Read Iu Mien Singx Nzung 137 Bible Online

Singx Nzung 137 - Iu Mien bible

Singx Nzung 137

¹Singx Nzung 137 Yie mbuo zueiz jienv Mbaa^mbi^lon nyei ndoqv-hlen, yietv jangx zuqc Si^on ziouc nyiemv.

²Yie mbuo zorqv yie mbuo nyei daanh baah kuangx jienv yiem naaiv nyei suiv-liemh ndiangx,[359]

³weic zuqc caangv yie mbuo daaih wuov deix oix yie mbuo baaux nzung, hoic yie mbuo wuov deix oix yie mbuo tengx ninh mbuo zoux nauc nyitc ziouc gorngv, “Baaux diuh Si^on nyei nzung bun yie mbuo muangx maah!”

⁴Yie mbuo yiem ganh fingx mienh nyei deic-bung, hnangv haaix nor haih baaux ZIOUV nyei nzung?

⁵O Ye^lu^saa^lem aah! Se gorngv yie la'kuqv meih, tov bun yie nyei mbiaauc jieqv buoz hngongx mingh.[360]

⁶Se gorngv yie maiv jangx Ye^lu^saa^lem, yaac maiv funx Ye^lu^saa^lem weih bun yie gauh duqv njien-youh jiex, tov bun yie nyei mbietc naetv jienv yie nyei nzuih dungz.

⁷O ZIOUV aac, tov jangx E^ndom Mienh hnangv haaix nor zoux. Ye^lu^saa^lem mbaang wuov hnoi ninh mbuo gorngv, “Oix zuqc baaic, oix zuqc baaic aqv, oix zuqc caeqv njiec taux gorn-ndoqv.”

⁸O Mbaa^mbi^lon aah![361] Weic meih zoux bun yie mbuo nyei sic, jaauv win bun meih wuov dauh oix zuqc orn-lorqc.

⁹Zorqv meih nyei gu'nguaaz-faix guaeqv la'bieiv wuov dauh yaac maaih orn-lorqc aqv.