Read Iu Mien Yopv 20 Bible Online

Yopv 20 - Iu Mien bible

Yopv 20

¹Naa^aa^me Mienh, Sofaa, ziouc dau,

²“Yopv aah! Meih nyei waac bun yie hnyouv maiv longx, nyienz maiv jienv, oix zuqc dau aqv.

³Yie haiz meih gorngv-hemx nyei waac gorngv doqc yie, mv baac yie ganh nyei hnyouv hiuv duqv hnangv haaix nor dau.

⁴“Meih maiv hiuv fai? Yiem loz! hnoi daaih, dongh baamh mienh coqv hoqc duqv yiem baamh gen wuov zanc,

⁵orqv mienh duqv hingh nyei ziangh hoc se nangv nyei, maiv gan Tin-Hungh nyei mienh nyei njien-youh yaac weic dangh baav hnangv.

⁶Maiv gunv ninh duqv zoux hlo, mbaengc gu'nguaaic lungh, ninh nyei m'nqorngv taux mbuonx,

⁷ninh oix yietc liuz zuqc mietc, hnangv ninh ganh nyei nqaiv. Buatc jiex ninh nyei mienh oix gorngv, ‘Ninh jiex haaix mi'aqv?’

⁸Ninh hnangv norm mbeix jiex mi'aqv, lorz maiv buatc aqv, yaac hnangv lungh muonz zanc hinc yaangh nyei sic ninh mitc mi'aqv.

⁹Buatc jiex ninh nyei mienh yietc liuz maiv duqv aengx buatc, ninh yiem nyei dorngx yaac maiv duqv aengx buatc ninh.

¹⁰Ninh nyei dorn-jueiv oix zuqc jaauv sung mienh jomc mienh. Ganh nyei buoz oix zuqc tuix nzuonx ninh nyei zinh zoih.

¹¹Ninh nyei mbungv maaih mienh lunx mienh nyei qaqv, mv baac oix zuqc caux ninh njiec benx nie-mbung.

¹²“Maiv gunv orqv sic yiem ninh nyei nzuih se gaam nyei, yaac maiv gunv ninh fapv jienv ninh nyei mbietc ga'ndiev,

¹³maiv gunv ninh maiv kangv liev cuotv, corc njorm jienv nzuih gu'nyuoz,

¹⁴ninh nyanc nyei ga'naaiv yiem ga'sie tiuv mi'aqv, yiem hnyouv gu'nyuoz benx naang-jieqv nyei ndie-doqc.

¹⁵Orqv mienh naqv zinh zoih aengx lov cuotv, Tin-Hungh zoux bun wuov deix ga'naaiv yiem ninh nyei ga'sie baetv cuotv daaih.

¹⁶Ninh oix sorqv naang-jieqv nyei ndie-doqc, naang-doqc oix nyorqv ninh daic.

¹⁷Ninh maiv duqv mangc ndoqv, se maaih mueiz-dorngh caux ngongh nyorx liouc cuotv nyei ndoqv.

¹⁸Ninh cuotv qaqv duqv daaih nyei ga'naaiv oix zuqc tuix nzuonx, yaac maiv duqv a'hneiv ninh maaiz maaic zornc daaih nyei ga'naaiv.

¹⁹Weic zuqc ninh zeix mienh jomc mienh aengx guangc ninh mbuo, yaac caangv maiv zeiz ninh ganh ceix daaih nyei biauv.

²⁰“Weic zuqc ninh mauv nyei jauv maiv haih dingh, ninh a'hneiv nyei ga'naaiv yietc nyungc yaac maiv liouh aqv.

²¹Ninh nyanc liuz, maiv zengc haaix nyungc aqv. Weic naaiv ninh nyei fuqv-loqc maiv duqv yietc liuz yiem.

²²Ninh gauh benx jiex nyei ziangh hoc, ninh zuqc ndortv njiec kouv, yietc zungv siem nyei zeqc naanc ziouc daaih hoic ninh.

²³“Orqv mienh nyanc beuv, buangv ga'sie nyei ziangh hoc, Tin-Hungh nyei ga'qiex ziouc baetv cuotv bun ninh, yaac hnangv mbiungc nor njiec ninh nyei sin.

²⁴Ninh oix biaux hlieqv-jaa-sic, dongh siqv forng ziouc buonv tong ninh.

²⁵Ninh baeng forng cuotv, forng ziouc yiem ninh nyei sin cuotv daaih. Forng-cang dueiv-mueiz guoqv jienv daamv nyei wuom aengv cuotv njang, haeqv ninh gamh nziex! haic.

²⁶Ninh siou nyei zinh zoih oix zuqc mietc nzengc.[86] Maiv zeiz mienh biomv nyei douz oix zorqv ninh buov qui. Yiem ninh nyei ndopv-liuh zengc njiec nyei ga'naaiv yaac zuqc buov mietc nzengc.

²⁷Lungh oix bun cing ninh zoux nyei zuiz, ndau oix zoux zorng-zengx dingc ninh.

²⁸Ninh nyei jaa-dingh zungv zuqc dorh mingh nzengc aqv, yiem Tin-Hungh qiex jiez nyei hnoi zuqc guaatv mingh aqv.

²⁹Naaiv se orqv mienh yiem Tin-Hungh duqv nyei buonc, se Tin-Hungh paaiv bun ninh nzipc.”