Read Iu Mien 1 Zunh Doic Douh 9 Bible Online

1 Zunh Doic Douh 9 - Iu Mien bible

1 Zunh Doic Douh 9

¹Zuangx I^saa^laa^en Mienh ziux ninh mbuo nyei douh zong faaux mbuox yiem I^saa^laa^en nyei hungh douh daan. Yu^ndaa Mienh zuqc guaatv mingh Mbaa^mbi^lon Guoqv weic zuqc ninh mbuo maiv ziepc zuoqv.

²Yiem Mbaa^mbi^lon nzuonx daaih yiem ganh nzipc nyei buonc ndau caux buonv-deic zingh nyei daauh guanh maaih I^saa^laa^en Mienh, sai mienh, Lewi Mienh, caux yiem zaangc Tin-Hungh nyei biauv zoux gong nyei mienh.

³Maaih deix Yu^ndaa Mienh, Mben^yaa^min Mienh, E^faa^im Mienh caux Maa^natv^se Mienh duqv yiem Ye^lu^saa^lem Zingh. Maaih

⁴Am^mi^hutv nyei dorn, Utai. Am^mi^hutv se Omli nyei dorn, Omli se Imli nyei dorn, Imli se Mbaani nyei dorn, Mbaani se Beletv nyei zeiv-fun, Beletv se Yu^ndaa nyei dorn.

⁵Silo Mienh maaih Silo nyei dorn-hlo, Aa^saax^yaa, caux Aa^saax^yaa nyei dorn mbuo.

⁶Zelaa Mienh maaih Ye^u^en. Yu^ndaa Fingx nyei mienh maaih luoqc baeqv juov ziepc dauh.

⁷Yiem Ye^lu^saa^lem nyei Mben^yaa^min Mienh maaih Me^sun^laam nyei dorn, Sanx^lu. Me^sun^laam se Ho^ndaa^wi^yaa nyei dorn, Ho^ndaa^wi^yaa se Hatc^se^nu^aa nyei dorn,

⁸Hatc^se^nu^aa se Ipc^ne^yaa nyei dorn, Ipc^ne^yaa se Ye^lo^ham nyei dorn, Ye^lo^ham se Elaa nyei dorn, Elaa se Utc^si nyei dorn, Utc^si se Mikv^li nyei dorn, Mikv^li se Me^sun^laam nyei dorn, Me^sun^laam se Se^faa^ti^yaa nyei dorn, Se^faa^ti^yaa se Le^u^en nyei dorn, Le^u^en se Ipc^ni^yaa nyei dorn.

⁹Mben^yaa^min Mienh ziux faaux mbuox yiem ninh mbuo nyei douh zong daan, yiem Ye^lu^saa^lem maaih juov baeqv hmz ziepc luoqc dauh. Naaiv deix yietc zungv zoux ninh mbuo nyei bungh buonc bieiv zeiv.

¹⁰Yiem Ye^lu^saa^lem nyei sai mienh maaih Ye^ndaa^yaa, Ye^ho^yaa^lipv caux Yaakin.

¹¹Maaih Hin^ki^yaa nyei dorn, Aa^saa^li^yaa, dongh gunv zaangc Tin-Hungh nyei biauv wuov dauh. Hin^ki^yaa se Me^sun^laam nyei dorn, Me^sun^laam se Saax^ndokc nyei dorn, Saax^ndokc se Me^laa^yotv nyei dorn, Me^laa^yotv se Aa^hi^tupv nyei dorn,

¹²Aa^hi^tupv se Aa^ndaa^yaa nyei dorn, Aa^ndaa^yaa se Ye^lo^ham nyei dorn, Ye^lo^ham se Baatc^he nyei dorn, Baatc^he se Man^ki^yaa nyei dorn, Man^ki^yaa se Maa^aa^saix nyei dorn, Maa^aa^saix se Aa^ndi^en nyei dorn, Aa^ndi^en se Yaa^se^laa nyei dorn, Yaa^se^laa se Me^sun^laam nyei dorn, Me^sun^laam se Me^sin^le^mitv nyei dorn, Me^sin^le^mitv se Imme nyei dorn.

¹³Zoux ninh mbuo nyei bungh buonc bieiv zeiv nyei sai mienh yietc zungv maaih yietc cin cietv baeqv luoqc ziepc dauh. Ninh mbuo maaih banh zeic yiem zaangc Tin-Hungh nyei biauv zoux gong fu-sux.

¹⁴Yiem Ye^lu^saa^lem nyei Lewi Mienh maaih Hatc^supv nyei dorn, Se^mai^aa. Hatc^supv se Atc^li^kam nyei dorn, Atc^li^kam se Haa^saa^bi^yaa nyei dorn, dongh Me^laa^li nyei zeiv-fun.

¹⁵Maaih Mbakc^mbakc^kaa, He^letv^se, Gaalaan caux Mikaa nyei dorn, Matv^taa^ni^yaa. Mikaa se Sikc^li nyei dorn, Sikc^li se Aasaapc nyei dorn.

¹⁶Maaih Se^mai^aa nyei dorn, O^mbaa^ndi. Se^mai^aa se Gaalaan nyei dorn, Gaalaan se Ye^ndu^tun nyei dorn, Ye^ndu^tun se Mbe^le^ki^yaa nyei dorn, Mbe^le^ki^yaa se Aasaax nyei dorn, Aasaax se En^kaa^naa nyei dorn. Ninh mbuo yiem jienv Ne^to^faa Mienh nyei laangz.

¹⁷Zuov gaengh nyei mienh maaih Sanlum, Akc^kupc, Tanmon, Aa^hi^maan caux ninh mbuo nyei gorx-youz. Sanlum zoux ninh mbuo nyei bieiv zeiv,

¹⁸zanc-zanc yiem Hungh Diex nyei Gaengh[41] dong bung maengx nyei dorngx taux ih zanc. Naaiv deix mienh zinh ndaangc zoux Lewi Mienh nyei ciangv nyei zuov gaengh mienh.

¹⁹Maaih Ko^le nyei dorn, Sanlum. Ko^le se E^mbi^yaa^saapc nyei dorn. Yaac maaih Sanlum nyei bungh buonc gorx-youz nyei Kolaa Mienh. Ninh mbuo gunv zaangc Tin-Hungh nyei biauv nyei gong yaac zuov zaangc Tin-Hungh nyei ndopv-liuh[42] nyei gaengh ndaangc hnangv zinh ndaangc ninh mbuo nyei ong-taaix goux ZIOUV nyei ciangv bieqc maengx nyei gaengh.

²⁰Zinh ndaangc E^le^aa^saa nyei dorn, Fi^ne^hatc, gunv zuov gaengh mienh. ZIOUV yaac caux ninh yiem.

²¹Se Me^se^le^mi^yaa nyei dorn, Se^kaa^li^yaa, zuov bieqc Wuic Buangh Ndopv-Liuh nyei gaengh.

²²Ginv daaih yiem gaengh ndaangc zuov gaengh nyei yietc zungv mienh maaih nyic baeqv ziepc nyeic dauh. Ninh mbuo yiem ninh mbuo ganh nyei laangz ziux ninh mbuo nyei douh zong faaux mbuox. Zinh ndaangc Ndaawitv Hungh caux gorngv zinh hoz waac wuov dauh Saa^mu^en paaiv ninh mbuo zoux zuov gaengh mienh.

²³Ninh mbuo caux ninh mbuo nyei zeiv-fun oix zuqc liuc leiz zuov zaangc ZIOUV nyei biauv nyei gaengh, se heuc Ndopv-Liuh wuov norm dorngx.

²⁴Zuov gaengh mienh yiem biei bung, se dong naamh fai baqv nyei gaengh.

²⁵Ninh mbuo nyei gorx-youz yiem ninh mbuo ganh nyei laangz, mouz siec hnoi oix zuqc tiuv jienv daaih zuov gaengh.

²⁶Mv baac maaih biei dauh zuov gaengh mienh, se Lewi Mienh, ninh mbuo nyei gong se oix zuqc liuc leiz goux zaangc Tin-Hungh nyei biauv nyei qongx-qongx caux siou jaaix nyei ga'naaiv nyei dorngx.

²⁷Lungh muonz zanc ninh mbuo oix zuqc yiem weih gormx zaangc Tin-Hungh nyei biauv, weic zuqc ninh mbuo nyei gong se oix zuqc zuov naaiv norm biauv. Ndorm-ndorm ninh mbuo yaac oix zuqc koi gaengh.

²⁸Maaih deix Lewi Mienh oix zuqc goux yiem zaangc Tin-Hungh nyei biauv fu-sux nyei ziangh hoc longc nyei jaa-sic. Zorqv cuotv nyei ziangh hoc oix zuqc saauv. Fungx bieqc nyei ziangh hoc yaac oix zuqc saauv.

²⁹Aengx maaih deix ninh mbuo paaiv goux zaangc ZIOUV nyei biauv nyei jaa-dorngx caux yietc zungv cing-nzengc jaa-sic, liemh mbuonv, a'ngunc diuv, ga'lanv youh, hung caux laapc liuc.

³⁰Aengx maaih deix sai mienh nyei zeiv-fun liuc leiz peux ga'naaiv-ndaang nyei jauv.

³¹Maaih dauh Lewi Mienh, Matv^ti^ti^yaa, dongh Kolaa Mienh, Sanlum, nyei dorn-hlo. Ninh nyei gong se oix zuqc zoux fongc horc ziec nyei njuov.[43]

³²Maaih deix ninh mbuo Ko^haatv Mienh nyei bungh buonc oix zuqc liuc leiz gengx Tin-Hungh nyei njuov.[44] Norm-norm Dingh Gong Hnoi ninh mbuo oix zuqc liuc leiz daaih mbenc jienv.

³³Naaiv se baaux nzung nyei mienh, se Lewi Mienh nyei bungh buonc bieiv zeiv. Ninh mbuo yiem zaangc Tin-Hungh nyei biauv nyei qongx-qongx gen yaac maiv zuqc zoux ganh nyungc gong weic zuqc maiv gunv lungh hnoi lungh muonz ninh mbuo oix zuqc ziux ziangh hoc zoux naaiv nyungc gong.

³⁴Naaiv se yiem Ye^lu^saa^lem nyei Lewi Mienh nyei bungh buonc bieiv zeiv ziux ninh mbuo nyei douh zong.

³⁵Gi^mbe^on nyei die, Ye^i^en, yiem Gi^mbe^on. Ye^i^en nyei auv nyei mbuox heuc Maa^aa^kaa.

³⁶Ninh nyei dorn-hlo heuc Apc^ndon. Aengx maaih Sux^aa, Kitv, Mbaa^an, Ne, Naa^ndapc,

³⁷Ge^ndo, Aa^hi^yo, Se^kaa^li^yaa caux Mikv^lotv.

³⁸Mikv^lotv zoux Si^me^aa nyei die. Ninh mbuo yaac yiem Ye^lu^saa^lem nitv jienv[45] ninh mbuo juangc fingx nyei cien-ceqv.

³⁹Ne se Kitv nyei die, Kitv se Saulo nyei die, Saulo se Yo^naa^taan, Manki Suwaa, Aa^mbi^naa^ndapc caux Etc Mbaa^an[46] nyei die.

⁴⁰Yo^naa^taan nyei dorn maaih Melipv Mbaa^an.[47] Melipv Mbaa^an zoux Mikaa nyei die.

⁴¹Mikaa nyei dorn maaih Biton, Melekv, Taalie caux Aa^hatc.[48]

⁴²Aa^hatc zoux Yaalaa nyei die, Yaalaa zoux Aa^le^metv, Atc^maa^wetv caux Simx^li nyei die. Simx^li zoux Mosaa nyei die.

⁴³Mosaa zoux Mbi^ne^aa nyei die. Mbi^ne^aa nyei dorn se Le^fai^yaa, Le^fai^yaa nyei dorn se E^le^aa^saax, E^le^aa^saax nyei dorn se Aasen.

⁴⁴Aasen maaih juqv dauh dorn, mbuox heuc Atc^li^kam, Mbo^ke^lu, I^saa^maa^en, Se^aa^li^yaa, O^mbaa^ndi caux Haanan. Naaiv se Aasen nyei dorn.