Read Iu Mien 1 Zunh Doic Douh 4 Bible Online

1 Zunh Doic Douh 4 - Iu Mien bible

1 Zunh Doic Douh 4

¹Yu^ndaa nyei dorn maaih Beletv, Hetv^lon, Kaanmi, Hu^aa caux So^mbaan.

²So^mbaan nyei dorn, Le^aa^yaa, zoux Yaa^haatc nyei die, Yaa^haatc zoux Aa^hu^mai caux Laa^haatv nyei die. Naaiv se Solaa Mienh nyei bungh buonc.

³Edaam nyei dorn[21] maaih Yitv^le^en, Itc^maa caux Itc^mbaatc. Ninh mbuo nyei muoc heuc Hatv^se^len^po^ni.

⁴Be^nu^en zoux Ge^ndo nyei die, E^se zoux Husaa nyei die. Naaiv se Mbetc^le^hem nyei die,[22] E^faa^taa nyei dorn-hlo, Huwaa, nyei dorn.

⁵Te^ko^aa nyei die, Atc^hu, maaih i dauh auv, mbuox heuc Helaa caux Naa^aa^laa.

⁶Naa^aa^laa yungz Aa^hutc^saam, Hefe, Te^me^ni caux Haa^aa^hatc^taa^li bun ninh. Naaiv se Naa^aa^laa nyei zeiv-fun.

⁷Helaa nyei dorn maaih Ce^e^letv, Itc^haa, Etc^naan

⁸caux Kotc. Kotc zoux Aanupv caux So^mbe^mbaa nyei die yaac zoux Haalum nyei dorn, Aa^haanx^hen, nyei bungh buonc nyei ong-taaix.

⁹Yaa^mbetc yiem zuangx muoz-doic duqv mienh gauh taaih jiex. Ninh nyei maa tengx ninh cuotv mbuox heuc Yaa^mbetc,[23] weic zuqc ninh gorngv, “Yungz nyei ziangh hoc yie mun kouv haic.”

¹⁰Yaa^mbetc heuc jienv tov I^saa^laa^en nyei Tin-Hungh, “Tov ceix fuqv bun yie, bun yie nyei gapv-jaaix jangv jienv cuotv. Tov bun meih nyei buoz caux yie yiem, beu jienv yie biaux ndutv yietc zungv naanc zingh ziouc maiv zuqc diev mun.” Tin-Hungh yaac ei jienv ninh tov nyei waac zoux.

¹¹Su^haa nyei gorx, Kaalepv, zoux Me^hi nyei die. Me^hi zoux Etc^ton nyei die.

¹²Etc^ton zoux Mbetc Laafaa, Baa^se^aa caux Te^hinx^naa nyei die. Te^hinx^naa zoux Naa^haatc nyei die. Naaiv deix mienh se Lekaa Mungv nyei mienh.

¹³Kenatv nyei dorn maaih Otc^ni^en caux Se^lai^aa. Otc^ni^en nyei dorn maaih Haataatv caux Me^o^no^tai.[24]

¹⁴Me^o^no^tai zoux O^faa^laa nyei die. Se^lai^aa zoux Yo^aapc nyei die, Yo^aapc zoux Ge Haa^laa^sim[25] nyei die. Hnangv naaiv heuc weic zuqc maaih buoz-dauh nyei zaangc mienh yiem wuov norm dorngx.

¹⁵Ye^fun^ne nyei dorn, Kaalepv, nyei dorn maaih I^lu, Elaa caux Naa^am. Elaa nyei dorn maaih Kenatv.

¹⁶Ye^haan^le^len nyei dorn maaih Sipc^aa, Sifaa, Ti^li^yaa caux Aa^saax^len.

¹⁷Etc^laa nyei dorn maaih Ye^te, Meletv, Efe, caux Yaalon. Meletv maaih dauh auv yungz Miliem, Sammai caux Etc^te^mo^aa nyei die, Itc^mbaa.

¹⁸Naaiv se Meletv longc Faalo Hungh nyei sieqv, Mbi^ti^yaa, duqv daaih nyei fu'jueiv. Meletv nyei Yu^ndaa Mienh auv yungz Ge^ndo nyei die, Yeletv, caux Soko nyei die, He^mbe, caux Saax^no^aa nyei die, Ye^ku^ti^en.

¹⁹Ho^ndi^yaa nyei auv, Naa^ham nyei muoc nyei dorn maaih Gelem Mienh nyei ong-taaix, Ke^i^laa, caux Maa^aa^katv Mienh nyei ong-taaix, Etc^te^mo^aa.

²⁰Siqv^mon nyei dorn maaih Amnon, Linnaa, Mben Haanan caux Tilon. Itc^i nyei dorn maaih So^hetc caux Mben So^hetv.

²¹Yu^ndaa nyei dorn se Qelaa. Qelaa nyei dorn maaih Lekaa nyei die, E^aa caux Maa^le^saa nyei die, Laa^aa^ndaa caux yietc zungv yiem Mbetc Atc^mbe^aa zoux la'maah ndie nyei mienh nyei bungh buonc.

²²Ko^se^mbaa nyei mienh, Yokim, caux Yo^aatc caux Saax^laapv, dongh yiem Mo^apc Mienh caux Mbetc^le^hem[26] gunv wuov dauh. (Naaiv se yiem loz-hnoi fiev nyei sou-daan zorqv cuotv daaih.)

²³Naaiv deix mienh yiem Ne^taa^im caux Ge^nde^laa zoux nanv nie zaangc. Ninh mbuo yiem wuov yaac tengx hungh diex zoux gong.

²⁴Si^me^on nyei dorn maaih Ne^mu^en, Yaamin, Yaalipv, Zelaa caux Saa^un.

²⁵Saa^un nyei dorn se Sanlum, Sanlum nyei dorn, Mipv^samx, Mipv^samx nyei dorn, Mitv^maa.

²⁶Mitv^maa nyei dorn se Ham^mu^en, Ham^mu^en nyei dorn, Sakc^ge, Sakc^ge nyei dorn, Si^me^i.

²⁷Si^me^i maaih ziepc luoqc dauh dorn, juqv dauh sieqv, mv baac ninh nyei gorx, ninh nyei youz maiv maaih fu'jueiv camv. Si^me^on Fingx ziouc maiv ndongc Yu^ndaa Fingx hiaangx.

²⁸Si^me^on Mienh yiem Mbe^e^qe^mbaa, Mo^laa^ndaa, Haasaan Su^aan,

²⁹Mbin^haa, Esem, Tolatv,

³⁰Mbe^tu^en, Homaa, Sikc^laakv

³¹Mbetc Maan^kaa^mbotc, Haasaan Sux^simx, Mbetc Mbili caux Saa^aa^laa^im. Naaiv benx ninh mbuo nyei zingh taux Ndaawitv zoux hungh nyei ziangh hoc.

³²Weih gormx nyei laangz maaih Edaam, Aayin, Limmon, Token caux Aaqan. Se biaa norm zingh.

³³Yaac maaih weih naaiv deix norm-norm zingh nyei fiuv-laangz mingh taux Mbaa^aa^latv. Naaiv se ninh mbuo liepc nguaaz-gorn nyei dorngx. Ninh mbuo yaac fiev douh zong daan.

³⁴Maaih Me^so^mbapc, Yamlekv, Aa^maa^si^yaa nyei dorn, Yosaa,

³⁵Yo^en caux Ye^hu. Ye^hu se Yo^si^mbi^yaa nyei dorn, Yo^si^mbi^yaa se Aa^si^en nyei dorn, Aa^si^en se Se^lai^aa nyei dorn.

³⁶Yaac maaih E^li^o^nai, Yaa^aa^ko^mbaa, Ye^so^haa^yaa, Aa^saax^yaa, Aa^ndi^en, Ye^si^mi^en, Mbe^nai^yaa,

³⁷caux Zizaa. Zizaa se Sifi nyei dorn, Sifi se Anlon nyei dorn, Anlon se Ye^ndaa^yaa nyei dorn, Ye^ndaa^yaa se Simli nyei dorn, Simli se Se^mai^aa nyei dorn.

³⁸Fiev gu'nguaaic naaiv deix yietc zungv mbuox se ziux bungh buonc nyei bieiv zeiv. Ninh mbuo nyei douh zong hiaangx jienv faaux camv.

³⁹Ninh mbuo cuotv mingh taux Ge^ndo ga'hlen, wuov norm horngz nyei dong bung maengx, lorz miev-ciangv yungz ninh mbuo nyei ngongh guanh yungh guanh.

⁴⁰Ninh mbuo lorz duqv miev-ciangv yaauc nyei, jangv nyei, baengh orn sekv nzieqc nyei. Zinh ndaangc maaih deix Haam Mienh yiem wuov deix dorngx.

⁴¹Fiev jienv naaiv deix mienh nyei mbuox doix zuqc He^se^ki^yaa zoux Yu^ndaa nyei hungh nyei ziangh hoc. Ninh mbuo mborqv yiem ndopv-liuh nyei Haam Mienh caux yiem wuov nyei Me^u^nim Mienh, zorqv ninh mbuo mietc nzengc[27] taux ih jaax hnoi. Ninh mbuo ziouc yiem njiec naaiv norm dorngx weic zuqc maaih miev-ciangv longx haic bungx ninh mbuo nyei yungh guanh.

⁴²Naaiv deix Si^me^on Mienh maaih hmz baeqv dauh faaux Se^i mbong-aiv dorngx. Dorh nyei mienh se Itc^i nyei dorn, Be^laa^ti^yaa, Ne^aa^li^yaa, Le^fai^yaa caux Utc^si^en.

⁴³Ninh mbuo daix nzengc biaux cuotv zengc njiec nyei Aa^maa^lekv Mienh yaac yiem wuov taux ih jaax hnoi.