Read Iu Mien Singx Nzung 32 Bible Online

Singx Nzung 32 - Iu Mien bible

Singx Nzung 32

¹Singx Nzung 32 Ndaawitv zoc nyei singx nzung. Benx diuh matv^kin nzung. Haaix dauh zoux dorngc zuiz mv baac duqv Tin-Hungh guangc nqoi,, se duqv ninh nyei zuiz sortv guangc, wuov dauh maaih orn-lorqc.

²ZIOUV funx maiv maaih zuiz nyei mienh, se ganh nyei hnyouv maiv maaih haaix nyungc nduov mienh, wuov dauh maaih orn-lorqc.

³Yie nyienz jienv maiv nyiemc yie nyei zuiz wuov zanc, yie nyei sin hei jienv njiec, weic zuqc yie ziangh hnoi njunh jienv yiem.

⁴Meih nyei buoz ziangh hnoi ziangh muonz ngatv jienv yie, yie nyei qaqv ziouc zitc nzengc, hnangv nqaai gorng yuoqv nyei ziangh hoc nor. Selaa

⁵Yie ziouc nyiemc yie nyei zuiz bun meih aqv. Yie maiv bingx yie zoux dorngc nyei sic. Yie gorngv, “Yie oix dorng jienv ZIOUV nyiemc yie zoux dorngc nyei sic.” Meih ziouc guangc nqoi yie zoux dorngc nyei zuiz. Selaa

⁶Tov bun gan longx meih wuov deix mienh dorng jienv meih daux gaux. Doix zuqc buangh kuonx naanh nyei ziangh hoc, hnangv wuom yiemx wuov zanc ziouc yiemx maiv taux ninh wuov.

⁷Meih zoux yie bingx nyei dorngx. Meih beu jienv yie leih ndutv kouv naanc, meih bun weih gormx yie nyei mienh baaux njoux en nyei nzung. Selaa

⁸Yie oix njaaux meih, bun meih hiuv duqv horpc zuqc yangh nyei jauv. Yie oix bungx m'zing mangc jienv tengx meih caangh laangh.

⁹Maiv dungx zoux hnangv maiv hiuv haaix nyungc nyei lorh maaz. Oix zuqc longc hlieqv fapv jienv nzuih, ndoh jienv hlaang, ninh cingx daaih mbuoqc meih gunv.

¹⁰Orqv mienh zuqc siouc kouv camv, mv baac kaux ZIOUV nyei mienh zungv oix duqv ZIOUV ziepc zuoqv nyei hnamv, goux jienv ninh.

¹¹Meih mbuo kuv mienh aah! Oix zuqc kaux ZIOUV njien-youh orn-lorqc. Meih mbuo hnyouv zingx nyei zuangx mienh aah! Oix zuqc njien-youh nyei heuc mbui.