Read Iu Mien Lewi 15 Bible Online

Lewi 15 - Iu Mien bible

Lewi 15

¹ZIOUV Gorngv Mbuox Mose caux Aalon,

²“Oix zuqc mbuox I^saa^laa^en Mienh, ‘Haaix dauh m'jangc dorn lamh mbueiz dorngx cuotv maiv horpc zuqc cuotv nyei ga'naaiv, wuov deix ga'naaiv maaih uix.

³Maiv gunv naaiv deix ga'naaiv cuotv fai zaeqv jienv gu'nyuoz, corc bun wuov laanh mienh maaih uix. Naaiv se lamh mbueiz dorngx maaih ga'naaiv cuotv bun mienh maaih uix nyei leiz.

⁴“+‘Haaix dauh m'jangc dorn lamh mbueiz dorngx maaih ga'naaiv cuotv aengx bueix haaix zung coux, wuov zung coux ziouc maaih uix. Zueiz haaix norm ga'naaiv, wuov norm ga'naaiv yaac maaih uix.

⁵Haaix dauh muoqv zuqc ninh nyei coux, wuov dauh oix zuqc nzox ganh nyei lui-houx, longc wuom nzaaux sin, yaac maaih uix taux hmuangx.

⁶Haaix dauh zueiz zuqc ninh zueiz jiex nyei ga'naaiv, wuov dauh oix zuqc nzox ganh nyei lui-houx, longc wuom nzaaux sin, yaac maaih uix taux hmuangx.

⁷“+‘Haaix dauh muoqv lamh mbueiz dorngx maaih ga'naaiv cuotv nyei m'jangc dorn oix zuqc nzox ganh nyei lui-houx, longc wuom nzaaux sin, yaac maaih uix taux hmuangx.

⁸“+‘Haaix dauh lamh mbueiz dorngx maaih ga'naaiv cuotv nyei mienh tuiv wuom-nzuih naetv zuqc mienh, wuov dauh mienh oix zuqc nzox lui-houx, longc wuom nzaaux sin, yaac maaih uix taux hmuangx.

⁹“+‘Lamh mbueiz dorngx maaih ga'naaiv cuotv nyei mienh zueiz jiex nyei maaz-orn fai haaix nyungc ga'naaiv, wuov nyungc ziouc maaih uix.

¹⁰Haaix dauh muoqv zuqc naaiv deix geh jiex zueiz jiex nyei ga'naaiv, wuov dauh maaih uix taux hmuangx. Haaix dauh tengx zorqv naaiv deix zueiz jiex nyei ga'naaiv oix zuqc nzox lui-houx, longc wuom nzaaux sin, yaac maaih uix taux hmuangx.

¹¹“+‘Haaix dauh mienh lamh mbueiz dorngx maaih ga'naaiv cuotv yaac maiv longc wuom nzaaux buoz ndaangc, ninh muoqv zuqc haaix dauh, wuov dauh oix zuqc nzox lui-houx, longc wuom nzaaux sin, yaac maaih uix taux hmuangx.

¹²“+‘Haaix dauh mienh lamh mbueiz dorngx maaih ga'naaiv cuotv aengx muoqv zuqc nie-mor, oix zuqc mborqv nie-mor guangc. Se gorngv muoqv zuqc longc ndiangx zoux daaih nyei jaa-sic, oix zuqc longc wuom nzaaux.

¹³“+‘Lamh mbueiz dorngx maaih ga'naaiv cuotv nyei mienh longx mingh, corc oix zuqc zuov[30] siec hnoi cingx duqv saax uix. Ninh oix zuqc nzox lui-houx, longc wuom-daaih nzaaux sin, ninh ziouc cing-nzengc mi'aqv.

¹⁴Taux da'betv hnoi oix zuqc dorh i norm norqc nqo fai i norm baeqc gopv lunx, yiem ZIOUV nyei nza'hmien, Wuic Buangh Ndopv-Liuh nyei gaengh ndaangc jiu bun sai mienh.

¹⁵Sai mienh ziouc tengx ninh ziec. Ninh longc norm ziec fiqv zuiz, aengx longc norm buov ziec. Ninh hnangv naaiv nor yiem ZIOUV nyei nza'hmien tengx lamh mbueiz dorngx maaih ga'naaiv cuotv wuov laanh mienh fiqv zuiz.

¹⁶“+‘Haaix dauh m'jangc dorn maaih jaix-nongc cuotv, wuov dauh oix zuqc longc wuom nzaaux nzengc ziangh sin. Ninh yaac maaih uix taux hmuangx.

¹⁷Lui-houx fai haaix nyungc longc ndopv zoux daaih nyei ga'naaiv maaih jaix-nongc guoqv zuqc, oix zuqc longc wuom nzaaux yaac maaih uix taux hmuangx.

¹⁸M'jangc m'sieqv caux liuz doic yaac maaih jaix-nongc cuotv, i dauh zungv oix zuqc longc wuom nzaaux sin yaac maaih uix taux hmuangx.

¹⁹“+‘M'sieqv dorn hlaax-hlaax maaih sin-yienc nyei ziangh hoc, ninh maaih uix siec hnoi. Haaix dauh muoqv zuqc ninh, wuov dauh ziouc maaih uix taux hmuangx.

²⁰“+‘Ninh maaih sin-yienc nyei ziangh hoc bueix haaix norm dorngx, wuov norm dorngx maaih uix. Ninh zueiz haaix nyungc ga'naaiv, wuov nyungc ga'naaiv ziouc maaih uix.

²¹Haaix dauh muoqv zuqc ninh nyei coux, wuov dauh oix zuqc nzox ganh nyei lui-houx, longc wuom nzaaux sin, yaac maaih uix taux hmuangx.

²²Haaix dauh muoqv zuqc ninh zueiz nyei ga'naaiv, wuov dauh oix zuqc nzox ganh nyei lui-houx, longc wuom nzaaux sin, yaac maaih uix taux hmuangx.

²³Maiv gunv ninh zueiz coux fai haaix nyungc ga'naaiv, haaix dauh muoqv zuqc ziouc maaih uix taux hmuangx.

²⁴“+‘Se gorngv haaix dauh m'jangc dorn caux maaih sin-yienc nyei m'sieqv dorn nitv doic, m'jangc dorn ziouc zuqc m'sieqv dorn nyei uix guoqv ninh, ninh ziouc maaih uix siec hnoi. Ninh bueix nyei haaix zung coux yaac maaih uix.

²⁵“+‘Haaix dauh m'sieqv dorn maaih nziaamv cuotv camv-hnoi, maiv doix sin-yienc nyei ziangh hoc, fai gauh lauh sin-yienc nyei ziangh hoc, da'faanh corc maaih nziaamv cuotv nyei hnoi-nyieqc maaih uix, hnangv sin-yienc nyei ziangh hoc wuov nor.

²⁶Maaih nziaamv cuotv nyei ziangh hoc, ninh bueix nyei haaix zung coux fai zueiz nyei haaix nyungc ga'naaiv ziouc maaih uix, hnangv sin-yienc nyei ziangh hoc maaih uix wuov nor.

²⁷Haaix dauh muoqv zuqc wuov deix ga'naaiv ziouc maaih uix. Oix zuqc nzox ganh nyei lui-houx, longc wuom nzaaux sin yaac maaih uix taux hmuangx.

²⁸“+‘Mv baac se gorngv ninh cuotv nyei nziaamv dingh nzengc, oix zuqc aengx zuov[31] siec hnoi. Nqa'haav ninh maiv maaih uix.

²⁹Taux da'betv hnoi ninh oix zuqc dorh i norm norqc nqo fai i norm baeqc gopv lunx taux Wuic Buangh Ndopv-Liuh nyei gaengh ndaangc, jiu bun sai mienh.

³⁰Sai mienh ziouc longc norm ziec weic fiqv zuiz, longc norm buov ziec. Ninh hnangv naaiv nor tengx maaih nziaamv cuotv wuov dauh m'sieqv dorn fiqv zuiz.

³¹“+‘Meih mbuo oix zuqc hnangv naaiv bun I^saa^laa^en Mienh simv nqoi ninh mbuo nyei uix. Nziex ninh mbuo dorh uix daaih guoqv zuqc yie nyei Ndopv-Liuh, dongh yiem ninh mbuo mbu'ndongx nyei dorngx. Ninh mbuo ziouc laaix ninh mbuo ganh nyei uix zuqc daic.’+”

³²Naaiv deix leiz se weic m'jangc dorn lamh mbueiz dorngx maaih ga'naaiv fai jaix-nongc cuotv ziouc bun ninh maaih uix,

³³yaac weic m'sieqv dorn maaih sin-yienc nyei ziangh hoc ziouc maaih uix, yaac weic m'jangc dorn fai m'sieqv dorn lamh mbueiz dorngx maaih ga'naaiv cuotv, yaac weic m'jangc dorn caux maaih uix nyei m'sieqv dorn nitv doic.