Read Iu Mien Yopv 26 Bible Online

Yopv 26 - Iu Mien bible

Yopv 26

¹Yopv ziouc dau,

²“Meih gengh! tengx yie, dongh maiv maaih qaqv nyei mienh orqc? Meih gengh njoux duqv mau haic nyei mienh orqc?

³Meih tengx maiv maaih cong-mengh nyei mienh caangh laangh duqv longx haic, yaac bun cing meih maaih hlo haic nyei wuonh zaang orqc?

⁴Haaix dauh tengx meih gorngv cuotv naaiv deix waac? Maaih haaix dauh dongz zuqc meih hnangv naaiv nor gorngv?

⁵“Yiem yiemh gen nyei mienh, se yiem wuom-ndiev caux wuom gu'nyuoz nyei mienh nyanh nyanh nyei.[104]

⁶Yiemh gen yiem Tin-Hungh nyei nza'hmien buatc duqv nqaengc nyei, zuqc mietc nyei dorngx maiv maaih haaix nyungc torngv.

⁷Tin-Hungh zorqv baqv bung nyei lungh corng kungx nyei dorngx gu'nguaaic, yaac zorqv baamh gen kuangx jienv maiv maaih haaix nyungc nyei dorngx.

⁸Ninh beu wuom yiem buangv mbuonx-hoz gu'nyuoz, wuom yaac maiv zoux bun mbuonx mbaaix.

⁹Ninh bun mbuonx torngv jienv ninh nyei weic,[105] zorqv ninh nyei mbuonx corng daaih buang jienv.

¹⁰Ninh yiem wuom-minc guetv huing gormx, yiem njang caux hmuangx gapv nyei dorngx.

¹¹Ninh hemx lungh nyei ndiouh, ninh mbuo ziouc gamh nziex nyanh nyanh nyei.

¹²Ninh longc ninh nyei qaqv bun koiv sekv,[106] yaac longc ninh nyei wuonh zaang mborqv hingh Laa^hapc.[107]

¹³Ninh bun ninh nyei nziaaux buonc lungh nzang, ninh longc ninh nyei buoz nzopv daic siepv nyei domh naang.[108]

¹⁴Mv baac naaiv se gorngv deix baav Tin-Hungh nyei jauv-louc. Yie mbuo kungx haiz diqv dien waac-sapv gorngv taux ninh hnangv. Mv baac ninh nyei domh qaqv mbui hnangv mba'ong nor, haaix dauh haih bieqc hnyouv?”