Read Isthmus Zapotec San Lucas 8 Bible Online

San Lucas 8 - Isthmus Zapotec bible

San Lucas 8

¹Qué nindaa de ngue biree Jesús, canazá ca guidxi ro' ne guidxi huiini', canayuí' né binni modo runi mandar Dios. Ne doce apóstol stibe que canazá né laabe,

²ne cadi laasi ca' sínuque ne caadxi gunaa ni bisianda be ne ni ulee be binidxaba de laa que. Lade cabe zeeda María ni rabi cabe Magdalena, ni ulee be gadxe binidxaba de laa,

³ne Juana xheela Chuza, ni rapa cani runi xhiiña Herodes, ne Susana ne xcaadxi. Irá cabe ruchaaga cabe, racané cabe laabe. Cuentu sti hombre yenduu biní

⁴Stale binni biree de ca guidxi que yeguuya laabe. Biiya si be ma rí binni laabe, gudixhe be ti ejemplu para laaca',

⁵na be: ―Sicari bizaaca lú ti hombre, biree zinduu biní. Ra cusaba be xuba que biaba caadxi ni uriá neza. Biitu ñee cabe laa ne biete mani huiini gudó laa.

⁶Xcaadxi biaba lade guie. Undani ni peru nagueenda bibidxi ni, purti qué gapa ni gudxa.

⁷Xcaadxi biaba lade guichi ne undani, peru jma bisoo guichi que para laacani ne biiti ca guichi que cani.

⁸Peru biaba xcaadxi ni ra nayá ne ca ngue huaxa ucuá lú dede nuu ra bidii ti gayuaa carreta niza. Biluxe uní' si be nga bicaa be ridxi, rabi be laaca': ―Irá ni racala'dxi guiene la? ucaa diaga. Ra uní' Jesús xiñee riguixhe ejemplu

⁹Oraque unaba diidxa ca discípulu stibe laabe xi riní' ejemplu que.

¹⁰Para rabi be laaca': ―Laatu la? cudii Dios lugar guiene tu modo runi mandar, dede ni naga'chi'. Peru ca xcaadxi la? puru si ne ejemplu rue nia laaca', ti cadi gu'ya ca neca cayuuya dxí ca', ne cadi guiene ca neca cayuna diaga ca'. Xi riní' cuentu sti hombre yenduu biní

¹¹Ndi nga ni riní' ejemplu ca. Ca xuba ca la? zeda gaca casi stiidxa Dios.

¹²Ni biaba uriá neza que, ngue nga ca binni rucaa diaga stiidxa Dios, peru raxha binidxaba ni ndaani ladxidó' ca ti qué guni cre ca ne qué ilá ca'.

¹³Ne cani biaba lade guie que, ngue nga ca binni rucaa diaga stiidxa Dios ne ricaa ca ni ne enda nayeche'. Riaana né ca ni caadxi, peru casi pe gueeda xiixa naná maca zixele ca', purti qué nicaa xcu chaahui ni ndaani ladxidó' ca'.

¹⁴Ne cani biaba lade guichi que, ngue nga ca binni rucaa diaga stiidxa Dios, peru jma cá ique ca dxiiña ne gapa ca bidxichi ne guiaca ca', ne irá nga ruuti stiidxa Dios ne ma qué riree ndu.

¹⁵Ne cani biaba layú ra nayá que, ngue nga ca binni naguudxi ladxidó'. Ora guna diaga ca stiidxa Dios ricaa ca ni de idubi ladxidó' ca'. Qué riuu dxi ixele ca' ne zacá riree ndu ni. Ejemplu sti linterna

¹⁶Bigueta gudixhe be sti ejemplu, na be: ―Iruti rucaa gui linterna ne ruseegu xiixa lú ni o cu' ni xa'na luuna', sínuque rugaanda ni luguiá' ti tutiica guiuu gu'ya biaani'.

¹⁷Zaqueca irá ni ye'gu lú yanna napa xidé ixele ti gu'ya binni xi laa, ne irá ni naga'chi yanna napa xidé ihuinni ti ganna binni ni.

¹⁸Nga runi laucaa diaga chaahui', purti cani napa la? zacaa jma, peru cani qué gapa, dede ni na napa ziaaxha. Jñaa Jesús ne ca bi'chi'

¹⁹Raqué nuu be beeda jñaa be ne ca bi'chi be, peru qué ñanda nidxiña ca laabe purti ri binni laabe.

²⁰Para biree tobi, na rabi laabe: ―Racá fuera ca zuhuaa jñoou ne ca bi'chi lu'. Racala'dxi ca iní' né ca lii.

²¹Peru laga na be rabi be laaca': ―Cani ucaa diaga stiidxa Dios ne guni ni na ni, ngue nga jñaa ne biche'. Gudixhe dxi Jesús bi yooxho'

²²Ti dxi biuu né Jesús ca discípulu sti ndaani ti canuá ne na rabi laaca': ―Latidi nisa ri'. Para biaaxha cabe ze cabe.

²³Ne ra zidi'di cabe nisa que gu'ta Jesús, gusi. Lu nisa que ze cabe gunaaze ti bi yooxho laacabe. Ne biguu ni nisa ndaani canuá que, dede ruluí' ma chi guiaazi cabe.

²⁴Para yeucuaani cabe Jesús, rabi cabe laa: ―¡Maistru, Maistru! ¡Ma chi gati nu! Oraque biasa be, ne gudxi be bi yooxho que guiaana dxi, ne zaqueca gudxi be ola que, ne oraqueca guta dxí cani.

²⁵Oraque rabi be laaca': ―Cadi ladxa runi cre tu naa la? Xi uca xa tu yanna. Peru laaca nabé bidxibi ca' ne unaba diidxa saa ca': ―Tu laabe pue. Riní' né be bi ne nisa, ne ruzuuba cani stiidxa be. Ti hombre riguite binidxaba ique

²⁶Zaqué ze cabe lu nisa que dede yendá cabe Gadara cherica de Galilea.

²⁷Casi bizuhuaa ñee Jesús yu, bidxiña ti hombre de guidxi que ra nuu. Ma xadxí riguite binidxaba ique be. Qué racu be lari ne qué riaana be yoo. Nisi lade ba' canazá be.

²⁸Stale tiru riguite binidxaba ique be ne rundiibi ca binni que cadena ná be ne ñee be. Peru ruchuugu be ni, ne riné binidxaba que laabe ndaani gui'xhi'. Casi bi'ya be Jesús bizuxibi be xañee ne bicaa be ridxi: ―Xi napa neu naa, Jesús Xiiñi Dios ni nandxó'. Rinaba lii cadi guniná lu naa. Uní' be zaqué purti cayabi Jesús binidxaba que usaana laabe.

²⁹(null)

³⁰Ne na Jesús, rabi laabe: ―Tu lá lu'. ―Legión, na be. Ngue na be lá be purti stale binidxaba nuu luguiá be.

³¹Ne unaba ca binidxaba que Jesús cadi useenda laaca gabiá.

³²Bia'si canayó jma bihui cue' ti dani neza ra nuu cabe que. Para unaba ca binidxaba que Jesús udii lugar chu' ca luguiá ca bihui que. Ne bidii Jesús lugar.

³³Para biree ca de hombre que, yechuu ca luguiá ca bihui que, ne biete tí ca bihuí que de ra dxi'ba ca'. Bia'si pe ndaani nisa biaba ca', ne raqué guti ca'.

³⁴Ora bi'ya cani cayapa ca bihuí que ni uca que la? biaaxha ca yeuxooñe ca'. Ne bizulú ca byui' ca ni ndaani guidxi que ne irá ca ranchu ni nuu neza que.

³⁵Para biree ca binni que ziguuya xi uca raqué. Ne ora yendá ca ra nuu Jesús biiya ca dxa hombre ni riguite binidxaba laa que, ma nacu lari, ma bigueta xpiaani', zuba xañee Jesús. Ne bidxibi ca'.

³⁶Byuí' né cani bi'ya ra uca ni laaca ximodo bianda hombre que.

³⁷Oraque gudxi ca binni que Jesús iree de ndaani guidxi que, purti cadxibi ca'. Para biuu Jesús ndaani canuá que ne ze'.

³⁸Peru ante iree be ucala'dxi dxa hombre ni bianda que niné laabe, para rabi be laa:

³⁹―Bigueta rali'dxu ne byui' né laacabe pabiá' nandxó' ni bi'ni Dios luguiá lu'. Para biree hombre que ze', ne bizulú uzá idubi naca guidxi que. Byui' xi bi'ni Jesús laa. Ra bisibani Jesús xiiñi Jairu ne bisianda ti gunaa

⁴⁰Ora yendá Jesús cherica nisa que, bichagalú ca binni que laa ne stale enda nayeche', purti irá ca cabeza ca laabe.

⁴¹Oraque bidxiña ti hombre lá Jairu naca xaíque sti yu'du'. Bizuxibi xañee be ne na chiné be laa ralidxi,

⁴²purti cayati tobi lucha xiiñi', ti badu dxaapa de doce añu. Para biree be ze be, peru stale binni zinanda laabe, dede calá saa ca'.

⁴³Lade ca binni que zeeda ti gunaa ma raca doce añu de caxii rini. Ma birá ni napa, biniti luguiá doctor, ne iruti ñanda nusianda laa.

⁴⁴Bidxiña neza deche be, guda'na ñee xhaba be ne oraqueca bianda.

⁴⁵Para na be: ―Tu guda'na naa. Ne irá binni na cadi laa. Para na Pedru ne ca xcaadxi que, rabi laabe: ―Maistru, cayuuyu modo cuquiichi binni lii ne nou' tu guda'na lii.

⁴⁶Peru na be: ―Uyuu tu guda'na naa, purti nanna bisianda tuuxa ne enda nandxó' sti Dios ni nuu luguia'ya'.

⁴⁷Biiya si gunaa que ma bigaa la? cayaca diti bizuxibi xañee be ne ulee ruaa diidxa xiñee guda'na laabe, ne casi guda'na laabe bianda ca.

⁴⁸Para rabi be laa: ―Bianda lu, xiiñe', purti bini cre lu'. Yanna sicarú uyé.

⁴⁹Caní' ru be biuu ti xpinni Jairu, na rabi laa: ―Ma guti xiiñi lu'. Ma cadi uchiiña rou' Maistru.

⁵⁰Peru ora bina diaga be ni, rabi be Jairu: ―Cadi idxibi lu'. Bini cre, ne zianda xiiñi lu'.

⁵¹Ne ora yendá cabe ralidxi Jairu biuu né be laa ne xheela' ne Juan ne Jacobo ne Pedru, ne ma qué niná ru be ñuu iruti'.

⁵²Rí stale binni raqué, cayuuna cucaa ridxi peru rabi be laaca': ―Cadi gu'na tu purti cadi guti badu dxapa huiini ca, sinuque nisiaasi si.

⁵³Laga bixidxi ca laabe, purti nanna dxichi ca' ma guti ba'du que.

⁵⁴Oraque unaaze be ná ba'du que ne rabi be laa: ―Biasa xiiñe'.

⁵⁵Oraqueca bibani ba'du que ne biasa. Para gudxi be laaca udii ca ni go ba'du que.

⁵⁶Nabé bidxagayaa bixhoze ba'du que ne jñaa. Peru biinda be lú ca qué chi tidxi ca iruti'.