Read Iu Mien Singx Nzung 2 Bible Online

Singx Nzung 2 - Iu Mien bible

Singx Nzung 2

¹Singx Nzung 2 Maanc guoqv nyei mienh weic haaix diuc faanv lunc? Maanc fingx mienh weic haaix diuc daav maiv lamh longc nyei za'eix?

²Lungh ndiev nyei zuangx hungh diex dongh hnyouv caangh laangh, gunv maanc guoqv nyei mienh lomh nzoih daav za'eix ngaengc ZIOUV caux ninh longc youh orn daaih nyei hungh diex.

³Ninh mbuo gorngv, “Mbuo oix zuqc cutv dangx ninh mbuo ndoh nyei limc, yaac jaiv nqoi ninh mbuo ndoh mbuo nyei hlaang.”

⁴ZIOUV yiem gu'nguaaic lungh zueiz jienv weic jatv ninh mbuo, yaac huotv ninh mbuo.

⁵Ninh qiex jiez jienv caux ninh mbuo gorngv waac, ninh nouz haic ziouc haeqv ninh mbuo gamh nziex. Ninh gorngv,

⁶“Yie zungv liepc yie ginv daaih nyei hungh, yiem yie nyei cing-nzengc mbong, Si^on.”

⁷Hungh diex gorngv, “Yie oix zunh ZIOUV njiec nyei lingc. “Ninh gorngv mbuox yie, ‘Meih zoux yie nyei dorn, ih hnoi yie benx meih nyei die.

⁸Gunv tov yie maah! Yie ziouc zorqv maanc guoqv jiu bun meih nzipc, zorqv nzengc lungh ndiev jiu benx meih nyei buonc.

⁹Meih ziouc longc hlieqv-biaav mborqv ninh mbuo huv, yaac zong ninh mbuo hnangv zong nie-mor huv muonc nzengc nor.’+”

¹⁰O zuangx hungh diex aah! Hnangv naaic oix zuqc maaih cong-mengh. O gunv lungh ndiev nyei mienh aah! Oix zuqc muangx naaiv deix donv nyei waac.

¹¹Oix zuqc gamh nziex jienv fu-sux ZIOUV, oix zuqc za'gengh taaih ninh.[4]

¹²Oix zuqc puoqv njiec ninh nyei nza'hmien.[5] Maiv zei aeqv, nziex ninh qiex jiez, meih mbuo ziouc haih zuqc mietc, weic zuqc ninh nyei ga'qiex haih siepv-siepv nyei baetv cuotv. Da'faanh ndaauh kaux ninh wuov deix maaih orn-lorqc.