Read Imbabura Highland Quichua 1 SAMUEL 5 Bible Online

1 SAMUEL 5 - Imbabura Highland Quichua bible

1 SAMUEL 5

¹Taita Diospaj arcata filisteocuna quichushpaca, Eben-ezer shuti pambamandaca, Asdod pueblomanmi aparca.

²Taita Diospaj arcata filisteocuna quichushpaca, Dagón shuti diospaj huasi ucumanmi aparca. Shina apashpaca, Dagón shuti diospaj ladopimi churanajurca.

³Asdod pueblopi causajcuna cayandi tutamandata jatarishpa, chai huasiman yaicujpica, Dagón shuti diosca, Mandaj Diospaj arca ñaupajpimi, uraisinga urmashca alpapi sirijushca carca. Chaimanda jatarichishpami, pai tiajushca pushtupillata cutin churanajurca.

⁴Shinallata cayandi tutamandata jatarishpa cutin yaicujpipash, Dagón shuti diosca, Mandaj Diospaj arca ñaupajpimi cutin urmashca, alpapi sirijushca carca. Dagón shuti diospaj umapash ishcandi maquipash faquirishcami, pungupi quinraiman churashca caspi jahuapi sirijushca carca. Chai Dagón shuti diosca, cungamanda uraimanga na faquirishcachu carca.

⁵Chashna tucushcamandami Dagón shuti diospaj curacunapash, Dagón shuti diospaj huasiman tucui yaicujcunapash, Asdod pueblopi tiaj Dagón shuti diospaj huasi pungupi quinraiman churashca caspipica, cunan punllacaman na sarunajun.

⁶Mandaj Diosca, paipaj maquihuanmi Asdod pueblopi causajcunataca, ashtahuan llaquichi callarirca. Shinamandami Asdod pueblopipash, chai muyundi llactacunapipash, chupu ung:ui japishpa ninanda llaquichishpa tucuchijurca.

⁷Chaita ricushpami Asdod pueblopi causajcunaca, cashna ninajurca: “Israelcunapaj Taita Diospaj arcataca, na caipi charinachu canchi. Paipaj maquihuanmi ñucanchitapash, Dagón shuti ñucanchi diostapash, ninanda llaquichijun” ninajurcami.

⁸Chaimandami, filisteocunata tucui mandajcunata tandanajuchun cayashpaca: —Israelcunapaj Taita Diospaj arcataca, ¿imatata rurashunchi?— ninajurca. Shina ninajujpimi: —Israelcunapaj Taita Diospaj arcataca, Gat pueblomanmi yalichina— ninajurca. Shinamandami, israelcunapaj Taita Diospaj arcataca, chai puebloman yalichinajurca.

⁹Chai Gat puebloman yalichijpimi, cashna tucurca: Mandaj Diosca, chai pueblopi causajcunahuan fiñarishpami, paipaj maquihuan ninanda llaquichijurca. Chai pueblopi causajcunataca, uchillacunamanda callarishpa rucucunacamanmi, chupu ung:uihuan manllanayaita llaquichijurca.

¹⁰Shina cajpimi Taita Diospaj arcataca, Ecrón shuti puebloman cacharca. Taita Diospaj arcata chai Ecrón puebloman cachajpimi, chaipi causajcunaca cashna nishpa caparinajurca: “Israelcunapaj Taita Diospaj arcataca, ñucanchitapash, ñucanchi gentecunatapash huañuchingapajllami, ñucanchipajman yalichimushca” ninajurcami.

¹¹Chaimandami, filisteocunata tucui mandajcunata cayachun cachashpa tandanajushpaca, cashna ninajurca: “Ñucanchitapash, ñucanchi gentecunatapash ama huañuchijuchunga, israelcunapaj Taita Diospaj arcataca, maimanda apamushca cashpapash, chaimanllata cachaichilla” ninajurcami. Ecrón pueblopi tucui causajcunaca, Taita Diospaj maquihuan ashtahuan ninanda llaquichijushcamanda ninan huañui tiajpimi, ninanda manllarinajurca.

¹²Na huañujcunaca, chupu ung:uihuanmi llaquinayaita llaquichi tucunajurca. Chaimandami, paicuna caparishcapash jahua pachacaman uyarijurca. Filisteocunaca, Diospaj arcata tigrachishcami