Read Iu Mien E^se^ken 15 Bible Online

E^se^ken 15 - Iu Mien bible

E^se^ken 15

¹Yie aengx duqv zipv ZIOUV nyei waac gorngv,

²“Baamh mienh aah! A'ngunc hmei se gauh longx yiem lomc nyei haaix nyungc ndiangx nyei nquaah fai?

³Mienh dorh a'ngunc hmei mingh longc zoux haaix nyungc fai? Haih longc zoux ndiangx-ding kuangx ga'naaiv fai?

⁴Longc zoux zaangh dapv douz-nzauc buov, douz buov i bung dueiv-mueiz, mbu'ndongx benx douz-ganx mi'aqv, haih longc zoux duqv haaix nyungc maaih lamh longc fai?

⁵Se gorngv maiv gaengh buov nyei ziangh hoc se maiv lamh longc, zuqc douz buov benx douz-ganx liuz, fungc haih longc zoux haaix nyungc?

⁶“Weic naaiv Ziouv TIN-HUNGH hnangv naaiv gorngv, ‘Yie hnangv haaix nor yiem lomc nyei ndiangx mbu'ndongx zorqv a'ngunc hmei longc zoux zaangh buov douz, yie ziouc bun Ye^lu^saa^lem nyei baeqc fingx hnangv wuov nor.

⁷Yie ziouc mbienv hmien caux ninh mbuo doix-dekc. Maiv gunv ninh mbuo yiem douz biaux cuotv daaih, douz corc buov qui ninh mbuo. Yie mbienv hmien caux ninh mbuo doix-dekc nyei ziangh hoc, meih mbuo ziouc hiuv duqv yie se ZIOUV. ’

⁸Ziouv TIN-HUNGH gorngv, ‘Yie oix bun wuov norm deic-bung zuqc baaic huaang nzengc weic zuqc ninh mbuo maiv ziepc zuoqv nyei zoux bun yie.’+”