Read Iu Mien Singx Nzung 36 Bible Online

Singx Nzung 36 - Iu Mien bible

Singx Nzung 36

¹Singx Nzung 36 Jiu bun dorh nzung nyei mienh. ZIOUV nyei bou, Ndaawitv, zoc nyei singx nzung. Zuiz yiem orqv mienh nyei hnyouv ndo nyei dorngx caux orqv mienh gorngv. Ziux ninh nyei m'zing mangc, ninh maiv zuqc gamh nziex Tin-Hungh.

²Ninh ceng ninh ganh nyei haah baah buang, laaic maiv maaih haaix dauh haih hiuv fai nzorng ninh nyei zuiz.[88]

³Ninh nyei nzuih gorngv orqv nyei waac, gorngv-baeqc nduov mienh. Cong-mengh nyei jauv caux kuv sic ninh dingh, maiv zoux aqv.

⁴Ninh bueix jienv coux hnamv cuotv zoux waaic nyei sic. Ninh dingc hnyouv zoux maiv benx nyei jauv, ninh yaac maiv nqemh zoux orqv nyei sic.

⁵O ZIOUV aac, meih ziepc zuoqv hnamv mienh nyei hnyouv se mbaengc lungh hlang. Meih ziepc zuoqv nyei hnyouv mbaengc ndaamv-lungh.[89]

⁶Meih se baengh fim hnangv Tin-Hungh nyei zuangx mbong. Meih dunx sic se hnangv ndo haic nyei koiv. O ZIOUV aac, mienh maanh caux saeng-kuv meih yaac njoux.

⁷O Tin-Hungh aac, meih ziepc zuoqv nyei hnamv mienh se za'gengh jaaix haic. Baamh mienh hlo-hlo faix-faix yiem meih nyei ndaatv-ndiev nyei dongh linh.

⁸Ninh mbuo nyanc yiem meih nyei biauv bungx-zuoqc nyei ga'naaiv beuv, meih yaac bun ninh mbuo hopv meih nyei orn-lorqc ndaaih nyei wuom.

⁹Weic zuqc yiem wuov maaih ziangh maengc nyei wuom-zingv. Yiem meih nyei njang yie mbuo duqv buatc njang.

¹⁰Tov meih ziepc zuoqv nyei hnamv jienv mingh dongh hiuv duqv meih wuov deix, yaac baengh fim nyei zoux bun hnyouv zingx nyei mienh.

¹¹Tov maiv dungx bun zoux maux nyei mienh nyei zaux caaiv yie, yaac maiv dungx bun mienh waaic mienh nyei buoz zunc yie biaux.

¹²Mangc maah! Zoux orqv nyei mienh king njiec bueix jienv wuov. Ninh mbuo zuqc fongv ndorpc mingh, maiv haih aengx jiez sin daaih.