Read Iu Mien Singx Nzung 10 Bible Online

Singx Nzung 10 - Iu Mien bible

Singx Nzung 10

¹Singx Nzung 10[21] ZIOUV aah! Meih weic haaix diuc leih yie mbuo ndongc naaiv go? Yie mbuo zuqc kouv naanc meih weic haaix diuc bingx?

²Orqv mienh zoux maux zeix mienh jomc mienh. Tov bun ninh mbuo daav cuotv nyei za'eix hoic zuqc ninh mbuo ganh.

³Orqv mienh ceng ganh hnyouv hanc zoux nyei sic, mauv ga'naaiv nyei mienh zioux yaac mangc piex ZIOUV.

⁴Mienh waaic mienh hnyouv maux ziouc maiv lorz ninh. Orqv mienh kungx hnamv maiv maaih Tin-Hungh.

⁵Orqv mienh zoux nyei jauv zanc-zanc duqv longx, meih siemv zuiz nyei jauv hlang haic, orqv mienh maiv bieqc hnyouv. Ninh huotv ninh nyei yietc zungv win-wangv.

⁶Ninh yiem hnyouv hnamv, “Yie yietc liuz maiv zuqc kouv, doic jiex doic yie maiv buangh zeqc naanc.”

⁷Zioux mienh, nduov mienh, hoic mienh nyei waac buangv nzengc ninh nyei nzuih. Yiem ninh nyei mbietc ga'ndiev maaih doqc nyei, orqv nyei waac.

⁸Ninh yiem laangz gu'nyuoz mbueiz nyei dorngx, yiem bingx nyei dorngx daix maiv zoux dorngc nyei mienh. Ninh nyei m'zing cienh mangc maiv maaih dorngx kaux nyei mienh.

⁹Ninh bingx jienv yiem mbueiz nyei dorngx, hnangv sienh yiem ninh nyei kuotv. Ninh bingx jienv oix caangv doh naanc mienh, ninh baeng ninh nyei mungz guaatv mienh jomc mienh mingh.

¹⁰Maiv maaih dorngx kaux nyei mienh zuqc zatv njiec, ninh mbuo zuqc orqv mienh nyei qaqv hoic ninh mbuo ndortv jienv njiec.

¹¹Orqv mienh yiem hnyouv hnamv, “Tin-Hungh la'kuqv mi'aqv. Ninh bingx jienv ninh nyei hmien, yietc liuz maiv mangc aqv.”

¹²O ZIOUV aah! Daaih maah! Tov meih sung buoz tengx, maiv dungx la'kuqv kouv naanc nyei mienh.

¹³Orqv mienh weic haaix diuc nqemh Tin-Hungh? Orqv mienh yiem hnyouv hnamv, “Ninh maiv longc yie nyei sic.”

¹⁴Mv baac meih buatc nyei, meih zungv hiuv duqv mienh zuqc kouv naanc, hnyouv nzauh nyei sic, ziouc njiec buoz tengx. Maiv lamh kaux dorngx nyei mienh zorqv ganh jiu bun meih, weic zuqc meih m'daaih tengx guh hanh fu'jueiv.

¹⁵Tov meih wuotv mienh waaic mienh caux orqv mienh nyei buoz nauv. Tov wetv cuotv ninh nyei waaic sic taux maiv maaih yietc deix.[22]

¹⁶ZIOUV yietc liuz zoux hungh taux maanc gouv maanc doic. Maanc fingx mienh yiem ninh nyei ndau-beih zuqc mietc nzengc.

¹⁷O ZIOUV aac, meih muangx haiz nyiemc ganh zoux faix nyei mienh[23] oix jouh nyei waac. Meih oix liepc wuonv ninh mbuo nyei hnyouv yaac baeng m'normh muangx ninh mbuo tov nyei waac,

¹⁸weic bun guh hanh fu'jueiv caux zuqc zeix wuov deix duqv baengh fim, weic bun baamh mienh maiv haih zoix aengx haeqv ninh mbuo gamh nziex.