Read Íslenska Biblían, Icelandic Bible Fyrsta Jóhannesarbréf 1 Bible Online

Fyrsta Jóhannesarbréf 1 - Íslenska Biblían, Icelandic Bible bible

Fyrsta Jóhannesarbréf 1

¹Efni vort er það sem var frá upphafi, það sem vér höfum heyrt, það sem vér höfum séð með augum vorum, það sem vér horfðum á og hendur vorar þreifuðu á, það er orð lífsins.

²Og lífið var opinberað, og vér höfum séð það og vottum um það og boðum yður lífið eilífa, sem var hjá föðurnum og var opinberað oss.

³Já, það sem vér höfum séð og heyrt, það boðum vér yður einnig, til þess að þér getið líka haft samfélag við oss. Og samfélag vort er við föðurinn og við son hans Jesú Krist.

⁴Þetta skrifum vér til þess að fögnuður vor verði fullkominn.

⁵Og þetta er boðskapurinn, sem vér höfum heyrt af honum og boðum yður: ,,Guð er ljós, og myrkur er alls ekki í honum.``

⁶Ef vér segjum: ,,Vér höfum samfélag við hann,`` og göngum þó í myrkrinu, þá ljúgum vér og iðkum ekki sannleikann.

⁷En ef vér göngum í ljósinu, eins og hann er sjálfur í ljósinu, þá höfum vér samfélag hver við annan og blóð Jesú, sonar hans, hreinsar oss af allri synd.

⁸Ef vér segjum: ,,Vér höfum ekki synd,`` þá svíkjum vér sjálfa oss og sannleikurinn er ekki í oss.

⁹Ef vér játum syndir vorar, þá er hann trúr og réttlátur, svo að hann fyrirgefur oss syndirnar og hreinsar oss af öllu ranglæti.Ef vér segjum: ,,Vér höfum ekki syndgað,`` þá gjörum vér hann að lygara og orð hans er ekki í oss.

¹⁰Ef vér segjum: ,,Vér höfum ekki syndgað,`` þá gjörum vér hann að lygara og orð hans er ekki í oss.