Read Íslenska Biblían, Icelandic Bible Sálmarnir 116 Bible Online

Sálmarnir 116 - Íslenska Biblían, Icelandic Bible bible

Sálmarnir 116

¹Ég elska Drottin, af því að hann heyrir grátbeiðni mína.

²Hann hefir hneigt eyra sitt að mér, og alla ævi vil ég ákalla hann.

³Snörur dauðans umkringdu mig, angist Heljar mætti mér, ég mætti nauðum og harmi.

⁴Þá ákallaði ég nafn Drottins: ,,Ó, Drottinn, bjarga sál minni!``

⁵Náðugur er Drottinn og réttlátur, og vor Guð er miskunnsamur.

⁶Drottinn varðveitir varnarlausa, þegar ég var máttvana hjálpaði hann mér.

⁷Verð þú aftur róleg, sála mín, því að Drottinn gjörir vel til þín.

⁸Já, þú hreifst sál mína frá dauða, auga mitt frá gráti, fót minn frá hrösun.

⁹Ég geng frammi fyrir Drottni á landi lifenda.

¹⁰Ég trúði, þó ég segði: ,,Ég er mjög beygður.``

¹¹Ég sagði í angist minni: ,,Allir menn ljúga.``

¹²Hvað á ég að gjalda Drottni fyrir allar velgjörðir hans við mig?

¹³Ég lyfti upp bikar hjálpræðisins og ákalla nafn Drottins.

¹⁴Ég greiði Drottni heit mín, og það í augsýn alls lýðs hans.

¹⁵Dýr er í augum Drottins dauði dýrkenda hans.

¹⁶Æ, Drottinn, víst er ég þjónn þinn, ég er þjónn þinn, sonur ambáttar þinnar, þú leystir fjötra mína.

¹⁷Þér færi ég þakkarfórn og ákalla nafn Drottins.

¹⁸Ég greiði Drottni heit mín, og það í augsýn alls lýðs hans,í forgörðum húss Drottins, í þér, Jerúsalem. Halelúja.

¹⁹í forgörðum húss Drottins, í þér, Jerúsalem. Halelúja.