Read Iu Mien Singx Nzung 8 Bible Online

Singx Nzung 8 - Iu Mien bible

Singx Nzung 8

¹Singx Nzung 8 Jiu bun dorh nzung nyei mienh. Ziux gitc^titv. Ndaawitv zoc nyei singx nzung. O ZIOUV, yie mbuo nyei Ziouv aac, meih nyei mengh gengh hlo haic buangv lungh ndiev. Mienh ceng meih nyei njang-laangc, taux gu'nguaaic lungh.

²Fu'jueiv caux gu'nguaaz heuc jienv ceng Ziouv. Laaix meih nyei win-wangv meih liepc dorngx wuonv nyei, bun ngaengc meih caux oix jaauv siouh wuov deix dingh njiec.

³Yie cau hmien mangc lungh, buatc meih longc buoz zeix daaih nyei ga'naaiv, buatc hlaax caux hleix, se meih ganh bun ninh mbuo maaih ganh nyei dorngx yiem.

⁴Meih funx baamh mienh benx haaix nyungc cingx jangx taux ninh? Funx seix zaangc mienh benx haaix nyungc cingx daaih goux ninh?

⁵Meih bun ninh zoux gauh aiv deix meih ganh,[14] aengx taaih ninh, bun ninh maaih njang-laangc weic zoux hungh ningv.

⁶Meih paaiv ninh gunv meih nyei buoz zeix daaih nyei nyungc-nyungc, yaac orn ninh zoux ziouv gunv maanc muotc,[15]

⁷se gunv yietc zungv ngongh caux yungh, caux yiem lomc nyei hieh zoih,

⁸yiem ndaamv-lungh nyei norqc, yiem koiv nyei mbiauz, caux yiem koiv mingh mingh daaih daaih nyei yietc zungv ga'naaiv.

⁹O ZIOUV, yie mbuo nyei Ziouv aac, meih nyei mbuox gengh hlo! haic buangv lungh ndiev.