Read Isthmus Zapotec Apocalipsis 15 Bible Online

Apocalipsis 15 - Isthmus Zapotec bible

Apocalipsis 15

¹Biiya sti seña naro'ba ibá' dede bidxagayaa. Biiya gadxe ángel naaze gadxe plaga, ma ra iluxe enda naná, purti ma ne nga tidi xiana sti Dios.

²Ne laca biiya xiixa ruluí espeju nucha gui, ti lapa si nexhe ni casi ra'ta nisadó'. Ne uriá ni zuhuaa cani qué nusisaca dxa mani ngola que ne bidó' sti', ne qué nicaa seña stime. Naaze cabe arpa ni bidii Dios laacabe.

³Cayuunda cabe cantu bi'nda Moisés ni bi'ni xhiiña Dios que, ne sti Dendxu huiini que. Na ni:Naro'ba ne de enda ridxagayaa irá ni runi lu',Señor Dios ni jma nandxó'.Jneza ne sicarú irá ni riguixhe lu',lii ni runi mandar irá guidxi.

⁴Tuu nga qué idxibi lii ne usisaca lii ya', Señor,purti iruti ru casi lii.Ne zeda uzuxibi irá binni xa ñee lu'purti ma bihuinni jneza ni runi lu'.

⁵Oraque biya dxie ne biiya zuxele yu'du ro' sti Dios ni nuu ibá', lugar ni jma nandxó'.

⁶Ne biree gadxe ángel naaze plaga que ndaani ni, nacu lari quichi', nayá guie' dede ruzaani', ne xi' cinturón de oro xpechu cabe.

⁷Bidii ti bultu nabani que cada tobi de laacabe ti copa de oro. Dxá ca copa que de xiana sti Dios ni qué ziuu dxi gati'.

⁸Ne bichá enda risaca ne enda nandxó' sti Dios yu'du que de gu'xhu'. Ne iruti ñanda ñuu dede ora ma birá idubi gadxe plaga ni né ca ángel que.