Read Iu Mien Ye^le^mi 47 Bible Online

Ye^le^mi 47 - Iu Mien bible

Ye^le^mi 47

¹Faalo maiv gaengh mborqv Gaasaa wuov zanc, douc waac mienh, Ye^le^mi, duqv zipv ZIOUV nyei naaiv deix waac gorngv taux Fi^li^saa^die Mienh.

²ZIOUV hnangv naaiv gorngv, “Mangc maah! Wuom yiem baqv bung faaux daaih, yaac oix benx wuom-beqv yiemx. Wuom oix yiemx nzengc deic-bung caux yiem deic-bung yietc zungv ga'naaiv, liemh zingh caux zingh gu'nyuoz nyei mienh. Mienh oix heuc cuotv, yiem deic-bung nyei mouz dauh baeqc fingx yaac oix nyiemv.

³Haiz maaz-gouv nyei deih tiux nyei qiex mbui, mborqv jaax nyei maaz-cie qaau-qaau nyei, cie-yienh qom-qom nyei mbui. Weic die nyei buoz ba'laqc mau haic, maiv haih huin nzuonx goux ganh nyei fu'jueiv.

⁴Weic zuqc hnoi-nyieqc oix taux, oix mietc nzengc Fi^li^saa^die nyei yietc zungv mienh, pai guangc dongh haih tengx Tailaqv caux Sai^ndorn dauh dauh zengc njiec nyei mienh. Weic zuqc ZIOUV oix mietc Fi^li^saa^die Mienh, se yiem Kapv^to[185] nyei koiv-hlen zengc njiec nyei mienh.

⁵Gaasaa oix zuqc hliouv njang nyei, Atc^ke^lon zuqc mietc mi'aqv. Zengc njiec nyei Aanaakv Mienh aah! Meih mbuo oix longc nzuqc gaatv sin ndongc haaix lauh?

⁶ZIOUV nyei nzuqc ndaauv aah! Meih taux haaix zanc cingx daaih dingh? Meih bieqc paiv mingh maah! Hitv kuonx yaac maiv dungx dongz.

⁷ZIOUV paaiv ziangx meih,[186] meih hnangv haaix nor haih dingh? Ninh paaiv ziangx nzuqc ndaauv mingh Atc^ke^lon caux koiv-hlen nyei dorngx mborqv jaax.”