Read Iu Mien 1 Zunh Doic Douh 2 Bible Online

1 Zunh Doic Douh 2 - Iu Mien bible

1 Zunh Doic Douh 2

¹Naaiv se I^saa^laa^en nyei dorn. Maaih Lu^mben, Si^me^on, Lewi, Yu^ndaa, Itc^saax^kaa, Se^mbu^lun,

²Ndaan, Yosepv, Mben^yaa^min, Napv^taa^li, Gaatc caux Aa^se.

³Naaiv se Yu^ndaa nyei dorn. Maaih E^aa, Onan, caux Qelaa. Naaiv se Kaa^naa^an Mienh, Mbatc^su^waa, yungz nyei dorn.[12] Ziux ZIOUV mangc, Yu^ndaa nyei dorn-hlo, E^aa, se orqv haic, ZIOUV ziouc bun ninh zuqc daic aqv.

⁴Yu^ndaa nyei mbuangz, Taamaa, yungz Beletv caux Zelaa bun Yu^ndaa. Yu^ndaa nyei dorn yietc zungv maaih biaa dauh.

⁵Beletv nyei dorn maaih Hetv^lon caux Haamun.

⁶Zelaa nyei dorn maaih Simx^li, Etaan, Hemaan, Kaanko caux Ndaan^ndaa.[13] Yietc zungv maaih biaa dauh.

⁷Kaanmi nyei dorn, Aakaan,[14] hoic I^saa^laa^en Mienh zuqc domh sic, weic zuqc ninh baamz hatc nyei waac ziouc nzepv cuotv deix fungx dangx bun Tin-Hungh nyei ga'naaiv.[15]

⁸Etaan maaih nduqc dauh dorn, mbuox heuc Aa^saa^li^yaa.

⁹Hetv^lon maaih buo dauh dorn, Ye^laa^me^en, Laam, caux Kaalepv.[16]

¹⁰Laam zoux Am^mi^naa^ndapc nyei die. Am^mi^naa^ndapc zoux Naason nyei die. Naason zoux Yu^ndaa Mienh nyei bieiv zeiv.

¹¹Naason zoux Sanx^mon nyei die. Sanx^mon zoux Mbo^aatc nyei die.

¹²Mbo^aatc zoux O^mbetc nyei die. O^mbetc zoux Jetc^si nyei die.

¹³Jetc^si nyei dorn-hlo se E^li^apc. Da'nyeic dauh dorn heuc Aa^mbi^naa^ndapc. Da'faam dauh heuc Si^me^aa.

¹⁴Da'feix dauh heuc Ne^tan^en. Da'hmz dauh heuc Latv^ndai.

¹⁵Da'luoqc dauh heuc Osem. Da'cietv dauh heuc Ndaawitv.

¹⁶Ninh mbuo nyei dorc heuc Se^lu^yaa caux Aa^mbi^gaa^yin. Se^lu^yaa maaih buo dauh dorn, mbuox heuc Aa^mbi^qai, Yo^aapc, caux Aa^saax^hen.

¹⁷Aa^mbi^gaa^yin zoux Aa^maa^saax nyei maa. Ninh nyei die se I^saa^maa^en Mienh, Ye^te.

¹⁸Hetv^lon nyei dorn, Kaalepv, nyei auv, Aa^su^mbaa, yungz duqv dauh sieqv heuc Ye^li^otc. Ye^li^otc yungz buo dauh dorn, Yese, So^mbapc caux Aan^ndon.

¹⁹Aa^su^mbaa guei seix, Kaalepv aengx longc E^faa^laa^taa duqv dauh dorn, mbuox heuc Hu^aa.

²⁰Hu^aa zoux Uli nyei die. Uli zoux Mbe^saa^len nyei die.

²¹Nqa'haav Hetv^lon duqv luoqc ziepc hnyangx nyei ziangh hoc ninh longc Gi^le^aatc nyei die, Maaki, nyei sieqv, ziouc duqv dauh dorn, mbuox heuc Segupc.

²²Segupc zoux Jaa^i nyei die. Jaa^i gunv[17] nyic ziepc faam norm zingh yiem Gi^le^aatc Deic.

²³Mv baac Gesu caux Aalam caangv duqv Haau^wotv Jaa^i, yaac caangv Kenaatv caux gormx Kenaatv nyei luoqc ziepc norm laangz. Naaiv deix yietc zungv zoux Gi^le^aatc nyei die, Maaki nyei zeiv-fun.

²⁴Hetv^lon yiem Kaalepv E^faa^laa^taa guei seix liuz, nqa'haav Hetv^lon nyei auv, Aa^mbi^yaa, yungz duqv dauh dorn, mbuox heuc Atc^hu. Atc^hu zoux Te^ko^aa nyei die.

²⁵Hetv^lon nyei dorn-hlo, Ye^laa^me^en, maaih biaa dauh dorn. Dorn-hlo nyei mbuox heuc Laam. Aengx maaih Mbunaa, Olen, Osem, caux Aa^hi^yaa.

²⁶Ye^laa^me^en aengx maaih dauh auv, mbuox heuc Aa^taa^laa. Aa^taa^laa zoux Onam nyei maa.

²⁷Ye^laa^me^en nyei dorn-hlo, Laam nyei dorn maaih Maa^atc, Yaamin caux Eke.

²⁸Onam nyei dorn maaih Sammai caux Yaa^ndaa. Sammai nyei dorn maaih Naa^ndapc caux Aa^mbi^qu.

²⁹Aa^mbi^qu nyei auv nyei mbuox heuc Aa^mbi^haa^in. Aa^mbi^haa^in yungz duqv i dauh dorn, Akc^mbaan caux Molitv bun ninh.

³⁰Naa^ndapc nyei dorn maaih Se^le^letv caux Apc^baa^im. Se^le^letv daic mi'aqv, yaac maiv maaih fu'jueiv.

³¹Apc^baa^im nyei dorn maaih Itc^i. Itc^i nyei dorn maaih Sesan. Sesan nyei dorn maaih Akc^lai.

³²Sammai nyei youz, Yaa^ndaa, maaih Ye^te caux Yo^naa^taan. Ye^te daic mi'aqv, yaac maiv maaih fu'jueiv.

³³Yo^naa^taan nyei dorn maaih Peletv caux Saax^saa. Naaiv se Ye^laa^me^en nyei zeiv-fun.

³⁴Sesan maiv maaih dorn, kungx maaih sieqv hnangv. Sesan maaih dauh bou, se I^yipv Mienh, mbuox heuc Yaa^laa^haa.

³⁵Sesan zorqv ninh nyei sieqv zoux Yaa^laa^haa nyei auv. Wuov dauh sieqv yungz dauh dorn, mbuox heuc Atc^tai, bun ninh.

³⁶Atc^tai zoux Naatan nyei die. Naatan zoux Saax^mbaatc nyei die.

³⁷Saax^mbaatc zoux Efaan nyei die, Efaan zoux O^mbetc nyei die,

³⁸O^mbetc zoux Ye^hu nyei die, Ye^hu zoux Aa^saa^li^yaa nyei die,

³⁹Aa^saa^li^yaa zoux He^letv^te nyei die, He^letv^te zoux E^le^aa^saax nyei die,

⁴⁰E^le^aa^saax zoux Si^saa^mai nyei die, Si^saa^mai zoux Sanlum nyei die,

⁴¹Sanlum zoux Ye^kaa^mi^yaa nyei die, Ye^kaa^mi^yaa zoux E^li^saa^maa nyei die.

⁴²Kaalepv zoux Ye^laa^me^en nyei youz. Kaalepv nyei dorn-hlo, Mesaa, zoux Sipc^aa nyei die. Maa^le^saa zoux He^mbo^lon nyei die.

⁴³He^mbo^lon nyei dorn maaih Kolaa, Tapv^bu^waa, Lekem, Semaa.

⁴⁴Semaa zoux Laa^ham nyei die. Laa^ham zoux Yo^laa^ke^am nyei die. Lekem zoux Sammai nyei die.

⁴⁵Sammai nyei dorn se Maa^on. Maa^on nyei die heuc Mbetc Sux^aa.

⁴⁶Kaalepv nyei jaav-zeih auv, E^faa, zoux Haalaan, Mosaa, caux Kaasetv nyei maa. Haalaan zoux Kaasetv nyei die.

⁴⁷Yaa^ndai nyei dorn maaih Lekem, Yotaam, Gesaan, Beletc, E^faa caux Saa^apc.

⁴⁸Kaalepv nyei jaav-zeih auv, Maa^aa^kaa, zoux Se^mbe caux Ti^laa^haa^naa nyei maa.

⁴⁹Maa^aa^kaa yaac yungz Matv^man^naa nyei die, Saa^apc, yaac yungz Makv^mbe^naa caux Gi^mbe^aa nyei die, Qewaa. Kaalepv nyei sieqv se Akc^saax.

⁵⁰Naaiv se Kaalepv nyei zeiv-fun. E^faa^laa^taa nyei dorn-hlo se Hu^aa nyei dorn, So^mbaan. So^mbaan zoux Ki^li^yaatv Ye^aa^lim nyei die.

⁵¹Aengx maaih Sanx^maa zoux Mbetc^le^hem, Haaletv caux Mbetc Gaa^nde nyei die.

⁵²Ki^li^yaatv Ye^aa^lim nyei die, So^mbaan, nyei zeiv-fun maaih Haa^lo^e caux ndaamv-fingx Maa^naa^haatv Mienh,

⁵³yaac maaih Ki^li^yaatv Ye^aa^lim nyei bungh buonc, Itc^lai Mienh, Butai Mienh, Sumatv Mienh, Mitv^laa Mienh, Solaa Mienh caux Etc^taa^on Mienh.

⁵⁴Sanx^maa nyei zeiv-fun maaih Mbetc^le^hem caux Ne^to^faa Mienh, Atc^lotv Mbetc Yo^aapc, ndaamv-fingx Maa^naa^haatv Mienh, Solaa Mienh.

⁵⁵Yaac maaih yiem Yaa^mbetc nyei sou-biuv nyei bungh buonc, Ti^laa^tai Mienh, Si^me^atc Mienh caux Sukaa Mienh. Naaiv se Lekaapv nyei die, Hammatv bun njiec nyei zeiv-fun, Kenatv Mienh.