Read Iu Mien 1 Zunh Doic Douh 27 Bible Online

1 Zunh Doic Douh 27 - Iu Mien bible

1 Zunh Doic Douh 27

¹Naaiv se I^saa^laa^en Mienh nyei mbuox ziux ninh mbuo nyei bungh buonc bieiv zeiv caux gunv yietc cin, gunv yietc baeqv dauh baeng nyei bieiv zeiv. Aengx maaih fu-sux hungh diex nyei jien, dongh liuc leiz mbenc hlaax jiex hlaax ziangh hnyangx tiuv bieqc cuotv nyei baeng-guanh nyei nyungc-nyungc sic. Guanh guanh baeng maaih i waanc biei cin dauh.

²Da'yietv hlaax, da'yietv guanh maaih Sapc^ndi^en nyei dorn, Yaa^so^mbe^am, zoux bieiv zeiv. Ninh nyei guanh maaih i waanc biei cin dauh.

³Ninh zoux Beletv nyei zeiv-fun, weic da'yietv hlaax zoux zuangx baeng-bieiv nyei domh bieiv zeiv.

⁴Aa^hox^hai Mienh, Ndo^ndai, gunv da'nyeic hlaax nyei baeng-guanh. Mikv^lotv zoux ninh nyei guanh nyei bieiv zeiv. Ninh nyei guanh maaih i waanc biei cin dauh.

⁵Da'faam hlaax, da'faam guanh nyei bieiv zeiv se Ye^ho^yaa^ndaa sai mienh nyei dorn, Mbe^nai^yaa. Ninh nyei guanh maaih i waanc biei cin dauh.

⁶Mbe^nai^yaa se yietc dauh wuov deix “Faah Ziepc Dauh’ henv haic nyei jun-zeiv mienh, zungv gunv wuov deix “Faah Ziepc Dauh.” Ninh nyei dorn, Am^mi^saa^mbaatc, zoux ninh nyei guanh nyei bieiv zeiv.

⁷Da'feix hlaax, da'feix guanh nyei bieiv zeiv se Yo^aapc nyei youz, Aa^saax^hen. Ninh nyei dorn, Se^mbaa^ndi^yaa, nzipc jienv ninh zoux. Ninh nyei guanh maaih i waanc biei cin dauh.

⁸Da'hmz hlaax, da'hmz guanh nyei bieiv zeiv maaih I^saa^laa Mienh, Sam^hutc. Ninh nyei guanh maaih i waanc biei cin dauh.

⁹Da'luoqc hlaax, da'luoqc guanh nyei bieiv zeiv maaih Te^ko^aa Mienh, Ikc^ketc nyei dorn, I^laa. Ninh nyei guanh maaih i waanc biei cin dauh.

¹⁰Da'cietv hlaax, da'cietv guanh nyei bieiv zeiv maaih E^faa^im Fingx, Belon Mienh, He^letv^te. Ninh nyei guanh maaih i waanc biei cin dauh.

¹¹Da'betv hlaax, da'betv guanh nyei bieiv zeiv se Zelaa nyei bungh buonc, Husaa Mienh, Sipc^mbe^kai. Ninh nyei guanh maaih i waanc biei cin dauh.

¹²Da'juov hlaax, da'juov guanh nyei bieiv zeiv maaih Mben^yaa^min Fingx, Aa^naa^totv Mienh, Aa^mbi^ye^se. Ninh nyei guanh maaih i waanc biei cin dauh.

¹³Da'ziepc hlaax, da'ziepc guanh nyei bieiv zeiv maaih Zelaa nyei bungh buonc, Ne^to^faa Mienh, Maa^haa^lai. Ninh nyei guanh maaih i waanc biei cin dauh.

¹⁴Ziepc yietv hlaax, ziepc yietv wuov guanh nyei bieiv zeiv maaih E^faa^im Fingx, Bi^laa^ton Mienh, Mbe^nai^yaa. Ninh nyei guanh maaih i waanc biei cin dauh.

¹⁵Ziepc nyeic hlaax, ziepc nyeic wuov guanh nyei bieiv zeiv maaih Ne^to^faa Mienh, Otc^ni^en nyei bungh buonc, Hen^ndai. Ninh nyei guanh maaih i waanc biei cin dauh.

¹⁶Liuc leiz fingx-fingx I^saa^laa^en Mienh nyei bieiv zeiv maaih hnangv naaiv. [Fingx] — [Liuc Leiz Fingx Nyei Bieiv Zeiv] Lu^mben Fingx — Sikc^li nyei dorn, E^li^ye^se Si^me^on Fingx — Maa^aa^kaa nyei dorn, Se^faa^ti^yaa

¹⁷Lewi Fingx — Ke^mu^en nyei dorn, Haa^saa^bi^yaa Aalon nyei zeiv-fun — Saax^ndokc

¹⁸Yu^ndaa Fingx — Se Ndaawitv nyei yietc dauh gorx, E^li^hu Itc^saax^kaa Fingx — Mi^kaa^en nyei dorn, Omli

¹⁹Se^mbu^lun Fingx — O^mbaa^ndi nyei dorn, Itc^mai^aa Napv^taa^li Fingx — Atc^li^en nyei dorn, Ye^li^motv

²⁰E^faa^im Fingx — Aa^saa^si^yaa nyei dorn, Ho^se^yaa Maa^natv^se ndaamv-fingx — Be^ndaa^yaa nyei dorn, Yo^en

²¹yiem Gi^le^aatc nyei Maa^natv^se nyei ndaamv-fingx — Itc^ndo nyei dorn, Se^kaa^li^yaa Mben^yaa^min Fingx — Apc^ne nyei dorn, Yaa^aa^si^en

²²Ndaan Fingx — Ye^lo^ham nyei dorn, Aa^saa^len Naaiv se fingx-fingx I^saa^laa^en Mienh nyei bieiv zeiv.

²³Ndaawitv maiv saauv nyic ziepc hnyangx ga'ndiev maengx nyei m'jangc dorn nyei soux mouc weic zuqc ZIOUV laengz bun I^saa^laa^en Mienh ndongc lungh nyei hleix camv.

²⁴Se^lu^yaa nyei dorn, Yo^aapc, jiez gorn saauv mv baac saauv maiv ziangx. Laaix ninh saauv baeqc fingx, I^saa^laa^en Mienh zuqc Tin-Hungh nouz. Saauv nyei soux mouc maiv duqv fiev jienv Ndaawitv nyei hungh douh daan.

²⁵Aa^ndi^en nyei dorn, Atc^maa^wetv, goux hungh diex siou jaaix nyei ga'naaiv nyei dorngx. Utc^si^yaa nyei dorn, Yo^naa^taan, goux siou jaaix nyei ga'naaiv nyei dorngx yiem domh zingh ga'nyiec maengx nyei fiuv-mungv fiuv-laangz caux laauh.

²⁶Kelupv nyei dorn, E^saa^li, goux yietc zungv yiem lingh deic zoux gong nyei mienh.

²⁷Laamaa Mienh, Si^me^i, goux yietc zungv a'ngunc huingx. Sefaam Mienh, Sapc^ndi, goux siou yiem a'ngunc huingx cuotv daaih nyei a'ngunc diuv nyei dorngx.

²⁸Ge^nde Mienh, Mbaa^an Haanan, goux yiem fai bung nyei mbong-juoqv nyei ga'lanv caux ngongh nyorx biouv nyei ndiangx. Yo^aatc ziux goux siou ga'lanv youh nyei dorngx.

²⁹Saalon Mienh, Sitv^lai, goux yiem Saalon nyei miev-ciangv nyei ngongh guanh. Atc^lai nyei dorn, Saafatv, goux yiem horngz yungz nyei ngongh guanh.

³⁰I^saa^maa^en Mienh, O^mbin, goux lorh torh guanh. Me^lo^notv Mienh, Ye^ndaa^yaa, goux lorh guanh.[90]

³¹Haagaa Mienh, Yaasitv, goux ba'gi yungh guanh caux yungh guanh. Naaiv deix yietc zungv zoux liuc leiz Ndaawitv Hungh nyei jaa-dingh nyei mienh.

³²Ndaawitv nyei youz-diex, Yo^naa^taan, maaih cong-mengh zoux caangh laangh nyei mienh yaac zoux sou-biuv. Hakv^mo^ni nyei dorn, Ye^hi^en, goux hungh dorn.

³³Aa^hi^to^fen yaac zoux hungh diex nyei caangh laangh mienh. Aanki Mienh, Husai, zoux hungh nyei doic.

³⁴Aa^hi^to^fen daic mingh, nqa'haav maaih Mbe^nai^yaa nyei dorn, Ye^ho^yaa^ndaa caux Aa^mbi^yaa^taa, nzipc jienv zoux caangh laangh mienh. Yo^aapc zoux hungh diex nyei jun-baeng nyei domh baeng-bieiv.