca, Moisestami ñucanchi causana pueblocunataca, animalcunata michina pambacunandi, ñucanchiman cuchun mandarca” ninajurcami.

³Shina nijpimi israelcunaca, paicuna japinajushca alpacunataca, Mandaj Dios mandashcashnallata pueblocunatapash, michina pambacunandi levitacunaman cunajurca.

⁴Suerteta rurajpica, Coat shuti runapaj mirai familiacunapajmi urmarca. Paicunaca, Aarón curapaj mirai levitacunami carca. Suertata rurajpimi, paicunaca Judapaj, Simeonbaj, Benjaminbaj aillucunapaj llactacunapi, chunga quimsa pueblocunata japinajurca.

⁵Coat shuti runapaj mirai purallata caishuj miraicunaman suerteta rurajpica, Efraín shuti, Dan shuti aillu familiacunapaj, Manasespaj chaupi aillupaj familiacunapaj llactacunapimi urmarca. Chai llactacunapimi, chunga pueblocunata japinajurca.

⁶Gersón runapaj miraicunaman suerteta rurajpica, Isacar, Aser, Neftalí aillupaj familiacunapaj, Basán shuti llactapi causaj Manasespaj chaupi aillu familiacunapaj llactacunapimi urmarca. Chai llactacunapimi, chunga quimsa pueblocunata japinajurca.

⁷Shinallata Merari shuti runapaj mirai familiacuna imashna cashcashnallatami, Rubén, Gad, Zabulón shuti aillucunapaj llactacunapi, chunga ishcai pueblocunata japinajurca.

⁸Israelcunaca Mandaj Dios imashna Moisesta mandashcashnallata suerteta rurashpami levitacunamambash, cai pueblocunata, michina pambacunandi cunajurca.

⁹Judá shuti, Simeón shuti aillucunapaj llactacunapica, cai shuti pueblocunatami, levitacunaman cunajurca:

¹⁰Chai pueblocunatami, Aaronbaj churi puramanda Leví shuti runapaj churi Coat shuti runapaj familiacuna japinajurca. Punda suerteta rurajpi paicunapaj urmajpimi, chashna japinajurca.

¹¹Judá aillupaj urcupica, Anac shuti runapaj taitapaj cashca Quiriat-arba nishca Hebrón shuti pueblotami, chai muyundipi michina pambacunandi cunajurca.

¹²Ashtahuangarin chai pueblo muyundipi uchilla pambacunataca llactacunandimi, Jefone shuti runapaj churi Caleb shuti runaman, paipaj cachun cunajurca.

¹³Aarón curapaj miraicunamanga, huañuchijcuna pacajuna Hebrón shuti pueblotami, michina pambacunandi cunajurca. Ashtahuan cai pueblocunatapash, michina pambacunandimi cunajurca: Libna,

¹⁴Jatir, Estemoa shuti pueblocunatapash, michina pambacunandi,

¹⁵Holón shuti, Debir shuti pueblocunatapash michina pambacunandi,

¹⁶Aín, Juta, Bet-semes shuti pueblocunatapash, michina pambacunandimi cunajurca. Chai ishcai aillucunapaca, iscun pueblocunami carca.

¹⁷Benjamín aillupaj llactapica, cai pueblocunatami, michina pambacunandi cunajurca: Gabaón, Geba,

¹⁸Anatot, Almón shuti, chai chuscu pueblocunatami, michina pambacunandi cunajurca.

¹⁹Aaronbaj mirai curacunaca, tucuimandaca chunga quimsa pueblocunatami, michina pambacunandi japinajurca.

²⁰Ashtahuangarin Coat shuti runapaj mirai levita familiacunaman suerteta rurajpica, Efraín aillupaj pueblocunatami japinajurca. Paicunaca, Coat shuti runapaj miraicunamanda quedashcacunami carca.

²¹Efraín urcupi tiaj Siquem shuti pueblotapash, michina pambacunandimi cunajurca. Chai puebloca, huañuchijcuna pacajunami. Shinallata cai pueblocunatapashmi, michina pambacunandi cunajurca: Gezer,

²²Kibsaim, Bet-horón shuti, chai chuscu pueblocunatapash, michina pambacunandimi cunajurca.

²³Dan shuti aillupaj llactapica, cai pueblocunatami, michina pambacunandi cunajurca: Elteque, Gibetón,

²⁴Ajalón, Gat-rimón shuti chuscu pueblocunatami, michina pambacunandi cunajurca.

²⁵Manasespaj chaupi aillupaj llactapipash, Taanac shuti, Gat-rimón shuti ishcai pueblocunatami, michina pambacunandi cunajurca.

²⁶Coat shuti runapaj caishuj mirai familiacunamambash, tucuimandaca chunga pueblocunatami, michina pambacunandi cunajurca.

²⁷Gersón runapaj mirai levita familiacunamanga, Manasespaj chaupi aillupaj Basán llactapimi, michina pambacunandi Golán shuti pueblota cunajurca. Chai puebloca, huañuchijcuna pacajunami. Chai llactapillata, Beestera shuti pueblotapashmi cunajurca. Chai ishcai pueblocunataca, michina pambacunandimi cunajurca.

²⁸Isacar shuti aillupaj llactapica, cai pueblocunatami, michina pambacunandi cunajurca: Cisón, Daberat,

²⁹Jarmut, En-ganim shuti chuscu pueblocunatami, michina pambacunandi cunajurca.

³⁰Aser shuti aillupaj llactapica, cai pueblocunatami, michina pambacunandi cunajurca: Miseal, Abdón,

³¹Helcat, Rehob shuti chuscu pueblocunatami, michina pambacunandi cunajurca.

³²Neftalí aillupaj Galilea llactapica, Cedes shuti pueblotami, michina pambacunandi cunajurca. Chai puebloca, huañuchijcuna pacajunami. Shinallata Hamot-dor, Cartán shuti pueblocunatapashmi cunajurca. Chai quimsa pueblocunataca, michina pambacunandimi cunajurca.

³³Gersón shuti runapaj mirai familiacuna imashna cashcashnallatami, michina pambacunandi chunga quimsa pueblocuna carca.

³⁴Merari shuti runapaj mirai puramanda quedashca caishuj levita familiacunamanga, cai pueblocunatami Zabulón aillupaj llactapi, michina pambacunandi cunajurca: Jocneam, Carta,

³⁵Dimna, Naalal shuti chuscu pueblocunatami, michina pambacunandi cunajurca.

³⁶Rubén aillupaj llactapipash, cai pueblocunatami, michina pambacunandi cunajurca: Beser, Jahaza,

³⁷Cademot, Mefaat shuti chuscu pueblocunatami, michina pambacunandi cunajurca.

³⁸Gad shuti aillupaj Galaad llactapica, Ramot shuti pueblotami, michina pambacunandi cunajurca. Chai puebloca, huañuchijcuna pacajunami. Shinallata cai pueblocunatapash, michina pambacunandimi cunajurca: Mahanaim,

³⁹Hesbón, Jazer shuti chuscu pueblocunatami, michina pambacunandi cunajurca.

⁴⁰Merari shuti runapaj mirai familiacunamanda puchushca caishuj levita familiacunapaca, imashna suertecunata rurashcashnallatami, chunga ishcai pueblocunata cunajurca.

⁴¹Levitacunapaj tucui pueblocunaca, israelcunapaj cachun japinajushca alpa chaupicunapimi, tucuimandaca chuscu chunga pusaj pueblocuna, michina pambacunandi carca.

⁴²Chai pueblocunaca, carupi carupimi carca. Cada pueblo muyundipimi, michina pambacunapash tiarca. Tucui pueblocunallatami, shina carca.

⁴³Shinami Mandaj Diosca, israelcunapaj, ñaupa taitacunaman llactata carashapachami nishpa juramentushcataca, israelcunaman cararca. Chai tucui llactata paicuna japishpami, chai llactapi causanajurca.

⁴⁴Mandaj Diosca, paicunapaj ñaupa taitacunaman imatalla carangapaj juramentushpa nishcashnallatami, tucui chai llactapica casilla, ali causaita cararca. Shinamandami, israelcunata fiñajcunaca maijanllapash macanajungapaj shayaritaca, na usharca. Chai fiñaj runacunataca, Mandaj Diosmi tucuicunata israelcunapaj maquipi churarca.

⁴⁵Mandaj Diosca, israelcunaman alicunata carashapachami nishpa juramentushcataca, shuj shimitallapash na saquishpami, tucuita pactachirca.