Read Iu Mien Singx Nzung 57 Bible Online

Singx Nzung 57 - Iu Mien bible

Singx Nzung 57

¹Singx Nzung 57 Jiu bun dorh nzung nyei mienh. Longc “Maiv Dungx Mietc” nyei pou. Ndaawitv zoc nyei mikv^taam nzung doix ninh biaux Saulo yaac yiem mbaengx-kuotv wuov zanc.[144] Tin-Hungh aah! Tov korv-lienh yie. Tov! korv-lienh yie maah! Weic zuqc yie ndaauh kaux meih. Yie ndaauh kaux meih, yiem meih nyei ndaatv-ndiev nyei dongh linh zuov domh zeqc naanc jiex nzengc.

²Yie heuc Yiem Hlang Jiex nyei Tin-Hungh, se weic yie zoux ziangx nyungc-nyungc sic nyei Tin-Hungh.

³Ninh oix yiem gu'nguaaic lungh dau yie, njoux yie. Ninh oix bun zeix yie wuov deix zuqc nyaiv. Selaa Tin-Hungh oix bun cing ninh ziepc zuoqv nyei hnamv yie yaac zoux hnyouv zingx.

⁴Yie bueix jienv sienh mbu'ndongx, se naqv[145] baamh mienh nyei sienh. Ninh mbuo nyei nyaah se hnangv cang caux forng nor. Ninh mbuo nyei mbietc yaac hnangv nzuqc ndaauv nor laic.

⁵O Tin-Hungh aac, tov bun mienh taaih meih gauh hlang jiex lungh. Tov bun meih nyei njang-laangc yiem buangv lungh ndiev.

⁶Ninh mbuo zaeng mungz yie nyei zaux caaiv nyei dorngx. Yie zuqc naanc zingh ngatv jienv yie nyei hnyouv. Ninh mbuo wetv kuotv yie yangh nyei jauv, mv baac ninh mbuo ganh ndortv njiec. Selaa

⁷O Tin-Hungh aac, yie nyei hnyouv kaux wuonv. Yie nyei hnyouv kaux wuonv. Yie oix baaux nzung, oix baaux nzung ceng meih.

⁸Yie nyei hnyouv aah! Nyie daaih maah! Domh daanh baah, fiuv-daanh baah aah! Nyie daaih maah! Yie oix bun mba'hnoi[146] nyie daaih.

⁹O Ziouv aac, yie oix yiem maanc fingx mbu'ndongx dor-ziec meih, yie oix yiem maanc guoqv mbu'ndongx baaux nzung ceng meih.

¹⁰Meih ziepc zuoqv nyei hnamv mienh mbaengc lungh hlang. Meih ziepc zuoqv nyei hnyouv yaac mbaengc mbuonx hlang.

¹¹O Tin-Hungh aac, tov bun mienh taaih meih gauh hlang jiex lungh. Tov bun meih nyei njang-laangc yiem buangv lungh ndiev.