Read Iu Mien Ne^haa^mi 7 Bible Online

Ne^haa^mi 7 - Iu Mien bible

Ne^haa^mi 7

¹Zorc ziangx zingh laatc, yie naetv jienv gaengh, aengx paaiv zuov gaengh mienh caux baaux nzung mienh yaac orn Lewi Mienh.

²Yie ziouc bun i dauh mienh gunv Ye^lu^saa^lem Zingh. Yie bun dauh yie nyei muoz-doic, Haa^naa^ni, caux gunv zaangc ZIOUV nyei biauv nyei laauh wuov dauh baeng-bieiv, Haa^nan^yaa, weic zuqc ninh hnyouv zingx yaac taaih Tin-Hungh gauh camv zuangx mienh.

³Yie mbuox ziangx ninh mbuo, “Zuov mba'hnoi cuotv daaih hlang deix[22] cingx daaih koi zingh gaengh. Mienh corc zuov gaengh nyei ziangh hoc oix zuqc guon jienv gaengh, longc gaengh sorn sorn jienv. Yaac oix zuqc paaiv Ye^lu^saa^lem nyei baeqc fingx luonh baan zuov zingh. Gorqv-mienh oix zuqc yiem paaiv ziangx nyei dorngx. Maaih deix yaac yiem doix gorqv-mienh ganh nyei biauv.”

⁴Wuov norm zingh youc hlo youc jangv. Yiem zingh gu'nyuoz nyei mienh yaac zoqc. Biauv yaac maiv gaengh duqv gomv camv.

⁵Tin-Hungh bun yie yiem hnyouv hiuv duqv oix zuqc heuc zoux hlo zoux jien nyei mienh caux zuangx baeqc fingx ziux mienh buonc faaux mienh houz. Yie yaac lorz buatc zuqc guaatv mingh nzuonx daaih da'yietv baan nyei mienh houz daan. Yie buatc sou-daan hnangv naaiv nor fiev.

⁶Naaiv se Mbaa^mbi^lon Guoqv nyei hungh diex, Ne^mbu^katv^netv^saa, guaatv mingh Mbaa^mbi^lon duqv nzuonx daaih yiem Yu^ndaa Deic-Bung caux Ye^lu^saa^lem Zingh nyei mienh nyei mbuox. Gorqv-mienh yaac nzuonx gorqv-mienh nyei buonv-mungv.

⁷Ninh mbuo caux Se^lupv^mbaa^mben, Ye^su^aa, Ne^haa^mi, Aa^saa^li^yaa, Laa^aa^mi^aa, Naa^haa^maa^ni, Mo^nde^kai, Mbinsaan, Mitv^be^letv, Mbikc^wai, Ne^hum caux Mbaa^aa^naa yietc jauv nzuonx. Naaiv se I^saa^laa^en Mienh nyei mbuox caux soux mouc.

⁸Baalotv nyei zeiv-fun — 2,172 dauh

⁹Se^faa^ti^yaa nyei zeiv-fun — 372 dauh

¹⁰Aalaa nyei zeiv-fun — 652 dauh

¹¹Baa^hatc Mo^apc (se gan Ye^su^aa caux Yo^aapc) nyei zeiv-fun — 2,818 dauh

¹²Elaam nyei zeiv-fun — 1,254 dauh

¹³Satc^tu nyei zeiv-fun — 845 dauh

¹⁴Sakc^kai nyei zeiv-fun — 760 dauh

¹⁵Mbinnui nyei zeiv-fun — 648 dauh

¹⁶Mbe^mbai nyei zeiv-fun — 628 dauh

¹⁷Atc^gaatc nyei zeiv-fun — 2,322 dauh

¹⁸Aa^ndo^ni^kam nyei zeiv-fun — 667 dauh

¹⁹Mbikc^wai nyei zeiv-fun — 2,067 dauh

²⁰Aa^ndin nyei zeiv-fun — 655 dauh

²¹Aa^te (se gan He^se^ki^yaa) nyei zeiv-fun — 98 dauh

²²Haasum nyei zeiv-fun — 328 dauh

²³Mbesai nyei zeiv-fun — 324 dauh

²⁴Haalipv nyei zeiv-fun — 112 dauh

²⁵Gi^mbe^on nyei zeiv-fun — 95 dauh

²⁶yiem Mbetc^le^hem caux Ne^to^faa daaih nyei mienh — 188 dauh

²⁷yiem Aa^naa^totv daaih nyei mienh — 128 dauh

²⁸yiem Mbetc Atc^maa^wetv daaih nyei mienh — 42 dauh

²⁹yiem Ki^li^yaatv Ye^aa^lim, Ke^fi^laa caux Mbe^e^lotv daaih nyei mienh — 743 dauh

³⁰yiem Laamaa caux Ge^mbaa daaih nyei mienh — 621 dauh

³¹yiem Mikv^maatv daaih nyei mienh — 122 dauh

³²yiem Mbetc^en caux Ai Zingh daaih nyei mienh — 123 dauh

³³yiem ganh norm Ne^mbo daaih nyei mienh — 52 dauh

³⁴yiem ganh norm Elaam daaih nyei mienh — 1,254 dauh

³⁵yiem Haalim daaih nyei mienh — 320 dauh

³⁶yiem Ye^li^ko daaih nyei mienh — 345 dauh

³⁷yiem Lotc, Haa^nditc caux Ono daaih nyei mienh — 721 dauh

³⁸yiem Se^naa^aa daaih nyei mienh — 3,930 dauh

³⁹Sai mienh Ye^ndaa^yaa nyei zeiv-fun (se gan Ye^su^aa nyei hoz doic) — 973 dauh

⁴⁰Imme nyei zeiv-fun — 1,052 dauh

⁴¹Baatc^he nyei zeiv-fun — 1,247 dauh

⁴²Haalim nyei zeiv-fun — 1,017 dauh

⁴³Lewi Mienh se Ye^su^aa (se gan Katc^mi^en caux Ho^ndaa^wi^yaa) nyei zeiv-fun — 74 dauh

⁴⁴Baaux nzung nyei mienh nyei zeiv-fun — 148 dauh

⁴⁵Zuov zaangc Tin-Hungh nyei biauv nyei gaengh wuov deix mienh Sanlum, Aa^te, Tanmon, Akc^kupc, Haa^ti^taa, caux So^mbai nyei zeiv-fun — 138 dauh

⁴⁶Zaangc Tin-Hungh nyei biauv nyei bou Si^haqc, Haa^sux^faa, caux Tapv^mbaa^otc nyei zeiv-fun

⁴⁷Kelotv, Si^aa caux Paa^ndon nyei zeiv-fun

⁴⁸Le^mbaa^naa, Haa^gaa^mbaa caux Sanmai nyei zeiv-fun

⁴⁹Haanan, Gitc^nden caux Gaa^haa nyei zeiv-fun

⁵⁰Le^aa^yaa, Lesin caux Ne^ko^ndaa nyei zeiv-fun

⁵¹Gatc^saam, Utc^saa caux Baa^se^aa nyei zeiv-fun

⁵²Mbesaix, Me^u^nim caux Ne^fu^se^simx nyei zeiv-fun

⁵³Mbakc^mbukc, Haa^ku^faa caux Haan^hu nyei zeiv-fun

⁵⁴Mbatc^litv, Me^hi^ndaa caux Haansaa nyei zeiv-fun

⁵⁵Mbaakotc, Si^se^laa caux Temaa nyei zeiv-fun

⁵⁶Ne^si^yaa caux Haa^ti^faa nyei zeiv-fun

⁵⁷Saa^lo^morn Hungh nyei bou nyei zeiv-fun Sotai, So^fe^letv caux Be^li^ndaa nyei zeiv-fun

⁵⁸Yaa^aa^laa, Ndaankon caux Gitc^nden nyei zeiv-fun

⁵⁹Se^faa^ti^yaa, Hatc^tin, Bo^ke^letv Hatc^saa^mbaa^im, caux Aamon nyei zeiv-fun

⁶⁰Zaangc Tin-Hungh nyei biauv nyei bou caux Saa^lo^morn Hungh nyei bou nyei zeiv-fun — 392 dauh

⁶¹Daaux naaiv mingh gorngv yiem Ten Melaa, Ten Haanx^saa, Kelupv, Atc^ndon caux Imme Mungv daaih nyei mienh. Mv baac ninh mbuo zaah maiv cuotv ninh mbuo nyei douh zong zeiz I^saa^laa^en Mienh fai maiv zeiz.

⁶²Nde^lai^yaa, To^mbi^aa, caux Ne^ko^ndaa nyei zeiv-fun — 642 dauh

⁶³Yiem zuangx sai mienh mbu'ndongx maaih Ho^mbaa^yaa, Hakv^kotc caux Mbaa^sin^lai nyei zeiv-fun. (Mbaa^sin^lai longc Gi^le^aatc Mienh, Mbaa^sin^lai, nyei sieqv zoux auv ziouc cuotv mbuox gan ninh nyei ong-daa nyei mbuox heuc.)

⁶⁴Naaiv deix mienh zaah mangc ninh mbuo nyei mienh houz daan yaac lorz maiv buatc ninh mbuo nyei mbuox. Weic naaiv cingx funx ninh mbuo maaih uix, maiv bun zoux sai mienh.

⁶⁵Yiutai Mienh nyei saengv-ziouv hatc ninh mbuo maiv dungx nyanc longc ziec bun Tin-Hungh gauh cing-nzengc jiex nyei ga'naaiv. Zuov taux maaih haih longc Ulim caux Tummim nyei sai mienh haih naaic cuotv.

⁶⁶Naaiv deix zuangx mienh gapv zunv maaih biei waanc i cin faam-baeqv luoqc ziepc dauh,

⁶⁷cih cuotv ninh mbuo nyei siec cin faam-baeqv faah ziepc cietv dauh m'jangc bou m'sieqv bou. Aengx maaih nyic baeqv feix ziepc hmz dauh baaux nzung nyei m'jangc m'sieqv.

⁶⁸Ninh mbuo maaih maaz cietv baeqv faah ziepc luoqc dauh, maaz-li nyic baeqv feix ziepc hmz dauh,

⁶⁹lorh torh feix baeqv faah ziepc hmz dauh, caux lorh juqv cin cietv baeqv nyic ziepc dauh.

⁷⁰Maaih deix fingx nyei bieiv zeiv fongc horc ga'naaiv weic tengx gong. Saengv-ziouv fongc horc jiem biaa joih nyic ziepc luoqc lungz,[23] nzormc hmz ziepc norm, caux sai mienh nyei lui-houx hmz baeqv faah ziepc deix bieqc daaih.

⁷¹Aengx maaih deix fingx nyei bieiv zeiv weic zoux naaiv deix gong fongc horc jiem yietc baeqv biaa joih[24] caux nyaanh cietv baeqv feix ziepc faam joih.[25]

⁷²Zuangx baeqc fingx fongc horc nyei jiem maaih yietc baeqv biaa joih, nyaanh luoqc baeqv betv ziepc yietv joih,[26] caux sai mienh nyei lui-houx luoqc ziepc cietv deix.

⁷³Sai mienh, Lewi Mienh, zuov gaengh nyei mienh, baaux nzung mienh, caux deix baeqc fingx, caux zaangc Tin-Hungh nyei biauv nyei bou, aengx caux zengc njiec nyei I^saa^laa^en Mienh, nzuonx taux ninh mbuo ganh nyei buonv-mungv yiem. Taux cietv hlaax, I^saa^laa^en Mienh yiem jienv ninh mbuo ganh nyei buonv-zingh.