Read Íslenska Biblían, Icelandic Bible Sálmarnir 92 Bible Online

Sálmarnir 92 - Íslenska Biblían, Icelandic Bible bible

Sálmarnir 92

¹Gott er að lofa Drottin og lofsyngja nafni þínu, þú Hinn hæsti,

²að kunngjöra miskunn þína að morgni og trúfesti þína um nætur

³á tístrengjað hljóðfæri og hörpu með strengjaleik gígjunnar.

⁴Þú hefir glatt mig, Drottinn, með dáð þinni, yfir handaverkum þínum fagna ég.

⁵Hversu mikil eru verk þín, Drottinn, harla djúpar hugsanir þínar.

⁶Fíflið eitt skilur eigi, og fáráðlingurinn einn skynjar eigi þetta.

⁷Þegar óguðlegir greru sem gras og allir illgjörðamennirnir blómguðust, þá var það til þess að þeir skyldu afmáðir verða að eilífu,

⁸en þú sem ert á hæðum, ert til að eilífu, Drottinn.

⁹Því sjá, óvinir þínir, Drottinn, því sjá, óvinir þínir farast, allir illgjörðamennirnir tvístrast.

¹⁰En mig lætur þú bera hornið hátt eins og vísundinn, mig hressir þú með ferskri olíu.

¹¹Auga mitt lítur með gleði á fjandmenn mína, eyra mitt heyrir með gleði um níðingana, er rísa gegn mér.

¹²Hinir réttlátu gróa sem pálminn, vaxa sem sedrustréð á Líbanon.

¹³Þeir eru gróðursettir í húsi Drottins, gróa í forgörðum Guðs vors.

¹⁴Jafnvel í hárri elli bera þeir ávöxt, þeir eru safamiklir og grænir.Þeir kunngjöra, að Drottinn er réttlátur, klettur minn, sem ekkert ranglæti er hjá.

¹⁵Þeir kunngjöra, að Drottinn er réttlátur, klettur minn, sem ekkert ranglæti er hjá.