Read Iu Mien Singx Nzung 52 Bible Online

Singx Nzung 52 - Iu Mien bible

Singx Nzung 52

¹Singx Nzung 52 Jiu bun dorh nzung nyei mienh. Ndaawitv zoc nyei matv^kin nzung. Naaiv diuh nzung fiev doix E^ndom Mienh, Ndo^ekc, mingh lorz Saulo, mbuox ninh, Ndaawitv mingh Aa^hi^me^lekv nyei biauv. [131] Mienh henv mienh aah! Meih weic haaix diuc bungx waac-maux meih zoux nyei orqv sic? Tin-Hungh ziangh hnoi ziangh muonz ziepc zuoqv nyei hnamv mienh.

²Meih daav za'eix mietc mienh. Meih nyei mbietc hnangv teix-do nor laic, kungx longc weic gorngv-baeqc nduov mienh hnangv.

³Meih hnamv orqv sic gauh camv kuv sic, hnamv gorngv-baeqc nyei waac gauh camv gorngv zien leiz. Selaa

⁴O meih gorngv-baeqc nduov mienh nyei mbietc aah! Meih hnamv yietc zungv hoic mienh nyei waac.

⁵Mv baac Tin-Hungh oix bun meih zuqc mietc taux yietc liuz. Ninh oix zorqv meih yiem ndopv-liuh gu'nyuoz ciev cuotv daaih. Ninh oix yiem yaangh gen baeng meih cuotv hnangv liemh nzungh baeng cuotv nor. Selaa

⁶Kuv mienh duqv buatc yaac gamh nziex. Ninh mbuo oix jatv ninh yaac gorngv,

⁷mangc maah! Maiv ndaauh kaux Tin-Hungh nyei mienh, kungx kaux ganh bungx-zuoqc nyei zinh zoih, yaac bangc zoux waaic nyei jauv liepc ganh wuonv.

⁸Mv baac yie se hnangv zungh ga'lanv ndiangx nyiemz yiem zaangc Tin-Hungh nyei biauv gu'nyuoz. Yie kaux Tin-Hungh, dongh ziepc zuoqv nyei hnamv mienh taux maanc gouv maanc doic.

⁹Yie oix dor-ziec meih taux yietc liuz weic meih zoux nyei sic. Yie oix dorng jienv meih nyei baeqc fingx zunh meih nyei mengh, weic zuqc meih nyei mengh se longx haic.