Read Iu Mien Gorngv Seix Zaangc 6 Bible Online

Gorngv Seix Zaangc 6 - Iu Mien bible

Gorngv Seix Zaangc 6

¹Yiem naaiv seix zaangc yie buatc nyungc hienv haic nyei sic. Naaiv deix sic se hniev nyei, ngatv jienv mienh.

²Tin-Hungh bun haaix dauh mienh butv zoih, benx nyei, maaih mienh taaih nyei, bun dongh ninh nyei hnyouv oix longc nyei, maiv caa haaix nyungc, mv baac Tin-Hungh maiv bun ninh njien-youh nyei longc. Maaih ganh dauh mienh duqv longc. Naaiv se kungx-morngh, za'gengh hienv haic nyei sic.

³Se gorngv mienh maaih yietc baeqv dauh fu'jueiv, ninh yaac ziangh duqv siouc nyuonh ndaauv, ninh hnoi-nyieqc nyei hnyangx-soux yaac camv mv baac maiv duqv njien-youh nyei longc naaiv seix zaangc yaauc nyei sic, daic mingh yaac maiv maaih mienh biopv, yie gorngv, maaih maiv gaux, mbaang-yungz nyei gu'nguaaz zungv gauh longx ninh.

⁴Weic zuqc wuov dauh gu'nguaaz cuotv seix daaih se kungx-morngh nyei sic. Gu'nguaaz yaac yiem hmuangx gu'nyuoz daic. Yiem hmuangx gu'nyuoz yaac maiv maaih haaix dauh jangx ninh nyei mbuox.

⁵Ninh maiv buatc jiex mba'hnoi yaac maiv hiuv haaix nyungc mv baac duqv hitv kuonx gauh camv wuov dauh mienh.

⁶Maiv gunv wuov dauh mienh ziangh yietc cin i cin hnyangx, ninh nyei maengc maiv duqv njien-youh. Zuangx mienh maiv zeiz juangc yietc norm dorngx mingh fai?

⁷Mienh laauh luic zoux gong weic ganh nyei nzuih, mv baac ninh nyei ga'sie yietc liuz maiv beuv.

⁸Cong-mengh mienh duqv haaix nyungc gauh longx mienh hngongx mienh? Mienh jomc mienh yiem zuangx mienh mbu'ndongx zoux duqv horpc, ninh duqv haaix nyungc longx?

⁹M'zing buatc nyei se gauh longx hnyouv hnamv oix duqv nyei. Naaiv se kungx-morngh nyei sic. Kungx bun nziaaux saaux hnangv.

¹⁰Ih zanc maaih jienv nyei nyungc-nyungc ga'naaiv cuotv ziangx mbuox, yaac hiuv duqv mienh benx haaix nyungc. Ninh maiv haih caux gauh henv nyei mienh nzaeng.

¹¹Yietc zei gorngv camv, yietc zei kungx-morngh, naaiv bun mienh duqv haaix nyungc maaih lamh longc?

¹²Haaix dauh hiuv duqv haaix nyungc longx weic mienh yiem naaiv seix zaangc kungx-morngh nyei maengc? Se jiex nangv nyei hnoi-nyieqc, hnangv dongh linh jiex nor? Haaix dauh haih mbuox ninh, zuov ninh guei seix liuz, nqa'haav yiem lungh ndiev oix maaih haaix nyungc sic cuotv?