Read Iu Mien Singx Nzung 6 Bible Online

Singx Nzung 6 - Iu Mien bible

Singx Nzung 6

¹Singx Nzung 6 Jiu bun dorh nzung nyei mienh. Oix zuqc longc patv nyei jaa-sic. Ziux se^me^nitv. Ndaawitv zoc nyei singx nzung. O ZIOUV aah! Tov maiv dungx nouz jienv gorngv-hemx yie. Maiv dungx qiex jiez jienv dingc yie nyei zuiz.

²O ZIOUV aac, tov meih korv-lienh yie, weic zuqc yie za'gengh mau haic. O ZIOUV aac, tov zorc yie, weic zuqc yie maiv maaih yietc aax qaqv.[9]

³Yie nyei hnyouv za'gengh kouv haic. O ZIOUV aac, yie oix zuqc zuov taux haaix zanc meih cingx daaih tengx?

⁴O ZIOUV aac, tov meih huin nzuonx daaih njoux yie nyei maengc, weic zuqc meih ziepc zuoqv nyei hnamv yie, tov njoux yie.

⁵Mienh daic mingh, maiv maaih haaix dauh haih jangx duqv meih. Yiem yiemh gen maaih haaix dauh haih ceng meih?

⁶Yie njunh jienv yiem, haiz kouv haic. Yie muonz-muonz nyiemv, wuom-mueic yiemx coux, yie nyei nzomz-dauh zuqc wuom-mueic dapc ndorn nzengc.

⁷Nzauh gau, yie nyei m'zing zungv maiv njang. Laaix win-wangv yie nyiemv, m'zing mbuov mi'aqv.

⁸Meih mbuo yietc zungv zoux orqv nyei mienh aah! Biaux nqoi yie, weic zuqc ZIOUV muangx haiz yie nyiemv nyei qiex.

⁹ZIOUV muangx haiz yie jouh nyei waac, yie daux gaux nyei waac ZIOUV yaac dau.

¹⁰Yie nyei yietc zungv win-wangv oix zuqc nyaiv, gamh nziex duqv kouv haic. Ninh mbuo oix zuqc tuix nzuonx, ndongc nziepv dangh m'zing zuqc nyaiv aqv.