Read Isthmus Zapotec San Lucas 17 Bible Online

San Lucas 17 - Isthmus Zapotec bible

San Lucas 17

¹Na Jesús rabi ca discípulu sti': ―Qué ziaadxa ni uquiinde binni para uchee, peru gapa gá si ni guni ni que laa.

²Jma galán ñaca para laa pa nugaanda cabe ti guie ngola yanni, nundaa cabe laa ndaani nisadó', que ñuni pur nuchee tobi de ca nahuiini'.

³Laguuya gá qué chi guni tu zacá. Pa uchee né hermanu stiu' lii la? bilidxe laa, ne pa inaba be perdón lii la? bini perdonar laabe.

⁴Ne pa gadxe tiru uchee né be lii ti dxi ne gadxe tiru que gueda naba be perdón lii la? bini perdonar laabe. Xi irá ñuni ni ñapa caadxi huiini fe

⁵Oraque na ca apóstol que rabi Señor: ―Bitale fe stidu.

⁶Para rabi be laaca': ―Pa ñapa tu fe neca bia' ti biidxi mostaza la? ñanda ñabi tu yaga ca ñaaxha de xcu, niuzuhuaa ndaani nisadó', ne ñe ni. Ni nexhe guni ti mozo

⁷Pa ñapa tu ti mozo nicheza layú o nigapa yuze, ñee casi ñeeda ñabi tu laa: “Gurí ruaa mexa” la?

⁸Co' nja', sínuque ñabi tu laa: “Ulee xha'bu', bi'ni endaró xhi ne udiiu ni gahua xhie'. Iluxe sia', óraque ma cui lu lii, go xhiu'.”

⁹Lácaxa rudii tu diuxquixe mozo que purti bi'ni ni gudxi tu laa.

¹⁰Zacaca laatu ora ma bi'ni tu ni bisaana Dios lu ná tu la? sicarí nga lainí': “Gasti qué ñuni du purti bini du ni nexhe si guni du.” Ra bisianda Jesús chii napa lepra

¹¹Ra ze Jesús Jerusalén udi'di galahui Samaria ne Galilea.

¹²Ra yendá be ti guidxi huiini biree chii hombre napa lepra, bizuhuaa ca zitu

¹³ne bicaa ca ridxi laabe: ―Jesús, Maistru, biá laadu.

¹⁴Ora bi'ya be laaca rabi be laaca': ―Laché ra nuu sacerdote. Lachiuluí' laa ma bianda tu. Ne laga ze ca neza nisi pe byui' lepra que ladi ca'.

¹⁵Ora bi'ya tobi de laaca ma bianda, bigueta uxooñe', cucaa ridxi, cusisaca Dios.

¹⁶Bizuxibi xa ñee be dede gudixhe ique layú, cudii diuxquixe. Ngue nda samaritanu laa.

¹⁷Oraque na be: ―Ñee cadi chii cabe bianda la? Laga xca' que ya', uná laaca'.

¹⁸Ñee iruti ru qué nibigueta nusisaca Dios sínuque laga ni cadi binni laanu ri la?

¹⁹Ne óraque rabi be hombre que: ―Biasa, uyé. Bianda lu purti bini cre lu'. Modo ibigueta Hombre Biseenda Dios

²⁰Oraque unaba diidxa ca fariseu laabe padxí uzulú guni mandar Dios. Para rabi be laaca': ―Dxi uzulú guni mandar Dios nga cadi ni ihuinni,

²¹ne iruti qué zanda gabi laatu, “Rarí cayaca ni”, o “Rarica'”; purti ma cayuni mandar Dios lade tu.

²²Oraque rabi be ca discípulu stibe: ―Zadxiña dxi zacala'dxi tu gu'ya tu Hombre Biseenda Dios, neca ti dxi si, peru qué zuuya tu.

²³Ziuu tu gabi laatu: “Rarí nuu be”, o “Rarica nuu be”, peru qué chi nanda tu.

²⁴Purti casi riuu xpiaani rayu de ti ladu para sti ladu, zacaca zaca ni dxi gueeda be sti tiru.

²⁵Peru nirudó' naquiiñe acaná be ne udxii deche ca binni nuu yanna ri laabe.

²⁶Cásica uca dxi bibani Noé, zacaca zaca dxi ibigueta Hombre Biseenda Dios.

²⁷Cayó cabe, cayé' cabe, cachaganá cabe ne cucheela cabe dede dxi biuu Noé ndaani arca ne biaba nisa guie, binitilú irá cabe.

²⁸Ne zaqueca guca dxi bibani Lot. Cayó cabe, cayé' cabe, cazí' cabe, cutoo cabe, caguu cabe biní, ne cucuí cabe yoo.

²⁹Peru casi guxha ñee Lot de ndaani guidxi Sodoma biaba gui ne azufre de ibá'. Binitilú irá cabe.

³⁰Zacaca nga zaca ni dxi guenda sti tiru.

³¹Ni dxi'ba ique yoo dxi que la? cadi guiete chi caa sti ndaani yoo. Ne zaqueca ni nuu rañaa cadi ibigueta gueda caa sti'.

³²Laguietenala'dxi xi uca xheela Lot.

³³Tu gacala'dxi ulá xpida zuniti ni, peru tu uniti ni la? zalá.

³⁴Ne gabe ca' laatu, ra nexhe chupa lu tobi si luuna', zie tobi que, stobi que ziaana.

³⁵Ne zaqueca ra nuu chupa gunaa cayuutu', zie tobi, ziaana stobi.

³⁶Zaqueca ra nuu chupa hombre rañaa, zie tobi, ziaana stobi.

³⁷Oraque na ca rabi ca laabe: ―Paraa gaca ni ya', Señor. Para rabi be laaca': ―Ra nuu ti cuerpu ni ma guti, raqué nga cui zisi irá so'pe'.