Read Iu Mien Singx Nzung 85 Bible Online

Singx Nzung 85 - Iu Mien bible

Singx Nzung 85

¹Singx Nzung 85 Jiu bun dorh nzung nyei mienh. Kolaa nyei Zeiv-Fun zoc nyei singx nzung. ZIOUV aac, meih ceix en bun meih nyei deic-bung. Meih bun Yaakopv nzuonx daaih duqv longx hnangv loz wuov nor.

²Meih guangc meih nyei baeqc fingx nyei zuiz-nipc, zorqv nqoi[240] ninh mbuo zoux dorngc nyei yietc zungv zuiz. Selaa

³Meih dingh njiec, maiv qiex jiez ninh mbuo, meih huin nzuonx, maiv nouz ninh mbuo aqv.

⁴Yie mbuo nyei Njoux Ziouv, Tin-Hungh aah! Tov bun yie mbuo duqv longx hnangv loz wuov nor. Tov guangc nqoi maiv dungx qiex jiez yie mbuo.

⁵Meih oix qiex jiez yie mbuo taux yietc liuz fai? Oix nouz yie mbuo taux maanc gouv maanc doic fai?

⁶Meih maiv bun yie mbuo aengx fingv jiez daaih weic bun yie mbuo kaux meih duqv njien-youh fai?

⁷O ZIOUV aac, tov bun cing meih ziepc zuoqv nyei hnamv yie mbuo, aengx zorqv meih nyei njoux en ceix bun yie mbuo.

⁸Yie[241] oix muangx ZIOUV Tin-Hungh gorngv nyei waac. Se gorngv ninh nyei baeqc fingx, se ninh nyei cing-nzengc baeqc fingx, maiv aengx nzuonx mingh zoux hngongx nyei jauv, ninh laengz bun ninh mbuo duqv baengh orn.

⁹Ninh nyei njoux en ndongc haaix zungv yiem nitv fatv taaih ninh wuov deix mienh, weic bun ninh nyei njang-laangc yiem yie mbuo nyei deic-bung.

¹⁰Ziepc zuoqv hnamv nyei jauv caux hnyouv zingx nyei jauv oix faang-buangh, baengh fim caux baengh orn oix zom jaax.

¹¹Ziepc zuoqv nyei jauv oix yiem ndau cuotv, baengh fim nyei jauv oix yiem wuov lungh mangc njiec.

¹²ZIOUV oix zorqv longx nyei ga'naaiv bun yie mbuo. Yie mbuo nyei deic-bung ziouc aengx cuotv gaeng-zuangx longx.

¹³Baengh fim nyei jauv oix yiem ninh nyei wuov ndaangc mingh, weic liuc leiz jauv bun ninh nyei zaux caaiv.