Read Isthmus Zapotec Apocalipsis 19 Bible Online

Apocalipsis 19 - Isthmus Zapotec bible

Apocalipsis 19

¹Udi'di si irá nga, bina dia'ga cacá ridxi ibá', casi ora cucaa stale binni ridxi, na ca':¡Aleluya! Usisaca nu Dios stinu purti nandxó' ne bilá laanu.

²Jneza ribidxi be cuenta binnipurti ma bisaba ná be dxa gunaa dxaba ni bicaa enda nadxaba sti binni guidxilayú.Biquixe be laa saca biiti ca xpinni be.

³Bigueta na ca': ―Usisaca nu Dios. Qué ziuu dxi gyuí' guidxi que.

⁴Oraque bizuxibi idubi veinticuatro binni gola ne ca bultu nabani que, bisisaca ca Dios ra zuba lu trono, na ca': ―¡Amén! ¡Usisaca nu Dios!

⁵Ne ucuá ti ridxi de lu trono que, na:Lausisaca Dios stinu, irá tu,cani runi xhiiña be, ne irá ni ridxibi laabe,cani risaca ne cani qué risaca. Ra ichaganá Dendxu huini'

⁶Laca bina dia'ga ti ridxi casi ora rucaa ridxi stale binni, ne casi ora rixidxi ra zidi'di stale nisa ne casi rixidxi rayu ro', na:Usisaca nu Señor Dios stinu ni jma nandxó',purti ma bizulú cayuni mandar.

⁷Guieche nu dede idxá ladxidó' no de enda nayeche', ne usisaca nu laabe,purti ma bidxiña dxi ichaganá Dendxu huiini que,ma zuchaahui ni chi chaganá'.

⁸Nacu lari cha'hui', nayá ne ruzaani'. Laa zanda gacu ni purti zeda gaca lari que casi enda nacha'hui ni bi'ni ca xpinni Dios.

⁹Oraque na ángel que rabi naa: ―Bicaa ni chi tidxe lii ri': Dichoso cani ma nexhe che enda xheela sti Dendxu huiini'. Ne laca rabi be naa: ―Dios uní' ca diidxa ca, ne dxandí cani.

¹⁰Bizuxi'be xa ñee ángel que, nusisaca laa, peru óraque na: ―Cadi gu'nu nga. Naa laca rune xhiiña Dios casi ru'nu', lii ne ca xcaadxi hermanu stiu' ni qué riree chu lu stiidxa Jesús. Bisisaca Dios. Stiidxa Jesús rui' cani rabi Dios laa xi iní'. Ni dxi'ba caballu quichi'

¹¹Oraque biiya zuxele ibá' ne biree ti caballu quichi'. Nuu tobi runi jneza pe' ne riní' irá ni dxandí', ne laa dxi'ba laame. Jneza rucaa lú be ne jneza ribidxi be cuenta.

¹²Ruzaani guielú be casi bele, ne nuu jma la'pa ique be. Né be ti lá iruti ru ganna sínuque laasi be.

¹³Nadxé' daata xhaba be de rini, ne lá be Stiidxa Dios.

¹⁴Nanda ejércitu ni nuu ibá' laabe, dxi'ba ca mani quichi ne nacu ca lari cha'hui', naquichi bé ne nayá guie'.

¹⁵Nasa ruaa be ti espada naduxhu iropa ladu ni quixhe dxí né be ca guidxi ni ucaa lú laabe, ne zuni mandar be laaca', ne zaca be naduxhu ne laaca'. Zuniná be laaca casi rutu ñee cabe uvas ra usaba be xiana sti Dios ni nandxó' luguiá ca'.

¹⁶Cá caadxi diidxa lu xhaba be ne lu co're be, na: “Xaíque sti irá rey ne irá ni runi mandar.”

¹⁷Oraque biiya ti ángel zuhuaa lu gubidxa bicaa ridxi irá mani huiini ripapa, na: ―Latá', laidxiña ra endaró xhi ro' chi udii Dios.

¹⁸Latá' go to xpeela ca rey ne ca comandante ne irá ni rinaaze guiiba', xpeela caballu ne ni dxi'ba laaca', xpeela irá binni, cani cá yaga ne cani cadi cá yaga, cani risaca ne cani qué risaca.

¹⁹Ne biiya dxa mani ngola que ne ca rey sti guidxilayú ne ejércitu stica'. Bidxiña ca para ucaa lú ca dxa ni dxi'ba caballu quichi que ne ejércitu sti'.

²⁰Bigaa dxa mani ngola que, laa ne ni byuí' stiidxa' ne ni bi'ni milagru nezalú que. Pur irá milagru que bicuudxi binni para ucuaa seña sti mani que ne bisisaca bidó' stime. Iropa ca ulá ca lu bele ra caya'qui azufre, idubi nabani ca'.

²¹Ne ca xcaadxi que la? guti né ca espada ni nasa ruaa dxa ni dxi'ba caballu que, ne gudó ca mani huiini que xpeela ca dede ra bidxá ca'.