Read Isthmus Zapotec San Mateo 12 Bible Online

San Mateo 12 - Isthmus Zapotec bible

San Mateo 12

¹Qué nindaa de ngue, ti dxi enda riziila'dxi zidi'di Jesús ne ca discípulu sti ndaani ti ñaa. Nabé ma candaana ca discípulu que para bizulú undadi ca zee gudó ca'.

²Ora bi'ya caadxi fariseu ni cayuni ca discípulu que la? na ca rabi ca Jesús: ―Biaa ca xpinni lu', cayuni ca ni cadi jneza guni binni dxi enda riziila'dxi'.

³Para na Jesús rabi laaca': ―Ñee qué huayuunda tu ra cá xi bi'ni David dxi candaana, laa né ca xpinni la?

⁴Biuu be ndaani yu'du sti Dios ne gudó be ca pan ni ma uyuu ndaaya' ni nexhe cadi go cabe, nin laabe nin cani nuu né laabe que, sínuque ca sacerdote si.

⁵O laca qué huayuunda tu ra cá lu ley sti Moisés xi runi ca sacerdote ni nuu ndaani yu'du ro' la? laca qué rapa ca dxi enda riziila'dxi peru qué rigui'ba donda ique ca'.

⁶Gabe ca' laatu, ma nuaa lade tu ne jma risaca que yu'du que né cani nuu ndaani ni.

⁷Nuu ra cá lu Xqui'chi Dios ra na: “Jma racaladxe guiá tu binni que guedané tu ni usiga'de tu naa.” Yanna rabe laatu, pa ñene tu xi na ca diidxa ca la? ma qué nudxiiba tu donda ique ca discípulu stinne, purti cadi cuchee ca'.

⁸Naa nga Hombre Biseenda Dios ne zanda gabe binni xii nga jneza guni dxi enda riziila'dxi'. Tobi hombre nabidxi ti chu ná'

⁹Biree Jesús de raqué biuu ndaani yu'du stícabe.

¹⁰Ne nuu ti hombre raqué nabidxi ti chu ná'. Para gunaba diidxa caadxi binni ni nuu ra yu'du que Jesús pa jneza gusianda cabe binni dxi enda riziila'dxi'. Uní' ca zaqué peru para gapa si ca xi pur cu' ca xqueja be.

¹¹Para rabi be laaca': ―Pa ñapa tobi de laatu ti dendxu' ne ñaba me ndaani ti barranca dxi enda riziila'dxi', ñee qué niguu ná laame ne nibee laame la?

¹²Ñee cadi jma risaca hombre que dendxu la? Jma pue, ne zacá rihuinni cadi cuchee né cabe ley pa gacané cabe binni dxi enda riziila'dxi'.

¹³Para rabi be hombre ni nabidxi ti chu ná que: ―Bisigaa nou'. Ne ora bisigaa ná hombre que la? bianda ni ne guca ni casi sti chu que.

¹⁴Para biree ca fariseu yení' stiidxa ca ximodo zanda guuti ca laabe. Ra uca ni bicaa profeta Isaías

¹⁵Peru ma nanna be xi chi guni ca', para bixele be de raqué, ne yenanda stale binni laabe para bisianda be laaca'.

¹⁶Ne biinda be lú ca' cadi uzeete ca tu laabe.

¹⁷Ne zacá guca ni ti iree ni modo uní' profeta Isaías dxi bizeete de laabe, na:

¹⁸Ndi nga ni gulié para guni xhiiña'ne laabe nga nadxiee' ne ni rusieche ladxiduá'.Zudiee Espíritu stinne laabene zusiidi be dede cani cadi za de Israel ximodo rune mandar.

¹⁹Qué zucaa lú be ne qué zucaa be ridxi,ne iruti zuna diaga caní' xhaata be lu calle.

²⁰Qué zusaba chaahui be cani ziyaba,cani ruluí' ti gueere ni ma caluuza,ne qué zadinde né be cani ruluí' ti mechani ma qué ganda gudii biaani'.Peru qué ziaana dxí xhiiña be dede gu'ya be gaca ni jneza ndaani guidxilayú.

²¹Ne zacá lú ca binni ni cadi za de Israelulá be laaca'. Na cabe nuu né Jesús binidxaba'

²²Oraque bedané cabe ti hombre ra nuu be udxite binidxaba ique ne ma nacheepa lú ne qué randa riní'. Para bisianda be laa, ne óraque ma gunda biiya ne uní'.

²³Bidxagayaa irá binni ni nuu raqué, ne na ca': ―Nagana pa cadi ndi nga ni na cabe gueeda de lade familia sti rey David que.

²⁴Peru ora bina diaga ca fariseu ni caní' cabe la? na ca': ―Randa ribee be binidxaba purti nuu né be Beelzebú, xaíque sti ca binidxaba'.

²⁵Peru nanna be xi caní' ique ca', para rabi be laaca': ―Intiica gobiernu ni tinde saa la? zanitilú. Ne zaqueca intiica guidxi o intiica familia ni tinde saa la? laca zanitilú.

²⁶Nga runi pa ma cadinde saa ca xpinni binidxaba la? qué zandaa initilú.

²⁷Pa naa ribee ca binidxaba purti nuaa nia Beelzebú casi na tu ca la? laga ca xiiñi tu ya', tu pur ribee ca ca binidxaba'. Lagabi laacabe iní' cabe ximodo nga laani.

²⁸Peru naa la? ribee ca binidxaba purti napa Espíritu sti Dios ne zacá rihuinni ma cayuni mandar Dios lade tu.

²⁹Zanda xa chi ndana cabe ralidxi ti hombre ni nadipa' pa ca'ru iliibi. Peru ora ma liibi be la? óraque huaxa zanda cuana cabe ni napa be.

³⁰Tu cadi nuu pur naa la? cucaa lú naa, ne tu cadi cayacané naa gapa xpinne la? cabee laacabe de naa.

³¹Ne gabe ca' laatu, zuni perdonar Dios cani ruchee, ne cani riguu dí, peru qué ziuu dxi guni perdonar be cani gusaca Espíritu Santu binidxaba'.

³²Naa nga Hombre Biseenda Dios ne zuni perdonar be cani gucaa lú naa, peru cani gucaa lú Espíritu Santu la? qué zuni perdonar be laaca', nin ora nabani ca nin ora ma guti ca'. Pur ni guni binni zahuinni tu laa

³³Laaca tu nanna tu qué zanda udii ti yaga cuananaxhi pa cadi nazaaca, peru pa nazaaca ni la? zudii ni cuananaxhi ni iquiiñe' purti pur cuananaxhi sti yaga rihuinni ximodo laa.

³⁴Ne laatu, binni malu ca', ximodo zanda iní' tu jneza pa cadi nayá ladxidó' to ya'. Purti de ndaani ladxidó' cabe nga riree diidxa ni riní' cabe.

³⁵Binni nayá ladxidó' la? zaní' ni jneza purti dxandí nayá ladxidó'. Peru binni cadi nayá ladxidó' la? zaní' ni cadi jneza purti zacá laa de ndaani ladxidó'.

³⁶Peru naa rabe laatu, dxi cuidxi Dios cuenta irá binni guidxilayú la? zabi be laaca xi pur bindaa ruaa ca ca diidxa ni cadi jneza ca.

³⁷Purti stiidxa piou' nga usihuinni pa dxi'ba donda ique lu o pa nayá ladxidó' lo'. Ra canaba binni gu'ya xiixa seña

³⁸Oraque na caadxi maistru de ley ne caadxi fariseu, rabi laabe: ―Maistru, xiñee qué uluí' lu laadu ti seña xaibá' para ganna du dxandí nandxó' lo'.

³⁹Para rabi be laaca': ―Laatu qué na tu guni tu ni na Dios, sínuque ni na tu, ne yanna ma canaba tu gu'ya tu seña. Peru qué zudiee rua' seña laatu sínuque gabe sia' laatu guietenala'dxi tu de profeta Jonás.

⁴⁰Purti cásica uyuu Jonás ndaani benda ro' que chonna gubidxa ne chonna gueela la? zaqueca ziaana Hombre Biseenda Dios ndaani yu chonna gubidxa ne chonna gueela'.

⁴¹Ne dxi uzuhuaa irá binni nezalú Dios, ziasa ca binni Nínive ne zuseegu ca ruaa ca binni nuu yanna ri', purti laaca ucuaa ca stiidxa Jonás ne unaba ca perdón Dios, peru yanna ma nuaa lade tu ne jma risaca que Jonás ne qué na tu icaa tu stiidxa'.

⁴²Chiqué beeda ti reina de neza guete' de ti guidxi lá Sabá. Beeda be ra nuu Salomón purti bina diaga be pabiá' riene ne nuu né Dios laa. Ne dxi cuidxi Dios cuenta binni la? zuseegu be ruaa ca binni nuu yanna ri' purti laabe beeda be de zitu, beda guna diaga be Salomón, ne naa jma risaca que Salomón ne nuaa ca' lade tu ne qué na tu icaa tu stiidxa'. Ra biqueta né binidxaba xcadxe

⁴³Ora iree ti binidxaba de ndaani ladxidó' binni la? riree, ma canazá ndaani gui'xhi', canayubi ra iziila'dxi'. Gu'ya si qué idxela, óraque na': “Zabigueta ralidxe ra biree'.”

⁴⁴Ne ora guedandá gu'ya ma nayá ladxidó' ngue, casi ñaca ti yoo ma iruti nabeza, ma biluuba, ma zuchaahui'.

⁴⁵Ibigueta, chi caa xcadxe jma rusi nadxaba que laa, riuu ca ndaani ladxidó' binni que, ne riaana ca raqué. Ne pa huaxié' malu binni que ora nuu stubi si ti binidxaba la? jma rusi yanna. Zacaca zazaaca ca binni qué runa ni nuu yanna ri'. Jñaa Jesús ne ca bi'chi'

⁴⁶Cayuí' né ru be ca binni que diidxa', bedandá jñaa be ne ca bi'chi be, bizuhuaa ca ra puerta', ne racala'dxi ca iní' né ca laabe.

⁴⁷Para na tobi de cani nuu raqué rabi laabe: ―Rarica zuhuaa jñoou' ne ca bi'chi lu', caquiiñe ca lii.

⁴⁸Para rabi be ni gudxi ni laabe que: ―Tuu nga jñaa', ne tuu nga ca biche'.

⁴⁹Oraque biluí' ná be ca discípulu stibe, ne na be: ―Ca ndi nga jñaa ne biche'.

⁵⁰Purti irá tu guni ni na Bixhoze ni nuu ibá', ca ngue nga biche ne bizana ne jñaa'.